മഴക്കാലമാണ് പച്ചക്കറി കൃഷിയ്ക്ക് നല്ലത്. നമ്മുടെ വീട്ടിൽ പച്ചക്കറികൾ നട്ട് പിടിപ്പിക്കേണ്ടത് മുമ്പെന്നത്തേക്കാളും ഇന്ന് പ്രാധാന്യമർഹിക്കുന്നു, പ്രത്യേകിച്ച് വിഷലിപ്തമായ പച്ചക്കറികൾ ധാരാളമായി മാർക്കറ്റിൽ എത്തുകയും ചെയ്യുന്ന ഇക്കാലത്ത്.  ആരോഗ്യത്തെക്കുറിച്ച് ബോധവാന്മാരായ നാം എങ്ങിനെ ഇവ വാങ്ങിച്ചുപയോഗിക്കും.

വീട്ടിലൊരു പച്ചക്കറിത്തോട്ടം ഒരു ജീവിതചര്യയാക്കി മാറ്റണം. നമ്മുടെ ആവശ്യത്തിന് പച്ചമുളകും, ചീരയും, പയറും, പാവലും, വേപ്പിലയുമെല്ലാം കൈയെത്തും ദൂരത്തുകിട്ടുന്നത് നല്ലൊരു അനുഭവം കൂടിയാണ്. നമ്മുടെ കുറച്ചു സമയം ഇതിൽ ചിലവഴിച്ചാൽ മതി.  ടെറസിലോ ബാൽക്കണിയിലോ മുറ്റത്തോ ജൈവ പച്ചക്കറികൾ കൃഷി ചെയ്യുന്നത് നിങ്ങളുടെ ആരോഗ്യത്തിനും പരിസ്ഥിതിക്കും നിരവധി ഗുണങ്ങൾ നൽകുന്നു.

വീട്ടമ്മമാരാണ് ഇക്കാര്യത്തിൽ കൂടുതൽ ശ്രദ്ധിക്കേണ്ടത്, കാരണം കുടുംബത്തിന്റെ ആരോഗ്യകാര്യത്തിൽ അവരാണല്ലോ കൂടുതൽ ശ്രദ്ധാലുക്കൾ.

വീട്ടിൽ പച്ചക്കറികൾ വളർത്തുന്നതിന്റെ പ്രാധാന്യം

1.സുരക്ഷിതവും ജൈവവുമായ ഭക്ഷണം

വീട്ടിൽ വളർത്തുന്ന പച്ചക്കറികൾ ജൈവ രീതിയിൽ കൃഷിചെയ്യുന്നത് കൊണ്ട് അവയിൽ സ്വാദും പോഷകവും കൂടുതലാണ്. നിങ്ങൾ സ്വന്തമായി പച്ചക്കറികൾ വളർത്തുമ്പോൾ, ദോഷകരമായ കീടനാശിനികളും രാസവസ്തുക്കളും ഒഴിവാക്കാൻ കഴിയും,

2.ചെലവ് കുറവ്

വിപണി വില ഉയരുന്നത് കടയിൽ നിന്ന് വാങ്ങുന്ന പച്ചക്കറികളെ ചെലവേറിയതാക്കുന്നു. നിങ്ങളുടെ സ്വന്തം പച്ചക്കറികൾ കുടുംബ ബഡ്ജറ്റിനെ ലാഭകരമാക്കും.

3.പരിസ്ഥിതി സൗഹൃദം

വീട്ടിൽ പച്ചക്കറിത്തോട്ടം നല്ലൊരു പച്ചപ്പും, അവയുടെ പരിപാലനം അന്തരീക്ഷം പ്രസന്നവുമാക്കും.

4.ആരോഗ്യകരം

തോട്ടപരിപാലനം മാനസിക സമ്മർദ്ദം കുറയ്ക്കുന്ന ഒരു പ്രവർത്തനമാണ്, കൂടാതെ പ്രകൃതി, ആരോഗ്യകരമായ ഭക്ഷണക്രമം എന്നിവയെക്കുറിച്ച് കുട്ടികളെ ബോധവൽക്കരിക്കുന്നതിനുള്ള മികച്ച മാർഗവുമാണ്.

5.സ്വാശ്രയത്വവും ഭക്ഷ്യസുരക്ഷയും

അവരർക്കുവേണ്ട അത്യാവശ്യ പച്ചക്കറികൾ എത്ര കുറച്ചു സ്ഥലത്തും നട്ടു പിടിപ്പിക്കാം, വിപണിയിലെ വിലയോ, ദൗർല്ലഭ്യമോ നമ്മളെ ബാധിക്കില്ല.

