വഴുതന കൃഷി – വഴുതനയുടെ പോഷക ഗുണങ്ങൾ

വഴുതനയുടെ ഗുണമറിഞ്ഞാൽ അതിന്റെ കൃഷി എല്ലാ വീടുകളിലും തുടങ്ങും. അത്രമാത്രം ഗുണങ്ങളുള്ള ഒരു പച്ചക്കറിയാണിത്. പല വലുപ്പത്തിലുള്ള ഇവ തോട്ടതിന്റെ സൗന്ദര്യം വർധിപ്പിക്കും.

ആൻ്റിഓക്‌സിഡൻ്റുകൾ, ഫൈബർ, പൊട്ടാസ്യം എന്നിവ അടങ്ങിയ പോഷകങ്ങൾ നിറഞ്ഞതും കുറഞ്ഞ കലോറിയുള്ളതുമായ പച്ചക്കറിയാണിത്. ഹൃദയാരോഗ്യത്തിനും രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും ഇതു ഫലപ്രദമാണ്. ഓർമ്മശക്തി കൂട്ടാനും, തലച്ചോറിന്റെ ശരിയായ പ്രവർത്തനത്തിനും വഴുതന ഭക്ഷണത്തിൽ ഉൾപ്പെടുത്തുന്നത് നല്ലതാണ്. പ്രോടീൻ, അന്നജം, കൊഴുപ്പ് എന്നിവയും ഇതിലടങ്ങിയിട്ടുണ്ട്.കാൻസർ പ്രതിരോധിക്കാനും, ശരീര ഭാരം കുറയ്ക്കാനും സഹായിക്കുന്നു.

ഇഷ്ട വിഭവങ്ങളായ സാംബാർ, അവിയൽ എന്നിവയിലും, മെഴുക്കു പുരട്ടിയായും, ചപ്പാത്തിക്കുള്ള ക റിയായും ഒക്കെ വഴുതന ഉപയോഗിക്കാം. സ്വന്തം വീട്ടിലുണ്ടായാൽ എപ്പോഴും ഒരു കറിയുണ്ടാക്കാൻ ഇത് ധാരാളം.

എങ്ങനെ കൃഷി ചെയ്യാം?

വിത്തുകൾ സ്യുഡോമോണസ് ലായനിയിൽ ഒരു മണിക്കൂർ മുക്കി വയ്ക്കാം. എന്നിട്ട് ട്രേയിലോ ഗ്ലാസ്സിലോ മണ്ണെടുത്തു അതിൽ പാകി മുളപ്പിക്കാം. നാലോ അഞ്ചോ ദിവസം കഴിയുമ്പോൾ അവ മുളക്കും. മുളച്ചവ ഗ്രോ ബാഗിലോ ചട്ടിയിലോ നടാം.

മണ്ണ്, കുമ്മായം, ചാണകപ്പൊടി, വേപ്പിൻ പിണ്ണാക്ക്, മണ്ണിര കമ്പോസ്റ്റ്,ചകിരിപ്പൊടി എന്നിവയിട്ട്ഇളക്കി വയ്ക്കുക. മണ്ണിൽ ഈർപ്പം നിലനിൽക്കണം. രണ്ടാഴ്ച കൂടുമ്പോൾ വളമായി , മണ്ണ്, ചാരം, ചാണകപ്പൊടി,കമ്പോസ്റ്റ് എന്നിവ ഇട്ടു കൊടുക്കാം, ഇടയ്ക്കിടയ്ക്ക് സ്യുഡോമോണ്സ്  ലായനി തളിച്ചുകൊടുക്കാം. മണ്ണിൽ ട്രൈക്കോഡെര്മ ഇട്ടു കൊടുക്കുന്നതും നല്ലതാണ്. വെള്ളീച്ച ശല്യം ഒഴിവാക്കാൻ വേപ്പെണ്ണ വെളുത്തുള്ളി മിശ്രിതം തളിച്ച് കൊടുക്കാം. കായതുരപ്പൻ , തണ്ടു തുരപ്പൻ ഇവയെ നശിപ്പിക്കാൻ ബിവേറിയം തളിച്ചുകൊടുക്കാം. വെയിൽ കൊള്ളുന്നിടത്തും, ചോലയിലും ഇവ വളർന്നു കൊള്ളും.

ഏതെങ്കിലും വിത്തുവാങ്ങി മുളപ്പിച്ചാൽ ഫലമുണ്ടാകില്ല. അതുകൊണ്ട് നല്ല ഗുണമേന്മയുള്ള വിത്തുകൾ വാങ്ങി ഉപയോഗിക്കാം. മഹാ അഗ്രിൻ വിത്തുകൾ ഗുണനിലവാരമുള്ള വിത്തുകളാണ് , വിശ്വസിക്കാൻ പറ്റിയ വിത്തിനങ്ങളാണ്, നട്ടാൽ നല്ല വിളവെടുക്കാം.

മഹാ അഗ്രിൻ വിത്തുകൾ