വഴുതന കൃഷിക്ക് – അധികം പരിചരണം ഒന്നും ആവശ്യമില്ല

നമ്മുടെ ഭക്ഷണത്തിൽ നിത്യവും ഉൾപ്പെടുത്തേണ്ട ധാരാളം ഗുണങ്ങളുള്ള ഒരു പച്ചക്കറിയാണ് വഴുതനങ്ങ. എന്നാൽ ഈ ഗുണങ്ങൾ നമുക്ക് കിട്ടണമെങ്കിൽ അവ കീടനാശിനികൾ ഉപയോഗിക്കാതെ വളർത്തിയെ ടുക്കുന്നവയാകണം. കുട്ടികൾക്കും മുതിർന്നവർക്കും ഒരുപോലെ പോഷകപ്രദമായ വഴുതന നമുക്ക് വീട്ടിൽ യാതൊരു പ്രയാസവും കൂടാതെ കൃഷി ചെയ്യാം. നല്ല വിളവും കിട്ടും. വലിയ പരിചരണം ഒന്നും ആവിശ്യമില്ല.

വഴുതന പലനിറത്തിലും പല വലിപ്പത്തിലും ഉണ്ട്. പച്ച, വെള്ള, വയലെറ്റ്, എന്നിങ്ങനെ നിറത്തിലും ഉരുളൻ, നീണ്ടത് എന്നിങ്ങനെ പല ആകൃതിയിലും ഉണ്ട്. കുറച്ചു ശ്രദ്ധയും നല്ലയിനം വിത്തുകളുമുണ്ടെങ്കിൽ നമ്മുടെ മുറ്റത്തും വഴുതന നന്നായി വിളവെടുക്കാം. ഒരു ചെടിയിൽ നിന്നും രണ്ടു വർഷത്തോളം വിളവെടുക്കാം.

വഴുതന കൃഷിയിൽ ശ്രദ്ധിക്കേണ്ട കാര്യങ്ങൾ

വിത്താണ് കൃഷി ചെയ്യുമ്പോൾ ഏറ്റവും ശ്രദ്ധിക്കേണ്ട കാര്യം, നല്ല വിത്തുകൾ നല്ല വിളവ് തരും. ഗുണമേന്മയുള്ള മഹാ അഗ്രിൻ വിത്തുകൾ ഗുണത്തിലും വിളവിന്റെ കാര്യത്തിലും മുൻപന്തിയിലാണ്. ഓൺലൈനായി ഇവ ലഭ്യമാണ്.

വിത്ത് മുളപ്പിച്ചാണ് കൃഷി ചെയ്യേണ്ടത്. വിത്ത് സ്യുഡോമോണോസിൽ മുക്കി വയ്ക്കാം. രണ്ടോ മൂന്നോ മണിക്കൂറിനുശേഷം പോട്രേയിലോ ചട്ടിയിലോ നടാം. മുള വന്ന് നാലു ഇല പരുവമാകുമ്പോൾ മാറ്റി നടാം. ആരോഗ്യമുള്ള ചെടികൾ മാത്രം നടുക, ഗ്രോ ബാഗിലും നടാം.

നടാനുള്ള മണ്ണ് പാകപ്പെടുത്തിയെടുക്കുന്നത് പ്രധാനപ്പെട്ട കാര്യമാണ്. മണ്ണിൽ ചികിരിച്ചോറ്, മണ്ണിര കമ്പോസ്റ്റ് , ചാണകപ്പൊടി, വേപ്പിൻ പിണ്ണാക്ക്, എല്ലുപൊടി ഇവചേർത്തു ഇളക്കി വെള്ള നനവുള്ളതാക്കി അതിൽ വേണം ചെടി നടാൻ.

കീടങ്ങളെ നേരിടാൻ

ആഴ്ചയിൽ ഒരു തവണ സ്യുഡോമോണസ് ലായനി വെള്ളത്തിൽ കലക്കി ഒഴിച്ചുകൊടുക്കാം. പുളിപ്പിച്ച കഞ്ഞി വെള്ളം നേർപ്പിച്ച ഒഴിച്ചു കൊടുക്കാം, ഇലകളിൽ തളിച്ചും കൊടുക്കാം. വേപ്പെണ്ണ വെളുത്തുള്ളി മിശ്രിതം തളിച്ചുകൊടുക്കാം. ബിവേറിയാം വെള്ളത്തിൽ കലക്കി തളിച്ച് കൊടുക്കാം.

രണ്ടാഴ്ച കൂടുമ്പോൾ ജൈവ സ്ലറി ഒഴിച്ച് കൊടുക്കാം. സാധാരണയായി ചാണകവും കടലപ്പിണ്ണാക്കും കലക്കി വച്ച് അവ പുളിപ്പിച്ചു, അതിൽ ഇരട്ടി വെള്ളം ചേർത്ത് ചെടികൾക്ക് ഒഴിച്ചു കൊടുക്കാം. ഇതൊക്കെ ചെയ്താൽ നല്ല വലിപ്പമുള്ള വഴുതന നമുക്ക് വീട്ടിൽ കിട്ടും. വിഷരഹിതമായ നല്ല പച്ചക്കറികൾ ഇതുപോലെ കൃഷിചെയ്താൽ അസുഖങ്ങൾ വരാതെ ആരോഗ്യം സംരക്ഷിക്കാം ഒപ്പം സ്വാദുള്ള വിഭവങ്ങൾ കഴിക്കുകയും ചെയ്യാം.

മഹാ അഗ്രിൻ വിത്തുകൾ