വഴുതന കൃഷി രീതിയും പരിചരണവും

നോർത്തിന്ത്യക്കാരുടെ പ്രിയപ്പെട്ട പച്ചക്കറിയാണ് നമ്മുടെ വഴുതന. കലോറിയും, പ്രൊട്ടീനും, വിറ്റാമിനുകളും, നാരുകളും വലിയ തോതിൽ ഇതിലടങ്ങിയിട്ടുണ്ട്. ഇതിന്റെ പോഷക പ്രധാന്യവും എളുപ്പത്തിലുള്ള കൃഷി രീതിയും മനസ്സിലാക്കി വീട്ടിൽ നിർബന്ധമായും വഴുതന കൃഷി ചെയ്യണം.

പല നിറത്തിൽ വഴുതനങ്ങ ഉണ്ട്. പച്ച, വയലെറ്റ്‌, കടും വയലെറ്റ്‌, വെള്ള എന്നിങ്ങനെ. കാൻസറിനെ പ്രതിരോധിക്കാനും, ഹൃദയാരോഗ്യത്തിനും, ഓർമ്മ ശക്തിയുണ്ടാകാനും കഴിക്കേണ്ട ഒരു പച്ചക്കറിയാണ് വഴുതന. കലോറിയും, പ്രൊട്ടീനും, വിറ്റാമിനുകളും, നാരുകളും വലിയ തോതിൽ ഇതിലടങ്ങിയിട്ടുണ്ട്. എല്ലിന്റെയും പല്ലിന്റെയും ആരോഗ്യം മെച്ചമുള്ളതാക്കുന്നു , വിളർച്ച തടയുന്നു, ശരീരത്തെ കൊഴുപ്പിൽനിന്നും സംരക്ഷിക്കുന്നു എന്നിങ്ങനെ വിവിധ ഗുണങ്ങൾ ഇതിലുണ്ട്.

ഒരു വീട്ടിൽ വഴുത നട്ടു പിടിപ്പിച്ചാൽ രണ്ടു വർഷത്തോളം അതിൽ നിന്നും കായ ഫലം കിട്ടും. വലിയ പരിചരണമോ ആവശ്യമില്ല.

വഴുതന കൃഷി ചെയ്യുന്നതെങ്ങനെ

വിത്താണ് കൃഷി ചെയ്യുമ്പോൾ ഏറ്റവും ശ്രദ്ധിക്കേണ്ട കാര്യം, നല്ല വിത്തുകൾ നല്ല വിളവ് തരും. ഗുണമേന്മയുള്ള മഹാ അഗ്രിൻ വിത്തുകൾ ഗുണത്തിലും വിളവിന്റെ കാര്യത്തിലും മുൻപന്തിയിലാണ്. ഓൺലൈനായി ഇവ ലഭ്യമാണ്.

വിത്ത് മുളപ്പിച്ചാണ് കൃഷി ചെയ്യേണ്ടത്. വിത്ത് സ്യുഡോമോണോസിൽ മുക്കി വയ്ക്കാം. രണ്ടോ മൂന്നോ മണിക്കൂറിനുശേഷം പോട്രേയിലോ ചട്ടിയിലോ നടാം. മുള വന്ന് നാലു ഇല പരുവമാകുമ്പോൾ മാറ്റി നടാം. ആരോഗ്യമുള്ള ചെടികൾ മാത്രം നടുക, ഗ്രോ ബാഗിലും നടാം.

നടാനുള്ള മണ്ണ് പാകപ്പെടുത്തിയെടുക്കുന്നത് പ്രധാനപ്പെട്ട കാര്യമാണ്. മണ്ണിൽ ചികിരിച്ചോറ്, മണ്ണിര കമ്പോസ്റ്റ് , ചാണകപ്പൊടി, വേപ്പിൻ പിണ്ണാക്ക്, എല്ലുപൊടി ഇവചേർത്തു ഇളക്കി വെള്ള നനവുള്ളതാക്കി അതിൽ വേണം ചെടി നടാൻ.

കീടങ്ങളെ നേരിടാൻ

ആഴ്ചയിൽ ഒരു തവണ സ്യുഡോമോണസ് ലായനി വെള്ളത്തിൽ കലക്കി ഒഴിച്ചുകൊടുക്കാം. പുളിപ്പിച്ച കഞ്ഞി വെള്ളം നേർപ്പിച്ച ഒഴിച്ചു കൊടുക്കാം, ഇലകളിൽ തളിച്ചും കൊടുക്കാം. വേപ്പെണ്ണ വെളുത്തുള്ളി മിശ്രിതം തളിച്ചുകൊടുക്കാം. ബിവേറിയാം വെള്ളത്തിൽ കലക്കി തളിച്ച് കൊടുക്കാം.

രണ്ടാഴ്ച കൂടുമ്പോൾ ജൈവ സ്ലറി ഒഴിച്ച് കൊടുക്കാം. സാധാരണയായി ചാണകവും കടലപ്പിണ്ണാക്കും കലക്കി വച്ച് അവ പുളിപ്പിച്ചു, അതിൽ ഇരട്ടി വെള്ളം ചേർത്ത് ചെടികൾക്ക് ഒഴിച്ചു കൊടുക്കാം. ഇതൊക്കെ ചെയ്താൽ നല്ല വലിപ്പമുള്ള വഴുതന നമുക്ക് വീട്ടിൽ കിട്ടും. വിഷരഹിതമായ നല്ല പച്ചക്കറികൾ ഇതുപോലെ കൃഷിചെയ്താൽ അസുഖങ്ങൾ വരാതെ ആരോഗ്യം സംരക്ഷിക്കാം ഒപ്പം സ്വാദുള്ള വിഭവങ്ങൾ കഴിക്കുകയും ചെയ്യാം.

മഹാ അഗ്രിൻ വിത്തുകൾ

.