ജൂൺ മാസം കൃഷി ചെയ്യേണ്ട പച്ചക്കറികൾ

പയറും ചീരയും, പാവലും വെണ്ടയും ഇപ്പോൾ കൃഷി ചെയ്യാൻ പറ്റിയ സമയമാണ്

• വിത്തുകൾ ഗുണമേന്മയുള്ളവയായിരിക്കണം.
• വിത്തുകൾ സ്യുഡോമോണ്സ് ലായനിയിൽ വെള്ളം ചേർത്ത് കുതിർത്തു വെച്ചിട്ടു വേണം നടാൻ. ഇത് പോട്രേയിൽ ചകിരിച്ചോറും മണ്ണും ചേർത്തതിൽ ചെറിയ കുഴികളിൽ നടാം. വിത്ത് പാകാൻ പോ ട്രേ അല്ലെങ്കിൽ ചെറിയ പാത്രങ്ങൾ തിരഞ്ഞെടുക്കുക.
• നല്ല നീർവാർച്ചയുള്ള മണ്ണിൽ ഇവ നടാം. കുതിർത്ത വിത്തുകൾ മണ്ണിൽ ഏകദേശം 1/4 ഇഞ്ച് ആഴത്തിൽ നടുക. രണ്ടാഴ്ച്ചക്കുള്ളിൽ വിത്തുകൾ മുളച്ചു തുടങ്ങും, മുളച്ച തൈകൾ ഗ്രോ ബാഗിലേയ്ക്ക് മാറ്റാം .
• വേപ്പിൻ പിണ്ണാക്ക്, ചാണകപ്പൊടി ഇവയിട്ട മണ്ണ് ഗ്രോ ബാഗിൽ നിറച്ചു വയ്ക്കണം, മണ്ണ് കുമ്മായമിട്ടു വെയില്കൊള്ളിച്ചശേഷം വേണം ഗ്രോ ബാഗിൽ നടാൻ. നല്ല ആരോഗ്യത്തോടെ ചെടികൾ വളർന്നു തുടങ്ങും.

1. പയർ

ഗുണങ്ങൾ: പ്രോട്ടീൻ, നാരുകൾ, ഇരുമ്പ് എന്നിവയാൽ സമ്പന്നമാണ്.

വളർത്തുന്നതിനുള്ള നുറുങ്ങുകൾ: ചട്ടിയിലോ നേരിട്ട് മണ്ണിലോ വളർത്താം. സൂര്യപ്രകാശമുള്ള സ്ഥലം ആവശ്യമാണ്.  വിത്തുകൾ മുളപ്പിച്ച ശേഷം തൈകൾ മാറ്റി നടാം. വള്ളി വീശി തുടങ്ങുമ്പോൾ പന്തൽ ഇട്ടുകൊടുക്കാം.

പലതരം പയർ കൃഷി ചെയ്യാം. ഒന്നോ രണ്ടോ പയർ ച്ചെടിയിൽ നിന്ന് തന്നെ ഒരു നേരത്തെ ഭക്ഷണത്തിന് വേണ്ടത് കിട്ടും, വീട്ടമ്മമാർക്ക്‌ തികച്ചും സന്തോഷമല്ലേ ഇത്. വിളവെടുപ്പ് സമയം: 45–60 ദിവസം.

2. ചീര

ഗുണങ്ങൾ: ഇരുമ്പ്, കാൽസ്യം, വിറ്റാമിനുകൾ എ, സി, കെ എന്നിവയാൽ സമ്പന്നമാണ്. ചീര വിവിധ തരമുണ്ട് , ഇലക്കറികളിൽ ഏറ്റവും പ്രാധാന്യമുള്ള ഒന്നാണിത്. തോരനോ കറിയോ ആയി ഉപയോഗിക്കാം, തണ്ടും ഭക്ഷ്യയോഗ്യമാണ് ചീര വിവിധ തരമുണ്ട് , ഇലക്കറികളിൽ ഏറ്റവും പ്രാധാന്യമുള്ള ഒന്നാണിത്. തോരനോ കറിയോ ആയി ഉപയോഗിക്കാം, തണ്ടും ഭക്ഷ്യയോഗ്യമാണ്.

