LIve Kerala

Travel and Tourism

കുട്ടമ്പുഴ

എറണാകുളം ജില്ലയിലെ കുട്ടമ്പുഴ ഗ്രാമം പ്രകൃതി മനോഹാരിത നിറഞ്ഞ കാടുകളും കാട്ടരുവികളും വെള്ളച്ചാട്ടങ്ങളും ഒക്കെയുള്ള ഒരു പ്രദേശമാണ്. പ്രകൃതിയെ ഇഷ്ടപ്പെടുന്നവരും ശാന്തത ആഗ്രഹിക്കുന്നവരും ഇവിടേക്ക് വരുന്നു. എറണാകുളം ജില്ലയിൽ പ്രകൃതി മനോഹരവും ഗ്രാമീണ പശ്ചാത്തലവുമുള്ള അധികം വിനോദസഞ്ചാരകേന്ദ്രങ്ങൾ ഇല്ല.

വിസ്തൃതമായ വനപ്രദേശങ്ങളാൽ ചുറ്റപ്പെട്ട ഈ സ്ഥലം ഗോത്രവർഗ്ഗക്കാരുടെ ആവാസകേന്ദ്രമാണ്. തിരക്കേറിയ നഗര ജീവിതത്തിൽ നിന്ന് ശാന്തമായ ഒരു രക്ഷപ്പെടൽ ആഗ്രഹിക്കുന്നവർക്ക് അനുയോജ്യമായ സ്ഥലമാണ്. എറണാകുളം ജില്ലയിലെ കുട്ടമ്പുഴയിലെ വിദൂര ആദിവാസി സെറ്റിൽമെൻ്റുകളിൽ ടൂറിസം പ്രവർത്തനങ്ങൾ ആരംഭിക്കാൻ ടൂറിസം വകുപ്പ് ലക്ഷ്യമിടുന്നു.

പ്രധാന ആകർഷണങ്ങൾ

1. കുട്ടമ്പുഴ വെള്ളച്ചാട്ടം: ഈ പ്രദേശത്തെ ഈ പ്രധാന ആകർഷണമാണ് ഈ വെള്ളച്ചാട്ടം കുന്നുകളിൽ നിന്ന് വെള്ളം താഴേക്ക് പതിക്കുന്നത് അതിമനോഹരമായ കാഴ്ചയാണ്.

2. വനങ്ങളും വന്യജീവികളും: ചുറ്റുമുള്ള വനങ്ങൾ വിവിധ സസ്യജന്തുജാലങ്ങളുടെ ആവാസ കേന്ദ്രമാണ്, ഇത് വന്യജീവി പ്രേമികൾക്കും പക്ഷി നിരീക്ഷകർക്കും ഒരു മികച്ച സ്ഥലമാണ്.

3. ട്രക്കിംഗും സാഹസികതയും: കുട്ടമ്പുഴയും അതിൻ്റെ ചുറ്റുമുള്ള കുന്നുകളും സാഹസികത ഇഷ്ടപ്പെടുന്നവർക്ക് മികച്ച ട്രെക്കിംഗ് നടത്താനുള്ള അവസരങ്ങൾ നൽകുന്നു. പ്രകൃതിദൃശ്യങ്ങൾ കണ്ടു നടക്കാനും പറ്റും.

4. തോട്ടങ്ങൾ: ഈ പ്രദേശത്ത് സുഗന്ധവ്യഞ്ജനങ്ങളും റബ്ബർ തോട്ടങ്ങളും ധാരാളമായി കൃഷിചെയ്യുന്നു. സന്ദർശകർക്ക് വിവിധതരം സുഗന്ധവ്യഞ്ജനങ്ങളുടെയും റബ്ബറിന്റെയും കൃഷി, സംസ്കരണ രീതികൾ എന്നിവയെക്കുറിച്ച് വേണ്ട വിവരങ്ങൾ നൽകുന്ന ഗൈഡഡ് ടൂറുകളിൽ പങ്കെടുക്കാൻ അവസരം നൽകുന്നു.

അടുത്തുള്ള സ്ഥലങ്ങൾ:

1. തട്ടേക്കാട് പക്ഷി സങ്കേതം:

സമ്പന്നമായ ജൈവവൈവിധ്യത്തിന് പേരുകേട്ട ഈ വന്യജീവി സങ്കേതത്തിൽ 300-ലധികം പക്ഷികൾ ഉണ്ട്. നിത്യഹരിത വനങ്ങളും ഇലപൊഴിയും വനങ്ങളും ഉഷ്ണമേഖലാ താഴ്ന്ന പ്രദേശങ്ങളിലെ വനങ്ങളും നദീതട ആവാസ വ്യവസ്ഥകളും ഉൾപ്പെടെ നിരവധി ആവാസവ്യവസ്ഥകൾ ഈ വന്യജീവി സങ്കേതത്തിലുണ്ട്. ഈ വൈവിധ്യമാർന്ന ചുറ്റുപാടുകൾ പക്ഷിമൃഗാദികൾക്ക് ഒരു സങ്കേതം ആണ്. ഇവിടെ ബോട്ടിംഗ്, പക്ഷി നിരീക്ഷണം, പ്രകൃതി നടത്തം എന്നിവയ്ക്കു പറ്റിയ സാഹചര്യങ്ങളുണ്ട്.

2. ഭൂതത്താൻകെട്ട് അണക്കെട്ട്:

എറണാകുളം ജില്ലയിലെ പ്രശസ്തമായ ഒരു വിനോദസഞ്ചാര കേന്ദ്രം, ഇവിടെ വ്യാപിച്ചുകിടക്കുന്ന അതിമനോഹരമായ കാടും, കാട്ടരുവികളും, പെരിയാർ നദിയിലെ അണക്കെട്ടും ആരെയും ആകർഷിക്കുന്നതാണ്. പ്രകൃതി സ്‌നേഹികൾക്ക് ഈ ഹരിത വനങ്ങൾ പര്യവേക്ഷണം ചെയ്യാനും വന്യജീവികളെ കണ്ടെത്താനും പ്രകൃതിയുടെ ശാന്തത ആസ്വദിക്കാനും കഴിയും. ഇവിടെ ബോട്ടിംഗ്, കയാക്കിംഗ്, നന്നായി പരിപാലിക്കുന്ന കുട്ടികളുടെ പാർക്ക് എന്നിവയും ഉണ്ട്.

3. ചീയപ്പാറ വെള്ളച്ചാട്ടം:

ചീയപ്പാറ വെള്ളച്ചാട്ടം ഒരു പ്രശസ്തമായ വിനോദസഞ്ചാര കേന്ദ്രമാണ്. കൊച്ചി-മധുര ഹൈവേയിൽ (ദേശീയ പാത 85) കൊച്ചി നഗരത്തിൽ നിന്ന് ഏകദേശം 40 കിലോമീറ്ററും മൂന്നാറിൽ നിന്ന് 10 കിലോമീറ്ററും അകലെയാണ് ഈ വെള്ളച്ചാട്ടങ്ങൾ സ്ഥിതി ചെയ്യുന്നത്. ചീയപ്പാറ വെള്ളച്ചാട്ടവും സമീപ പ്രദേശങ്ങളും സുന്ദരമായ ദൃശ്യഭംഗിയുള്ള പ്രദേശങ്ങളാണ്. ഫോട്ടോഗ്രാഫിക്ക് വലിയ സാധ്യതയുള്ള സ്ഥലം.

