പോഷക ഗുണമേറെയുള്ള ചീര കൃഷി ചെയ്യാൻ വളരെ എളുപ്പമാണ്. എല്ലാ പ്രായക്കാർക്കും ആവശ്യമായ വിറ്റാമിനുകൾ ചീരയിലുണ്ട്. ചുവപ്പ് ചീരയ്ക്ക് പച്ചയെ അപേക്ഷിച്ചു സ്വാദ് കൂടും. ഇലക്കറികൾ നിത്യവും കഴിക്കേണ്ടതു ആരോഗ്യത്തിന് അത്യാവശ്യമാണ്.
ചീര കൃഷി ചെയ്യുന്നത്‌ ഇലകൾക്ക് മാത്രമല്ല, കാണ്ഡത്തിനും വിത്തിനും വേണ്ടി കൂടിയാണ്. ചീരയിൽ അടങ്ങിയിയിട്ടുള്ള നാരുകൾ ദഹനം സുഗമമാക്കുന്നു, വിറ്റാമിൻ എ,സി ,ഇ, ഇവ ചീരയിൽ അടങ്ങിയിരിക്കുന്നു. പ്രമേഹം, കൊളസ്‌ട്രോൾ ഇവ നിയന്തിക്കാൻ ചീര കഴിക്കുന്നതിലൂടെ സാധിക്കും.
വിത്തുകൾ പ്രോട്രേയിലോ ഗ്ലാസിലോ വളർത്തി നാലില പ്രായമാകുമ്പോൾ മാറ്റി നടാം. ചീര തടമെടുത്തും ഗ്രോ ബാഗിലും നടാം, നല്ല സൂര്യപ്രകാശമുള്ള സ്ഥലമായിരിക്കണം. ഗ്രോബാഗിലാണു ചെയ്യുന്നതെങ്കിൽ ധാരാളം വെയിൽ കിട്ടുന്ന സ്ഥലത്ത് ബാഗുകൾ വെക്കുക. വെയിൽ കൂടുതൽ കിട്ടുന്ന സ്ഥലത്ത് വെള്ളം കെട്ടിനിൽക്കാത്ത വിധത്തിൽ വാരങ്ങളെടുത്ത് ആവശ്യത്തിന് അടിവളം ചേർത്ത് തയ്യാറാക്കിയശേഷം തൈകൾ 30 സെ.മീ. അകലത്തിൽ നടാം.
പച്ച ചീരയും ചുവപ്പു ചീരയും ഇടകലർത്തി നടാം, അതുകൊണ്ട് കീടങ്ങളെ നിയന്ത്രിക്കാനും പറ്റും. കൃഷി ചെയ്യുമ്പോൾ നല്ല വിത്തുകൾ തിരഞ്ഞെടുക്കാൻ ശ്രദ്ധിക്കണം. വിത്തിനൊപ്പം റവ കൂടി ചേർത്ത് വിത്ത് നടാം. വിത്തുകൾ സ്യുഡോമോണസ് ലായനിയിൽ മുക്കി വെച്ചതിനുശേഷം നടാം.
മണ്ണിൽ ട്രൈക്കോഡെര്മ കൊടുക്കുന്നത് നല്ലതാണു. ചാണകപ്പൊടി, എല്ലുപൊടി,ചാരം, കോഴിവളം ഇവയൊക്കെ നന്നായി ഇളക്കി അടിവളമായി കൊടുക്കാം. ആഴ്ചയിൽ ഒരിക്കൽ ഇവ വീണ്ടും ഇട്ടുകൊടുക്കാം. ജൈവ സ്ലറി ഒഴിച്ച് കൊടുക്കാം. പുതയിട്ടു കൊടുത്താൽ കളകൾ വളരാതിരിക്കും.
ഒരുമാസം കഴിയുമ്പോൾ വിളവെടുക്കാം. മുറിച്ചെടുത്തു കഴിഞ്ഞു ചാണക സ്ലറി ഒഴിച്ച് കൊടുക്കാം, ഗോമൂത്രം നേർപ്പിച്ചു ഒഴിക്കാം. വള പ്രയോഗം കുറച്ചു മതി. വേനല്ക്കാലത്ത് ഇട വിട്ടു നനയ്ക്കണം.
സമൃദ്ധമായ വിളവ് ഉറപ്പുനൽകിക്കൊണ്ട് മഹാഗ്രിൻ ഓൺലൈനിൽ വിത്തുകൾ നൽകുന്നു.
മഹാഗ്രിൻ
Leave a Reply