ചെറിയ പാത്രങ്ങളിലോ ഉയർത്തിയ തടങ്ങളിലോ വേഗത്തിൽ വളരുന്നു. കടുത്ത ചൂടിൽ പതിവായി നനയ്ക്കലും ഭാഗിക തണലും ആവശ്യമാണ്. വിളവെടുപ്പ് സമയം: 30–40 ദിവസം.

3.വെണ്ട

ഗുണങ്ങൾ: നാരുകൾ, ആന്റിഓക്‌സിഡന്റുകൾ, വിറ്റാമിൻ സി എന്നിവ ഉയർന്ന അളവിൽ അടങ്ങിയിരിക്കുന്നു.

നല്ല നീർവാർച്ചയുള്ള മണ്ണും ,സൂര്യപ്രകാശവും ആവശ്യമാണ്. ഗ്രോ ബാഗുകളിലോ വലിയ ചട്ടികളിലോ വളർത്താം.

വിളവെടുപ്പ് സമയം: 50–60 ദിവസം.

4. പാവൽ

ഗുണങ്ങൾ: രക്തത്തിലെ പഞ്ചസാര നിയന്ത്രിക്കാൻ സഹായിക്കുന്നു, കരളിനെ വിഷവിമുക്തമാക്കുന്നു, വിറ്റാമിൻ സി ധാരാളം അടങ്ങിയിരിക്കുന്നു.

പന്തൽ ഇട്ടുകൊടുക്കണം , വെയിൽ ഉള്ള പ്രദേശങ്ങളിൽ നന്നായി വളരുന്നു.മണ്ണിൽ ചാണകം, കോഴി വളം, ആട്ടിൻ കാഷ്ഠം, എല്ലുപൊടി, വേപ്പിൻ പിണ്ണാക്ക് എന്നിവയിട്ട് ഇളക്കി അതിലാണ് മുളപ്പിച്ച പാവൽ തൈകൾ നടുന്നത്. വള്ളി വീശി തുടങ്ങുമ്പോൾ മുതൽ വേപ്പെണ്ണ വെളുത്തുള്ളി മിശ്രിതം തളിച്ച് കൊടുക്കണം. ആഴ്ചയിൽ ഒരിക്കൽ പച്ച ചാണകം , കടലപ്പിണ്ണാക്ക്‌, എന്നിവ പുളിപ്പിച്ച തെളി ഇരട്ടി വെള്ളം ചേർത്ത് ഒഴിച്ച് കൊടുക്കണം. സ്യുഡോമോണസ്സ് വെള്ളം ചേർത്ത് ഇലകളിൽ തളിച്ച് കൊടുക്കുന്നതും കീട ബാധ കുറയ്ക്കും. കീടങ്ങളെ നിയന്ത്രിക്കാം .

വിളവെടുപ്പ് സമയം: 55–70 ദിവസം.

നിങ്ങളുടെ വീട്ടുപറമ്പിലോ, ടെറസിലോ, ബാൽക്കണിയിലോ പച്ചക്കറികൾ വളർത്തുന്നത് വെറുമൊരു ഹോബി എന്നതിനേക്കാൾ ഇത് ആരോഗ്യം, സ്വാശ്രയത്വം എന്നിവ പ്രോത്സാഹിപ്പിക്കുന്ന ഒരു ജീവിതശൈലി കൂടിയാണ്. ദിവസവും കുറച്ച് സമയം നീക്കിവയ്ക്കുന്നതിലൂടെ, നിങ്ങൾ പണം ലാഭിക്കുകയും ആരോഗ്യകരമായ ഭക്ഷണം കഴിക്കുകയും ചെയ്യുക മാത്രമല്ല, ഒരു പച്ചപ്പ് നിറഞ്ഞ അന്തരീക്ഷത്തിന് ഉടമകൂടിയാകുന്നു.

വിത്തുകൾ മഹാ ഗ്രിൻ വീട്ടിൽ എത്തിച്ചു തരും. ഓൺലൈനായി വാങ്ങാം. വാട്സാപ്പ് വഴിയും വാങ്ങാം. പരസഹായം കൂടാതെ വിത്തുകൾ എത്തിയാൽ നല്ല ഒരു അടുക്കളത്തോട്ടം ആർക്കും ഉണ്ടാക്കാം.

Mahaagrin Seeds

Bundle 4 'n' 1 Pack – Native Vegetable Seeds (നാടൻ പച്ചക്കറി വിത്തുകൾ)