4. വാളറ വെള്ളച്ചാട്ടം: 

കേരളത്തിലെ മറ്റൊരു മനോഹരമായ വെള്ളച്ചാട്ടമാണ് വാളറ വെള്ളച്ചാട്ടം, ചീയപ്പാറ വെള്ളച്ചാട്ടത്തിന് അടുത്തായി സ്ഥിതി ചെയ്യുന്നു. ഈ വെള്ളച്ചാട്ടങ്ങൾ കൊച്ചി-മധുര ഹൈവേയിലാണ് (ദേശീയ പാത 85), ഇത് മൂന്നാറിലേക്കുള്ള യാത്രയിൽ വിനോദസഞ്ചാരികളുടെ ഒരു ജനപ്രിയ സ്റ്റോപ്പാണ്.

5. മാമലകണ്ടം:

നിബിഡമായ വനപ്രദേശത്തിനുള്ളിൽ സ്ഥിതി ചെയ്യുന്ന ഈ ഗ്രാമം ഒരു മറഞ്ഞിരിക്കുന്ന രത്‌നമാണ്, നിരവധി അരുവികളും വെള്ളച്ചാട്ടങ്ങളും മലനിരകളും പച്ചപ്പും -ഇവയെല്ലാം പ്രകൃതിയുടെ അനുഗ്രഹമാണ്. ആനകളെ അവരുടെ ആവാസ വ്യവസ്ഥയിൽ നിരീക്ഷിക്കാനുള്ള അതുല്യമായ അവസരവും ഇവിടെ ഉണ്ട്.

സന്ദർശിക്കാൻ ഏറ്റവും അനുയോജ്യമായ സമയം: സെപ്റ്റംബർ മുതൽ മാർച്ച് വരെ.
താമസം: VKJ ഇന്റർനാഷണൽ ഹോട്ടൽ.

എങ്ങനെ എത്തിച്ചേരാം: എറണാകുളത്ത് നിന്ന് 68.5 കിലോമീറ്റർ അകലെയാണ് വികെജെ ഇന്റർനാഷണൽ ഹോട്ടൽ.

വികെജെ ഇന്റർനാഷണൽ ഹോട്ടൽ

Address: Birds Sanctuary, Thattekadu – Kuttampuzha Rd, Thattekad, Kuttampuzha, Kerala 686681

ഭൂതത്താൻകെട്ട്

എറണാകുളം ജില്ലയിലെ പ്രശസ്തമായ വിനോദസഞ്ചാരകേന്ദ്രമാണ് ഭൂതത്താൻകെട്ട്. അതിമനോഹരമായ പ്രകൃതിദൃശ്യങ്ങളുള്ള  പെരിയാർ നദിയിലെ ഈ അണക്കെക്കെട്ട് ജലസേചന ആവശ്യങ്ങൾക്കു മാത്രമല്ല, വിനോദസഞ്ചാരത്തിനും പ്രിയപ്പെട്ട സ്ഥലമാണ്.

ഉയർന്ന കുന്നുകളും ഇടതൂർന്ന വനങ്ങളും അതിലൂടെ ഒഴുകുന്ന പെരിയാർ നദിയും ചേരുന്ന ഈ അണകെട്ടും പരിസര പ്രദേശങ്ങളും  ടുറിസ്റ്റുകളുടെ ഒരു ആകർഷണ കേന്ദ്രമാണ്. പ്രകൃതിയുടെ വരദാനമാണ് ഈ ഭൂവിഭാഗം.  പാറക്കെട്ടുകൾ, പച്ചപ്പ്, ദേശാടന പക്ഷികൾ, വിവിധ വന്യമൃഗങ്ങൾ എന്നിവ ഉൾപ്പെടുന്ന ഈ പ്രകൃതിദത്ത പശ്ചാത്തലംഅണക്കെട്ടിന്റെ പ്രസക്‌തി വർദ്ധിപ്പിക്കുന്നു .

കൊച്ചി മഹാരാജാവിൻ്റെ കാലത്ത് ജലസേചന ആവശ്യങ്ങൾക്കായി നിർമ്മിച്ചതെന്ന് കരുതപ്പെടുന്ന ഭൂതത്താൻ അണക്കെട്ടിന് ചരിത്രപരമായ പ്രാധാന്യമുണ്ട്. ഈ അണക്കെട്ട് വിശാലമായ പ്രദേശത്ത് വ്യാപിച്ചുകിടക്കുന്ന ശാന്തമായ ശുദ്ധജല തടാകം ആണ്. സന്ദർശകർക്ക് തടാകത്തിൽ ബോട്ട് സവാരികളോ ക്രൂയിസുകളോ ആസ്വദിക്കാം.

പുരാതന നാഗരികതയുടെ അവശിഷ്ടങ്ങൾ ഇപ്പോഴും ഉണ്ടെന്ന് പറയുന്ന ഇവിടെ ട്രെക്കിങ്ങ് നടത്താം. ചുറ്റുമുള്ള വനങ്ങൾ പശ്ചിമഘട്ടത്തിൻ്റെ ഭാഗമാണ്, യുനെസ്കോയുടെ ലോക പൈതൃക സൈറ്റാണ് ഇത്. വൈവിധ്യമാർന്ന സസ്യജന്തുജാലങ്ങളുടെ ആവാസ കേന്ദ്രമാണ് ഭൂതത്താൻകെട്ട്. പ്രകൃതി സ്‌നേഹികൾക്ക് ഈ ഹരിത വനങ്ങൾ പര്യവേക്ഷണം ചെയ്യാനും ശാന്തമായ പ്രകൃതി ഭംഗി ആസ്വദിക്കാനും കഴിയും.

ഈ പ്രദേശത്തെ മലനിരകളിൽ നിന്ന് താഴേക്ക് ഒഴുകുന്ന വെള്ളത്തിൽ നീലക്കൊടുവേലി സസ്യം അടങ്ങിയിട്ടുണ്ടെന്ന് പറയപ്പെടുന്നു, ഇത് ഔഷധഗുണമുള്ളതാണ്. ഭൂതത്താൻ അണക്കെട്ടിൽ മിതമായ കാലാവസ്ഥയാണ് അതുകൊണ്ടു തന്നെ വർഷം മുഴുവനും വിനോദസഞ്ചാരികൾക്ക് വന്നുപോകാൻ കഴിയും.

ഇവിടെ ചെയ്യാൻ കഴിയുന്നവ:

വിനോദസഞ്ചാരികൾക്ക് ശാന്തമായ ഈ തടാകത്തിൽ ബോട്ട് സവാരി നടത്താം. ഭൂതത്താൻകെട്ടിൽ നല്ല രീതിയിൽ പരിപാലിക്കുന്ന കുട്ടികളുടെ പാർക്ക് ഉണ്ട്. ട്രെക്കിംഗ്, ബോട്ടിംഗ്, കയാക്കിംഗ്, പക്ഷി നിരീക്ഷണം എന്നിവയ്ക്കുള്ള സൗകര്യങ്ങൾ ഇവിടെ ഉണ്ട്. കാടും പരിസരവും ചുറ്റി നടക്കാനും പറ്റും.

ഏറ്റവും അടുത്തുള്ള ടൂറിസ്റ്റ് കേന്ദ്രങ്ങൾ:

തട്ടേക്കാട് പക്ഷി സങ്കേതം.

കോടനാട്

വടാട്ടുപാറ

പിണ്ടിമേട് വെള്ളച്ചാട്ടം

ആതിരപ്പള്ളി വെള്ളച്ചാട്ടം

വാഴച്ചാൽ വെള്ളച്ചാട്ടം

എവിടെ താമസിക്കണം: വികെജെ ഇന്റർനാഷണൽ ഹോട്ടൽ അനുയോജ്യമായ സ്ഥലമാണ്.

