കാന്താരിയും മുളയ്ക്കും മഴക്കാലത്ത്

മഴക്കാലം കാന്താരി നടാൻ പറ്റിയ സമയമാണ്. വീട്ടിലൊരു കാന്താരി നട്ടാൽ വർഷങ്ങളോളം വിളവെടുക്കാം. കാന്താരി പേരുപോലെതന്നെ ഗുണത്തിൽ വളരെ മുന്നിലാണ്. പല അസുഖങ്ങൾക്കും ഇത് ഔഷധം കൂടിയാണ്.

ഇത് നട്ടു പിടിപ്പിക്കാൻ പ്രയാസമൊന്നുമില്ല. ചട്ണിക്കും, അച്ചാറുകൾക്കും, കറികൾക്കും ഇത് ചേർത്താൽ സ്വാദു കൂടും.  ഇത് നട്ടു പിടിപ്പിക്കാൻ പ്രയാസമൊന്നുമില്ല. ചട്ണിക്കും, അച്ചാറുകൾക്കും, കറികൾക്കും ഇത് ചേർത്താൽ സ്വാദു കൂടും.

കാഴ്ചയിൽ ചെറുതെങ്കിലും വില വളരെ കൂടുതലാണ്. കാന്താരിയുടെ ഉൽപ്പാദനം കുറവാണ്. നട്ടാൽ ഏതു കാലാവസ്ഥയിലും വിളവ് കിട്ടുന്നതുമാണ്. നല്ല വരുമാനം ഉണ്ടാക്കാനും ഈ കൃഷിയിലൂടെ സാധിക്കും. സാധാരണയായി പച്ച, വെള്ള , വയലെറ്റ്‌ എന്നീ നിറത്തിൽ കാന്താരിമുളകുകൾ ഉണ്ട്.   പച്ച കാന്താരിക്കാണ് നല്ല ഡിമാൻഡ്.

അധികം ശ്രദ്ധ ആവശ്യമില്ല. ഇളം വെയിലാണ്കാന്താരിക്ക് നല്ലത്. വർഷങ്ങളോളം ഒരു ചെടിക്കു വിളവ് തരാൻ കഴിയും. വലിയ കീടബാധയും ഉണ്ടാകാറില്ല. ശ്രദ്ധയോടെ മുളക് പറിച്ചെടുക്കണം.  വെള്ളം ആവശ്യത്തിന് നല്കണം. കാന്താരി നൂറു മേനി കായ്ക്കാൻ ചില വഴികളുണ്ട്.  കാന്താരി ഉണക്കി സൂക്ഷിക്കാനും കഴിയും, ഇതിനും മാർക്കറ്റിൽ വിലയുണ്ട്.

വിത്തുകൾ ട്രയിലോ ഗ്ലാസ്സിലോ പോട്ടിങ് മിശ്രിതത്തിൽ മുളപ്പിക്കാം. വിത്തുകൾ കുറച്ചു നേരം വെള്ളത്തിൽ കുതിർത്തിട്ടു വേണം നടാൻ. മഴക്കാലത്തു വിത്തുകൾ മുളക്കുന്നത്‌വരെ മഴ നനയാതെ വയ്ക്കാം.

പശിമയുള്ള മണ്ണായിരിക്കണം ഉപയോഗിക്കേണ്ടത്. മണ്ണ് അടിവളമായ ചാണകപ്പൊടി, ചകിരിച്ചോർ, വേപ്പിൻ പിണ്ണാക്ക്, കമ്പോസ്റ്റ് ഇവ ചേർത്ത് ഇളക്കി വയ്ക്കണം. മണ്ണിൽ കുമ്മായം ചേർത്താലും നല്ലതാണ്.

വിത്തുകൾ മുളപ്പിച്ചു രണ്ടോ മൂന്നോ ഇല പ്രായമാകുമ്പോൾ മാറ്റി നടാം. ഗ്രോബാഗിലോ ചെടി ചട്ടിയിലോ, മണ്ണിലോ ഒക്കെ നടാം. തണലുള്ള സ്ഥലത്തും കാന്താരി വളരാറുണ്ട്. നടുമ്പോൾ, ചെടികൾ തമ്മിൽ 15-20 സെൻ്റീമീറ്റർ അകലം വേണം. അമിതമായ നനവ് ഒഴിവാക്കുക.

വളപ്രയോഗം

അടുക്കള വേസ്റ്റുകളായ മുട്ടത്തോട്, ഉള്ളി വെളുത്തുള്ളി ഇവയുടെ തൊലി മിശ്രിതമാക്കി ഒഴിച്ച് കൊടുക്കുന്നതും നല്ലതാണ്. ഇടയ്ക്കു ജൈവ വളങ്ങൾ ചേർക്കാം. കളകൾ പറിച്ചു കളയണം.

എങ്ങനെ കീടങ്ങളെ നിയന്ത്രിക്കാം?

പ്രധാനമായും വെള്ളീച്ചശല്യം ആണ് കാന്താരിയിൽ സാധാരണയായി കാണാറുള്ളത്. ഇതിനൊരു പരിഹാരമാണ് പുളിപ്പിച്ച കഞ്ഞിവെള്ളം നേർപ്പിച്ചു സ്പ്രേ ചെയ്തുകൊടുക്കുന്നത്.  അതുപോലെ വേപ്പെണ്ണ വെളുത്തുള്ളി മിശ്രിതം തളിച്ച് കൊടുക്കാം.

ഉയർന്ന നിലവാരമുള്ള വിത്തുകൾ ഉപയോഗിക്കുക. മികച്ച ഗുണനിലവാരമുള്ള മഹാഗ്രിൻ വിത്തുകൾ നിങ്ങളുടെ കൃഷി വിജയകരമാക്കുന്നു.

മഹാഗ്രിൻ