എങ്ങനെ എത്തിച്ചേരാം: എറണാകുളത്ത് നിന്ന് 69.5 കിലോമീറ്റർ അകലെയാണ് വികെജെ ഇന്റർനാഷണൽ.

വികെജെ ഇന്റർനാഷണൽ ഹോട്ടൽ

Address: Birds Sanctuary, Thattekadu – Kuttampuzha Rd, Thattekad, Kuttampuzha, Kerala 686681

 

തട്ടേക്കാട് പക്ഷി സങ്കേതം

എറണാകുളം ജില്ലയിൽ സ്ഥിതി ചെയ്യുന്ന തട്ടേക്കാട് പക്ഷി സങ്കേതം പക്ഷി പ്രേമികൾക്കും പ്രകൃതി സ്നേഹികൾക്കുംഇഷ്ടപ്പെട്ട വിനോദസഞ്ചാര കേന്ദ്രമാണ്. പ്രശസ്ത പക്ഷിശാസ്ത്രജ്ഞനായ ഡോ. സലിം അലി ഇതിനെ ഇന്ത്യയിലെ ഏറ്റവും സമ്പന്നമായ പക്ഷികളുടെ ആവാസകേന്ദ്രമായി വിശേഷിപ്പിച്ചു. ഡോ. സലിം അലി പക്ഷി സങ്കേതം എന്നും ഇത് അംഗീകരിക്കപ്പെട്ടിരിക്കുന്നു. കേരളത്തിലെ ആദ്യത്തെ പക്ഷിസങ്കേതമാണ് തട്ടേക്കാട്.

ജൈവവൈവിധ്യം: സമ്പന്നമായ ജൈവവൈവിധ്യത്തിന് പേരുകേട്ട ഈ വന്യജീവി സങ്കേതത്തിൽ മലബാർ ഗ്രേ ഹോൺബിൽ, ശ്രീലങ്കൻ ഫ്രോഗ്‌മൗത്ത്, ഇന്ത്യൻ പിറ്റ തുടങ്ങിയ അപൂർവവും പ്രാദേശികവുമായ പക്ഷികൾ ഉൾപ്പെടെ 300-ലധികം പക്ഷികൾ ഉണ്ട്.

പരിസ്ഥിതി സൗഹൃദം: നിത്യഹരിത വനങ്ങളും ഇലപൊഴിയും വനങ്ങളും ഉഷ്ണമേഖലാ താഴ്ന്ന പ്രദേശങ്ങളും നദീതടങ്ങളും ഉൾപ്പെടെ നിരവധി ആവാസവ്യവസ്ഥകൾ ഈ വന്യജീവി സങ്കേതത്തിലുണ്ട്. ഈ വൈവിധ്യമാർന്ന ചുറ്റുപാടുകൾപക്ഷി മൃഗാദികൾക്കു ഒരു സങ്കേതം ഒരുക്കുന്നു.

പക്ഷിനിരീക്ഷണം: തട്ടേക്കാട്  അധിവസിക്കുന്ന നിരവധി പക്ഷികളെ നിരീക്ഷിക്കാനും ചിത്രീകരിക്കാനും ലോകമെമ്പാടുമുള്ള പക്ഷിനിരീക്ഷകർ ഒഴുകിയെത്തുന്നു. പക്ഷി നിരീക്ഷണത്തിന് ഏറ്റവും അനുയോജ്യമായ സമയം അതിരാവിലെയും വൈകുന്നേരവുമാണ്.

ജന്തുജാലങ്ങൾ: പക്ഷികൾക്ക് പുറമെ , ആനകളും പുള്ളിപ്പുലികളും വിവിധ വിവിധതരം മാനുകളും ഉൾപ്പെടെ വൈവിധ്യമാർന്ന വന്യജീവികൾക്കും ഈ സങ്കേതം അഭയം നൽകുന്നു.

സസ്യജാലങ്ങൾ:  വൈവിധ്യമാർന്ന സസ്യജാലങ്ങളെ ഈ സങ്കേതം ഉൾക്കൊള്ളുന്നു, ഇത് അതിന്റെ പാരിസ്ഥിതിക പ്രാധാന്യം വർദ്ധിപ്പിക്കുന്നു.

പ്രവർത്തനങ്ങൾ: സന്ദർശകർക്ക് പക്ഷിനിരീക്ഷണം, പ്രകൃതി നടത്തം, ട്രെക്കിംഗ്, കുട്ടികളുടെ പാർക്കുകൾ, വന്യജീവി ഫോട്ടോഗ്രാഫി തുടങ്ങിയ പ്രവർത്തനങ്ങളിൽ ഏർപ്പെടാം.

സംരക്ഷണ ശ്രമങ്ങൾ: സങ്കേതം അതിന്റെ തനതായ ജൈവവൈവിധ്യം സംരക്ഷിക്കുന്നതിനും ഇക്കോ-ടൂറിസം പ്രോത്സാഹിപ്പിക്കുന്നതിനുമുള്ള സംരക്ഷണ കേന്ദ്രമാണ്.

താമസം: തട്ടേക്കാടുള്ള വികെജെ ഇന്റർനാഷണൽ ബജറ്റിൽ ഒതുങ്ങുന്ന ഹോട്ടലാണ് .

എങ്ങനെ എത്തിച്ചേരാം: എറണാകുളത്ത് നിന്ന് വികെജെ ഇന്റർനാഷണലിലേക്ക് 62.6 കിലോമീറ്റർ ദൂരമുണ്ട്.

വികെജെ ഇന്റർനാഷണൽ ഹോട്ടൽ
വിലാസം: പക്ഷി സങ്കേതം, തട്ടേക്കാട് – കുട്ടമ്പുഴ റോഡ്, തട്ടേക്കാട്, കുട്ടമ്പുഴ, കേരളം 686681
ഫോൺ: 0485 258 8100

മൂന്നാറിലെ പച്ചപുതച്ച വനത്തിലെ മധുമന്ത്രറിസോർട്ട്

കാടിന് നടുവിൽ ഒരു ഏലത്തോട്ടത്തിലാണ് മധുമന്ത്ര റിസോർട്ട്. മൂന്നാർ പട്ടണത്തിൽ നിന്ന് 9 കിലോമീറ്റർ മാത്രം അകലെയാണ് മധുമന്ത്ര. പ്രകൃതിയുടെ സൗന്ദര്യത്തിന്റെയും ഊഷ്മളമായ ആതിഥ്യമര്യാദയുടെയും സമന്വയമാണ് മധുമന്ത്ര റിസോർട്ട്.
പ്രകൃതിദത്തമായ ചുറ്റുപാടുകളുള്ള അതിമനോഹരമായ റിസോർട്ടിൽ ആധുനിക സൗകര്യങ്ങളോടുകൂടിയ 8 മുറികൾ ഉണ്ട്. മൂന്നാറിലെ ഏറ്റവും മനോഹരമായ എസ്റ്റേറ്റ് എന്ന് വിശേഷിപ്പിക്കപ്പെടുന്ന, പ്രശസ്തമായ പുള്ളിവാസൽ ടീ എസ്റ്റേറ്റിനുള്ളിലെ മനോഹരമായ ഗ്രാമീണ റോഡിലാണ് മധുമന്ത്ര റിസോർട്ട്. പോതമേട് വ്യൂപോയിന്റ്, ആകർഷകമായ ആറ്റുകാട് വെള്ളച്ചാട്ടങ്ങൾ, ആകർഷകമായ സൂര്യാസ്തമയ വ്യൂപോയിന്റുകൾ എന്നിവയും ഇതിനടുത്താണ്.

1.ബഡ്ജറ്റ് ഫ്രണ്ട്‌ലി റിസോർട്ട്

ഒരു മഴക്കാലത്താണ് എറണാകുളത്തുനിന്നും മൂന്നാറിലേക്കു പോയത്. മധുമന്ത്ര റിസോർട്ടിൽ തങ്ങി . റോഡ് സൈഡിലാണ് റിസോർട്ട്. റിസോർട്ടിൽ നിന്നും മൂന്നാറിലേക്ക് 9 കിലോമീറ്റർ യാത്രയുണ്ട്. ഒരു കാട്ടിൽ ചെന്ന പ്രതീതി. വളരെ നിശ്ശബ്ദത നിറഞ്ഞ അന്തരീക്ഷം കാടിനുളളിലെന്നപോലെ. ഏലത്തോട്ടവും, മരങ്ങളും ചേർന്ന് ഒരുകാടിൻ്റെ പ്രതീതിയാണിവിടെ. റിസോർട്ടിലെ വെൽക്കം ഡ്രിങ്ക് ആയ ഏലക്ക കോഫി കുടിച്ചു.

റിസോർട്ടിലെ ലഞ്ച് കഴിച്ചു. നോൺവെജിറ്റേറിയൻ ഫുഡ് ആണ് കഴിച്ചത്. റിസോർട്ടിനടുത്തുള്ള പോത്തൻമേട് വ്യൂ പോയിന്റിൽ പോയി. ഇവിടെ തേയില തോട്ടമാണ്. തേയില തോട്ടങ്ങൾ മൂന്നാറിന്റെ പ്രത്യേകതയാണ്. ഫോട്ടോഷൂട്ടിനു പറ്റിയ സ്ഥലം.

റിസോർട്ടിലെ മുറികൾ നന്നായി സജ്‌ജീകരിച്ചിരുന്നു, ഇവിടെ 8 മുറികൾ ഉണ്ട്.ബ്രേക്ക് ഫാസ്റ്റ്, ട്രെക്കിങ്ങ്, ക്യാമ്പ് ഫയർ ഉൾപ്പെടെയാണ് റൂമിൻ്റെ ചാർജ്. ബഡ്ജറ്റ് ഫ്രണ്ട്‌ലി റിസോർട്ടാണ്. റൂമിൽ നിന്ന് കാട്ടിലേക്കുള്ള വ്യൂ കാണാം. എല്ലാ മുറികളിലും ബാൽക്കണിയുണ്ട്. ബാൽക്കണിയിൽനിന്നും പുറത്തേക്കു നല്ല ഭംഗിയുള്ള കാഴ്ചകൾ കാണാം. കോടമഞ്ഞുകൊണ്ട് മരങ്ങൾ മൂടിയിരിക്കുന്നു. കിളികളുടെയും, ചീവീടിൻ്റെയും ശബ്ദം കേൾക്കാം.  റിസോർട്ടിലെ ഡിന്നർ നന്നായിരുന്നു. രാവിലെ കിളികളുടെ കരച്ചിൽ കേട്ടാണ് ഉണരുക. ഒരു നല്ല യാത്ര ചെയ്ത സംതൃപ്തി .

2. പ്രകൃതിയോടിണങ്ങിയ റിസോർട്ട്

ഒരു കാട്ടിലെന്ന പോലെ പലതരം കിളികളുടെ ശബ്ദം കേൾക്കാം. കാടിനുള്ളിലെ ദൃശ്യങ്ങൾ വളരെ ഭംഗിയാണ്. വേനൽക്കാലമാണെന്നു തോന്നാത്തതരത്തിലുള്ള സുഖകരമായ കാലാവസ്ഥ. ഇവിടെ ഒരുപാറയെ നന്നായി രൂപകൽപന ചെയ്തു റൂമിനുള്ളിലും പുറത്തു സ്റ്റെപ് ആയും ഉപയോഗിച്ചിരിക്കുന്നു. വളരെ പ്രകൃതിയോടിണങ്ങിയ റിസോർട്ട്.

 

എത്തിച്ചേരാൻ:
എറണാകുളത്തുനിന്നും മധുമന്ത്ര റിസോർട്ടിലേക്ക് 1 2 1.1 കിലോമീറ്റർ
കൊച്ചി ഇന്റർനാഷണൽ എയർപോർട്ടിൽ നിന്നും മധുമന്ത്ര റിസോർട്ടിലേക്ക് 102.4 കിലോമീറ്റർ

Madhumanthra Resorts 

Address: Iruttala, Pothamedu Bison Valley – Pooppara Road, Munnar, Kerala 685612

Phone: 097458 03111

 

 

 

 

 

 

 

 

 

 

 

 

 

 

 

 

 

 

 

 

 

 

 


 

 

 

 

 

 

 

വേനലിലും മഞ്ഞിൻ്റെ തണുപ്പുള്ള ബ്രാക്ക്നെൽ ഫോറെസ്റ്റ്

ബ്രാക്ക്നെൽ ഫോറെസ്റ്റ് റിസോർട്ട് മൂന്നാറിലെ ഒരു ആഡംബര റിസോർട്ടാണ്. റിസോർട്ടിനുചുറ്റും ഏലത്തോട്ടമാണ് . ഒരു വലിയ കാടിന്റെ മനോഹാരിതയുള്ള പ്രദേശം. അതിനകത്താണ് റിസോർട്ട്. തികച്ചും വ്യത്യസ്തതമായ ഭൂപ്രകൃതി, ഇവിടെയാണ് ബ്രാക്ക്നെൽ ഫോറെസ്റ്റ് റിസോർട്ട് മറ്റു റിസോർട്ടുകളിൽ നിന്ന് വേറിട്ടുനിൽക്കുന്നത്. റിസോർട്ടിനകത്തേക്കു കടന്നാൽ ഒരു കുളം, ചെറിയ ഒരു അരുവി എന്നിവ കാണാം. കുളത്തിൽ ധാരാളം മീനുകളുണ്ട്. വലിയ കല്ലുകൾ കൊണ്ടുണ്ടാക്കിയ ഒരു കെട്ടിടം. പരമ്പരാഗതമായ കേരളീയ രീതിയിൽ തടികൊണ്ട് പണിത ഒരു നാലുകെട്ട്. അതേ സമയം റിസോർട്ട് അന്തർദേശീയ നിലവാരത്തിലുള്ള സൗകര്യങ്ങളും നൽകുന്നു.

നന്നായി സജ്ജീകരിച്ച ഡീലക്സ്,സൂപ്പർ   ഡീലക്സ് മുറികൾ, എല്ലാ മുറികളിലും ബാൽക്കണിയുണ്ട്. രണ്ട് ബെഡ്‌റൂം എന്നാൽ രണ്ടു എൻട്രൻസ് ഉള്ള മുറികൾ ഫാമിലികൾക്കും ഗ്രൂപ്പായി വരുന്നവർക്കും പറ്റിയതാണ് . ബ്രാക്ക്നെൽ റിസോർട്ട് ഒരു നല്ല ഹണിമൂൺ ഡെസ്റ്റിനേഷനാണ്, റിസോർട്ട് ഹണിമൂൺ പാക്കേജുകളും വാഗ്ദാനം ചെയ്യുന്നു

തോട്ടം, മലയോര ഗോത്ര വിഭവങ്ങൾ, മധ്യകേരളത്തിലെ പാചകരീതികൾ എന്നിവയിൽ പ്രത്യേകതയുള്ള ഒരു ക്രിയേറ്റീവ് പാചകരീതിയാണ് റെസ്റ്റോറന്റ്. വിദേശികൾക്കും മറ്റും വേണ്ട ഭക്ഷ്യ വിഭവങ്ങളും ലഭ്യമാണ് റിസോർട്ടിൽ നിന്നും ട്രെക്കിങ്ങിനും ഇടവേളകളിൽ ഗെയിമുകൾക്കും വേണ്ട സൗകര്യമുണ്ട്. റിസോർട്ടിൽ ലൈബ്രറിയും വിനോദ മുറിയും ഉണ്ട്.

1. ബ്രാക്ക്നെൽ ഫോറസ്റ്റ് റിസോർട്ട് ഒരു പരിസ്ഥിതി സൗഹൃദ റിസോർട്ടാണ്.

പരമ്പരാഗതരീതിയിൽ തടിയുപയോഗിച്ചു നിർമ്മിച്ച റിസോർട്ട് ഗൃഹാതുരമായ അന്തരീക്ഷം നൽകുന്നു. വിവിധ തരത്തിലുള്ള മുറികൾ എല്ലാവിധ ആധുനിക സൗകര്യങ്ങളോടെ സജ്ജീകരിച്ചിരിക്കുന്നു. ഫാമിലി സ്യൂട്ട് പരസ്പരം ബന്ധിപ്പിച്ചിരിക്കുന്നു, പ്രത്യേക ഡൈനിംഗ് ഏരിയയും, എൻട്രൻസുമാണ് ഇവിടെ. മുറികളിൽ ആവശ്യപ്രകാരം ഭക്ഷ്യ വിഭവങ്ങൾ എത്തിച്ചു തരും. മുറികളിൽ ഏല തോട്ടത്തിന്റെ ഭംഗി ആസ്വദിക്കാം. കുളിമുറികൾ നന്നായി പരിപാലിക്കുകയും വൃത്തിയായി സൂക്ഷിക്കുകയും ചെയ്യുന്നു. പച്ചപ്പ്, ഏലത്തോട്ടങ്ങൾ, ചൊക്രിമല, വെള്ളച്ചാട്ടം നല്ല കാഴ്ചകൾ സമ്മാനിക്കുന്നു. ബാൽക്കണി ഓരോ മുറിയിലും ഉണ്ട്. ഇവിടെയിരുന്ന് പ്രകൃതി നിരീക്ഷണം നടത്താനും റസ്റ്റ് ചെയ്യാനും കഴിയും. നിങ്ങളുടെ സൗകര്യാർത്ഥം റൂം സേവനം ലഭ്യമാണ്. അതിഥികൾക്ക് വിശ്രമിക്കാനും വായന ആസ്വദിക്കാനും കഴിയുന്നവിധത്തിലാണ് ലോബി. ധാരാളം മീനുകൾ ഉള്ള ഒരു കുളം, ഒരു അരുവി ഒക്കെ ഇവിടെയുണ്ട്. പന്ത്രണ്ടു വര്ഷം കൂടുമ്പോൾ പൂക്കുന്ന നീലക്കുറിഞ്ഞി ഉൾപ്പെടെ അനവധി പൂച്ചെടികൾ ഉള്ള മനോഹരമായ പൂന്തോട്ടം, നാലുകെട്ടിലെ അതിമനോഹരമായ ചെടികൾ എന്നിവയും റിസോർട്ടിന്റെ സവിശേഷതയാണ്, വളരെ ശാന്തവും സുന്ദരവും ആയ റിസോർട്ട് അതുല്യമായ ഒരു അനുഭവം സൃഷ്ടിക്കുന്നു.

2. ബ്രാക്ക്നെൽ ഫോറസ്റ്റ് റിസോർട്ടിലെ ഫോറസ്റ്റ്-തീം അന്തരീക്ഷം

ബ്രാക്ക്‌നെൽ റിസോർട്ടിനു ചുറ്റും കാടിന്റെ അന്തരീക്ഷം ആണ് , അത് മൂടൽമഞ്ഞിൽ പൊതിഞ്ഞു കാണുമ്പോൾ മനോഹരമായ ഒരു ദൃശ്യ വിരുന്നാകുന്നു. വേനൽക്കാലത്ത് പോലും മഞ്ഞ് അനുഭവിക്കാൻ കഴിയുന്ന ഒരു സവിശേഷമായ സ്ഥലമാണിത്. അതിഥികൾക്ക് ഈ റിസോർട്ടിൽ നിന്ന് ജീപ്പിൽ മുത്തൻമുടി മല കാണാൻ പോകാം. എല്ലാ സൗകര്യങ്ങളും ഉള്ള നിരവധി മുറികൾ ഇവിടെയുണ്ട്.കാടിന്റെ ഭംഗി ആസ്വദിക്കാൻ എല്ലാ മുറികളിൽ നിന്നും കഴിയും. അതിഥികൾക്കായി വിവിധസൗകര്യങ്ങൾ റിസോർട്ട് നൽകുന്നു. ലഗേജ് വയ്ക്കാനുള്ള സ്ഥലം, അലമാര, ഡ്രസ്സിംഗ് ടേബിൾ എന്നിവയാണ് മുറികളിലെ സൗകര്യങ്ങൾ. കാന്റീന് മനോഹരമായ ഒരു ഡൈനിംഗ് അനുഭവം പ്രദാനം ചെയ്യുന്നു. റിസോർട്ടിലെ ശാന്തവും സുന്ദരവുമായ അന്തരീക്ഷം നിങ്ങളുടെ താമസം ശരിക്കും അവിസ്മരണീയമാക്കുന്നു.

3. ബ്രാക്ക്നെൽ ഫോറസ്റ്റ് റിസോർട്ടിലെ സുഖകരമായ കാലാവസ്ഥ

സമൃദ്ധമായ ഏലത്തോട്ടങ്ങൾക്ക് അകത്താണ് റിസോർട്ട്. റിസോർട്ടിന്റെ പ്രവേശന കവാടം ശാന്തമായ വനത്തിലേക്ക് പ്രവേശിക്കുന്നതിന്റെ അനുഭൂതി സൃഷ്ടിക്കുന്നു. റിസോർട്ടിന്റെ പരിസരത്ത്,ഒരു കുളവും , ഒരു അരുവിയും കാണാം. റിസോർട്ട് ബുഫെ ഡൈനിംഗ് നൽകുന്നു. മുറികൾ സുഖകരവും സ്വകാര്യത ഉറപ്പാക്കുന്നതുമാണ്, മഞ്ഞുവീഴ്ചയുള്ള ദിവസങ്ങളിൽ ബാൽക്കണിയിലിരുന്ന് പുറം ലോകം കാണാം. തടികൊണ്ടു നിർമ്മിച്ച റിസോർട്ട് എല്ലാ കാലാവസ്ഥയിലും താമസത്തിനു സുഖകരമാണ്.

4 . അതിമനോഹരമായ മൂന്നാർ-ബ്രാക്ക്നെൽ ഫോറസ്റ്റ് റിസോർട്ട്

റിസോർട്ടിൽ നിന്ന് മുത്തൻ മലയിലേക്ക് ഒരു ഉല്ലാസയാത്ര നടത്താം അവിടെ അ തിമനോഹരമായ സൂര്യോദയം കാണാം . തിരക്കും ശബ്ദകോലാഹലങ്ങളും ഇല്ലാതെ ശാന്തവും സമാധാനപരവുമായ അന്തരീക്ഷത്തിൽ പ്രകൃതിയെ അറിയാം. ജീവിതത്തിന്റെ തിരക്കുകളിൽ നിന്ന് അവധിയെടുത്തു ഇവിടെ വിശ്രമിക്കാം. റിസോർട്ടിലെ ബാൽക്കണിയിൽ നിന്നുപോലും വിശാലമായ കാടിന്റെ കാഴ്ച കാണാം. ഈ കാഴ്ചകൾക്കൊപ്പം സുന്ദരമാണ് റിസോർട്ടിലെ മുറികളും മറ്റു സൗകര്യങ്ങളും.

5. ബ്രാക്ക്നെൽ ഫോറസ്റ്റ് റിസോർട്ട് മികച്ചതാണ്.

റിസപ്ഷനിൽ നിന്ന് കിട്ടുന്ന ഹെർബൽ പാനീയം പോലെ പ്രിയമുള്ളതാണ് റിസോർട്ടിലെ താമസവും. റസ്റ്റോറന്റിലെ ഭക്ഷണവും രുചികരവും വൈവിധ്യപൂർണ്ണവുമാണ്. മികച്ച ആതിഥ്യമര്യാദ പ്രകടിപ്പിക്കുന്ന ഈ റിസോർട്ടിലെ റൂം സർവീസ് മാതൃകാപരമാണ്. റിസോർട്ടിലെ മുറികൾ വിശാലവും എല്ലാവിധ സൗകര്യങ്ങളുള്ളതുമാണ് കൂടാതെ ടീ കെറ്റിൽ, അലമാര, ഡ്രസ്സിംഗ് ടേബിൾ, ലഗേജ് ടേബിൾ എന്നിവയും റൂമിൽ ഉണ്ട് . ബാത്ത്റൂം നന്നായി സജ്ജീകരിച്ചിരിക്കുന്നു കൂടാതെ ഷേവിംഗ് കിറ്റുകളും സോപ്പുകളും ഷാംപൂ എന്നിവയും ഇവിടെ കിട്ടും. ബാത്ത്റൂമിലെ ജനാലയിൽ നിന്നുംകാടിന്റെ ദൃശ്യങ്ങൾ കാണാം. ഒരു കപ്പ് ചായയുമായി ബാൽക്കണിയിലിരുന്ന് ഏലത്തോട്ടങ്ങളിലേക്കും കോടമഞ്ഞിലേക്കും നോക്കുമ്പോൾ മറ്റൊരു ലോകത്തേക്ക് എത്തിയതുപോലെ തോന്നുന്നു.

Bracknell Forest Resort

Address: Pothamedu, Bison Valley – Pooppara Rd, Kerala 685612

Phone: 097458 03111

അവിടെ എത്തിച്ചേരാൻ

കൊച്ചി അന്താരാഷ്ട്ര വിമാനത്താവളത്തിൽ നിന്ന് ബ്രാക്ക്നെൽ ഫോറസ്റ്റ് റിസോർട്ടിലേക്ക് 102.8 കിലോമീറ്റർ ദൂരമുണ്ട്.

എറണാകുളം ടൗണിൽ നിന്ന് ബ്രാക്ക് നെൽ ഫോറസ്റ്റ് റിസോർട്ടിലേക്ക് 121.8 കിലോമീറ്റർ ദൂരമുണ്ട്.

കോട്ടയത്തെ പ്രകൃതിരമണീയമായ റിസോർട്ട്

 

കോട്ടയത്ത് കിംസ് ഹോസ്പിറ്റലിനടുത്താണ് റെയിൻ ഫോറെസ്റ് ആയുർ കൗണ്ടി റിസോർട്ട്. ഒരു മഴക്കാല പ്രതീതിതോന്നിപ്പിക്കുന്ന അന്തരീക്ഷമാണ് ഇവിടുത്തെ പ്രത്യേകത.  ധാരാളം മരങ്ങളും കിളികളുടെ ചിലക്കലുകളും ഒക്കെ ചേർന്ന് ഒരു കാട്ടിലെത്തിയ അനുഭവം. കോട്ടയം സിറ്റിയിൽ ഇതൊരു വിസ്മയമാണ്. മഴയും, പുകയും,ഇവിടുത്തെ വെള്ളച്ചാട്ടങ്ങളും മനുഷ്യ നിർമ്മിതമെന്നു തോന്നുകയില്ല.

ഇവിടെ ധാരാളം കോട്ടേജുകൾ ടൂറിസ്റ്റുകൾക്കായി തയ്യാറാക്കിയിട്ടുണ്ട്. കേരളീയ ശൈലിയിൽ പണിത ഒരു തറവാടിന്റെ പ്രൗഡിയിലുള്ള കോട്ടേജുകൾ ആണ് ഇവ ഓരോന്നും. ഇവിടെ ഒരു ഇന്റർ കണക്റ്റിംഗ് റൂമുണ്ട് മൂന്നു പേർക്ക് താമസിക്കാം. ഓരോ മുറിയിലും പ്രേത്യക ബാത്റൂമുണ്ട്. വായുസഞ്ചാരമുള്ള മുറികളും നല്ല കിടക്കയും ആണ് ഇവിടെയുള്ളത്.

കോട്ടജിനു പുറത്തു നിന്നുനോക്കിയാൽ മീനച്ചിലാറിന്റെ കൈവഴി റിസോർട്ടിന്റെ അരികിലൂടെ ഒഴുകുന്നത് കാണാം. ഇവിടെ ഒരു ഫ്ലോട്ടിങ് റെസ്റ്റോറന്റ് ഉണ്ട്. ധാരാളം പേർക്ക് ഇരുന്നു ഭക്ഷണം കഴിക്കാനുള്ള സൗകര്യം ഇവിടെയുണ്ട്. ഇവിടെ ഒരു തടാകം ഉണ്ട്. കൃത്രിമ തടാകമാണ്. അവിടെ ഒരു ചെറിയ പാലത്തിലൂടെ കടന്നു ചെന്നാൽ വെള്ളച്ചാട്ടത്തിലും, കുളത്തിന്റെ അടുത്തും എത്താം.

കുളത്തിൽകുട്ടവഞ്ചിയിലോ പെഡൽ ബോട്ടിലോ കയറാം, തുഴയാൻ സഹായി ഉണ്ടാകും. ഇതൊരു പാറമടയാണ്. കുളത്തിനു നടുവിൽ ഒരു ബിൽഡിംഗ് ഉണ്ട്  അവിടെ വിശ്രമിക്കാം.വെള്ളച്ചാട്ടം രണ്ടെണ്ണമുണ്ട് , ഇവിടങ്ങളിൽ കുളിക്കാം. കാടിന്റെ ദൃശ്യം ഇവിടെ നിന്ന് കണ്ടാസ്വദിക്കാം.

ഒരു ഊട്ടുപുര റെസ്റ്റോറന്റ് ഉണ്ട്.  ഈ റിസോർട്ടിൽ ഒരു ഓപ്പൺ സ്റ്റേജ് ഉണ്ട് അവിടെ ബർത്തഡേ പാർട്ടികളോ എൻഗേജുമെന്റ്‌സോ ഒക്കെ നടത്താനും കഴിയും. കൂടാതെ ഒരു ഹാളും ഉണ്ട് , നൂറുപേരോളം പങ്കെടുക്കാവുന്ന ഇരിപ്പിട സൗകര്യവുമുണ്ട്. വലിയ ഒരു സ്വിമ്മിങ് പൂളും പുറത്തുണ്ട്.

കോട്ടയം നഗരത്തിൽ എല്ലാ ആധുനിക സൗകര്യങ്ങളും അതോടൊപ്പം പ്രകൃതിയുടെ മനോഹാരിതയും നിറഞ്ഞ അന്തരീക്ഷം റെയിൻ ഫോറെസ്റ് കൗണ്ടി ആയുർ റിസോർട്ടിൽ മാത്രമേ ഉള്ളൂ.

 

 

 

കോട്ടയത്തെ പ്രധാന സ്ഥലങ്ങൾ

കിഴക്ക് പശ്ചിമഘട്ട മലനിരകളും പടിഞ്ഞാറ് കുട്ടനാടിൻ്റെ നെൽവയലുകളും വേമ്പനാട് കായലും കൊണ്ട് ചുറ്റപ്പെട്ടതാണ് കോട്ടയം. വേമ്പനാട് കായലും നദികളും കനാലുകളും കോട്ടയത്തുണ്ട്.

കോട്ടയത്തെ ചില പ്രധാന സ്ഥലങ്ങൾ ഇവയാണ്

1.തിരുനക്കര മഹാദേവ ക്ഷേത്രം:

കോട്ടയം ജില്ലയുടെ ഹൃദയഭാഗത്താണ് തിരുനക്കര മഹാദേവ ക്ഷേത്രം സ്ഥിതി ചെയ്യുന്നത്. ഈ ക്ഷേത്രത്തിന് കലാപരവും മതപരവുമായ പ്രാധാന്യമുണ്ട്. പരശുരാമനാണ് ശിവന്റെ പ്രതിഷ്ഠ നടത്തിയതെന്നാണ് വിശ്വാസം. വിവിധ ഹൈന്ദവ ദേവതകളെ ചിത്രീകരിക്കുന്ന നിരവധി അദ്വിതീയ ശിൽപങ്ങളും ചുവർചിത്രങ്ങളും ക്ഷേത്രത്തിൽ സംരക്ഷിക്കുന്നു.

ദൂരം: കോട്ടയം ടൗണിൽ നിന്ന് 650 മീ.

2. കുമരകം പക്ഷി സങ്കേതം:

വേമ്പനാട് തീരത്ത് സ്ഥിതി ചെയ്യുന്ന ഈ വന്യജീവി സങ്കേതം പക്ഷികളുടെ സങ്കേതമാണ്. 14 ഏക്കറിൽ ഇത് വ്യാപിച്ചുകിടക്കുന്നു. ഹിമാലയത്തിൽ നിന്നും സൈബീരിയയിൽനിന്നും ധാരാളം ദേശാടന പക്ഷികൾ എത്താറുണ്ട്. സ്വദേശികളായവയും ദേശാടനകിളികളും ഇവിടെ വിഹരിക്കുന്നു.

വന്യജീവി സങ്കേതത്തിലൂടെയുള്ള നടത്തം ഒരു കാടിനുള്ളിലൂടെ നടന്നുപോകുന്ന പ്രതീതി ഉണ്ടാക്കുന്നു പക്ഷികളുടെ ശ്രുതിമധുരമായ ചിലക്കലുകൾ എവിടെയും കേൾക്കാം. പക്ഷിസങ്കേതത്തിന്റെ മുഴുവൻ മനോഹാരിതയും അറിയാൻ ഹൗസ്ബോട്ടുകളിലോ മോട്ടോർബോട്ടുകളിലോ വേമ്പനാട് കായൽ യാത്ര നടത്തുക.

ദൂരം: കോട്ടയം ടൗണിൽ നിന്ന് 16.1 കിലോമീറ്റർ

3. വേമ്പനാട് തടാകം:

അടുത്ത കാലത്തായി അതിവേഗം വളർന്നുവരുന്ന ഒന്നാണ് കായൽ ടൂറിസം. കേരളത്തിലെ ഏറ്റവും വലിയ തടാകമാണ് വേമ്പനാട് കായൽ. കെട്ടുവള്ളം എന്ന് വിളിക്കുന്ന പരമ്പരാഗത ചരക്ക് ബോട്ടുകൾ എല്ലാ അടിസ്ഥാന സൗകര്യങ്ങളോടും കൂടി ക്രൂയിസ് ബോട്ടുകളായും ഹൗസ് ബോട്ടുകളായും പരിഷ്കരിച്ചിട്ടുണ്ട്. . വേമ്പനാട് കായലിൽ പാതിരാമണൽ എന്നറിയപ്പെടുന്ന ഒരു ചെറിയ ദ്വീപ് ഉണ്ട്.

ദൂരം: കോട്ടയം ടൗണിൽ നിന്ന് 13.5 കിലോമീറ്റർ

4. മാംഗോ മെഡോസ് :

ആദ്യത്തെ അഗ്രികൾച്ചറൽ തീം പാർക്കായ മാംഗോ മെഡോസ് 30 ഏക്കറിൽ 4500-ലധികം സസ്യജാലങ്ങളുമായി വ്യാപിച്ചുകിടക്കുന്നു. ഈ ജൈവവൈവിധ്യത്തിൽ സ്ഥാപിച്ചിട്ടുള്ള 22 കോട്ടേജുകൾ ശാന്തമായ വിശ്രമം പ്രദാനം ചെയ്യുന്നു, മനസ്സിന് ശാന്തത നൽകുന്നു.

ദൂരം: കോട്ടയം ടൗണിൽ നിന്ന് 22.1 കിലോമീറ്റർ

5. ഏറ്റുമാനൂർ മഹാദേവ ക്ഷേത്രം:

കോട്ടയത്തെ പുരാതനമായ ഒരു ശിവക്ഷേത്രമാണ് ഏറ്റുമാനൂർ മഹാദേവ ക്ഷേത്രം. വൈക്കത്തിനടുത്തുള്ള ഏറ്റുമാനൂരിലാണ് ഈ ക്ഷേത്രം സ്ഥിതി ചെയ്യുന്നത്.
ദൂരം: കോട്ടയം ടൗണിൽ നിന്ന് 11 കി.മീ

6. വിശുദ്ധ അൽഫോൻസാമ്മയുടെ ശവകുടീരം

കോട്ടയത്തെ ഒരു തീർത്ഥാടന കേന്ദ്രമാണ് അൽഫോൻസാമ്മയുടെ ശവകുടീരം. കത്തോലിക്കാ സഭ വിശുദ്ധയായി പ്രഖ്യാപിക്കുന്ന ആദ്യ ഇന്ത്യൻ വനിതയും ഇന്ത്യയിലെ പൗരസ്ത്യ കത്തോലിക്കാ സഭയായ സീറോ മലബാർ കത്തോലിക്കാസഭയിലെ ആദ്യത്തെ വിശുദ്ധയും വിശുദ്ധ അൽഫോൻസാമ്മയാണ്.

ദൂരം: കോട്ടയം ടൗണിൽ നിന്ന് 32.5 കി.മീ

7. അയ്യൻപാറ:

പാറക്കെട്ടുകൾ നിറഞ്ഞ പീഠഭൂമിയാണിത്. ഈ പാറയുടെ മുകളിൽ നിന്ന്നോക്കിയാൽ താഴെപാലാ-ഈരാറ്റുപേട്ട പട്ടണം കാണാം. ഇവിടെ നമുക്ക് സൂര്യാസ്തമയവും കാണാം.

ദൂരം: കോട്ടയം ടൗണിൽ നിന്ന് 46.3 കിലോമീറ്റർ

8. കരിക്കാട് വ്യൂപോയിന്റ്:

വാഗമണ്ണിലേക്കുള്ള വഴിയിലാണ് ഇത് സ്ഥിതി ചെയ്യുന്നത്. കോട്ടയത്തിനടുത്തുള്ള മനോഹരമായ വ്യൂപോയിന്റാണിത്.

ദൂരം: കോട്ടയം ടൗണിൽ നിന്ന് 59.6 കിലോമീറ്റർ

9. വാഗമൺ:

ഇത് ഇടുക്കി ജില്ലയിലെ ഒരു ഹിൽ സ്റ്റേഷനാണ്. ഒരു മനോഹരമായ ടൂറിസ്റ്റ് കേന്ദ്രമാണ്. പിക്നിക്കുകൾക്ക് പോകാൻ പറ്റിയ സ്ഥലം. പച്ചപ്പ് നിറഞ്ഞ ഈ ഭാഗം ഫോട്ടോഗ്രാഫർമാർക്ക് ഒരു ദൃശ്യ വിരുന്നും നൽകുന്നു. പ്രകൃതി സ്നേഹികൾ തീർച്ചയായും കണ്ടിരിക്കേണ്ട സ്ഥലവുമാണ്.

ദൂരം: കോട്ടയം ടൗണിൽ നിന്ന് 48 കിലോമീറ്റർ

10. പനച്ചിക്കാട് ദക്ഷിണ മൂകാംബിക ക്ഷേത്രം:

സരസ്വതി ദേവിയെ ആരാധിക്കുന്ന ഒരു ഹൈന്ദവ ക്ഷേത്രമാണ് ദക്ഷിണ മൂകാംബിക ക്ഷേത്രം. കോട്ടയത്തെ പനച്ചിക്കാടാണ് ക്ഷേത്രം സ്ഥിതി ചെയ്യുന്നത്. വിദ്യാരംഭത്തിന്റെയും വിജയദശമിയുടെയും ചടങ്ങായ നവരാത്രിപൂജയാണ് പ്രധാന ഉത്സവം.

ദൂരം: കോട്ടയം ടൗണിൽ നിന്ന് 69.8 കിലോമീറ്റർ

മറ്റ് വിനോദസഞ്ചാര സ്ഥലങ്ങൾ: ഇല്ലിക്കൽ കല്ല്, മാർമേല വെള്ളച്ചാട്ടം, ബേ ഐലൻഡ് ഡ്രിഫ്റ്റ് വുഡ് , മുനിസിപ്പൽ ജൂബിലി നെഹ്‌റു പാർക്ക്, ക്ലേ ആർട്ട് കഫേ.

മൂന്നാർ — ദക്ഷിണ കാശ്മീർ

കൊച്ചിയിൽ നിന്ന് മൂന്നാറിലേക്കുള്ള യാത്ര വളരെ ആസ്വാദ്യകരവും നവോന്മേഷദായകവുമാണ്. മൂന്നാറിലേക്കുള്ള യാത്രയുടെ ഭംഗി ആസ്വദിക്കാനുള്ള ഏറ്റവും നല്ല മാർഗം റോഡിലൂടെയുള്ള യാത്രയാണ്. ഈ യാത്രയിൽ, മൂന്നാറിലെ ദൃശ്യ മനോഹരമായ ടൂറിസ്റ്റ് കേന്ദ്രങ്ങൾ നമുക്ക് കാണാൻ കഴിയും – പച്ചപ്പ്, തേയിലത്തോട്ടങ്ങൾ,  സ്പൈസ് ഗാർഡൻ. വാളറയിലെയും ചീയപ്പാറയിലെയും വെള്ളച്ചാട്ടങ്ങളിൽ ഈ വഴിയിലൂടെ എളുപ്പത്തിൽ എത്തിച്ചേരാനാകും.

മൂന്നാറിലെ ആകർഷണങ്ങൾ

1. തേയിലത്തോട്ടങ്ങൾ:

തേയിലത്തോട്ടങ്ങളുടെ കേന്ദ്രമാണ് മൂന്നാർ. സമുദ്രനിരപ്പിൽ നിന്ന് ഏകദേശം 1600 മീറ്റർ ഉയരത്തിലാണ് ഈ ഹിൽ സ്റ്റേഷൻ സ്ഥിതി ചെയ്യുന്നത്. ചായ, കാപ്പി, സുഗന്ധവ്യഞ്ജന തോട്ടങ്ങൾ എന്നിവയെല്ലാം താഴ്‌വരയിലുണ്ട്. ഈ മലഞ്ചെരിവ് മനോഹരവും പച്ചപ്പ് നിറഞ്ഞ പശ്ചാത്തലവും സൃഷ്ടിക്കുന്നു.

2. ടീ മ്യൂസിയം:

നല്ലതണ്ണി എസ്റ്റേറ്റിലാണ് ഈ മ്യൂസിയം. മ്യൂസിയം സന്ദർശിക്കുമ്പോൾ തേയില കൃഷിയെക്കുറിച്ചും അതിന്റെ ചരിത്രത്തെകുറിച്ചും മനസ്സിലാക്കും. തേയില സംസ്കരണത്തിന്റെ വിവിധ ഘട്ടങ്ങൾ കാണാം.

3. പോത്തൻമേട് വ്യൂപോയിന്റ്:

ഇവിടം മൂന്നാറിന്റെ പ്രധാന ടൂറിസ്റ്റ് കേന്ദ്രമാണ്. തേയില, സുഗന്ധവ്യഞ്ജന തോട്ടങ്ങൾ എന്നിവയാൽ ചുറ്റപ്പെട്ട താഴ്വരകൾ അതിമനോഹരമാണ്. സാഹസിക പ്രേമികൾക്ക്, ട്രെക്കിംഗിനും ഹൈക്കിംഗിനും അനുയോജ്യമായ സ്ഥലമാണിത്.

4. ദേവികുളം:

വിചിത്രമായ സസ്യജന്തുജാലങ്ങളും തണുത്ത കാലാവസ്ഥയും ഉള്ള ആകർഷകമായ പിക്നിക് സ്പോട്ട്. ഭൂപ്രകൃതി അതിമനോഹരമാണ്. ദേവികുളത്തു മീൻപിടിക്കാനും കഴിയും. സീതാദേവി തടാകം ആകർഷകമായ അന്തരീക്ഷത്താൽ സുന്ദരമാണ്.

5. ആനയിറങ്കൽ അണക്കെട്ട്:

അണക്കെട്ടിന് ചുറ്റും ഒരു വശം വനവും മറുവശത്ത് തേയിലത്തോട്ടങ്ങളുമാണ്. ഈ പ്രദേശം അതിമനോഹരമാണ് . ബോട്ടിങ്ങിനും പിക്നിക്കിനും പറ്റിയ സ്ഥലം.

6. സർക്കാർ ബോട്ടാണിക്കൽ ഗാർഡൻ:

പൂക്കളുടെയും ചെടികളുടെയും നല്ലൊരു ശേഖരം ഇവിടെ കാണാം. ഈ പൂന്തോട്ടം എല്ലാ ദിവസവും പ്രവർത്തിക്കുന്നു. കുട്ടികൾക്ക് കളിക്കാനും ആസ്വദിക്കാനും കഴിയുന്ന ഒരു പാർക്ക് ഉണ്ട്. കൂടാതെ, കുടുംബത്തിന് സിറ്റിംഗ് ഏരിയയിൽ വിശ്രമിക്കാം. ഇത് കുടുംബാംഗങ്ങൾ ഒന്നിച്ചുള്ള യാത്രയ്ക്ക് ഏറ്റവും അനുയോജ്യമായ സ്ഥലമാണ്. വൈകുന്നേരങ്ങളിൽ ഒരു ഫൗണ്ടൻ ഷോയുംകാണാം. രാത്രിയിൽ ഈ പൂന്തോട്ടംലൈറ്റിംഗ് ക്രമീകരണങ്ങളാൽ മനോഹരമായി കാണാം.

7. കളരി ക്ഷേത്രം:

മൂന്നാർ യാത്രയിൽ തീർച്ചയായും സന്ദർശിക്കേണ്ട സ്ഥലമാണിത്. കേരളത്തിലെ പുരാതന ആയോധന കലയായ കളരിപ്പയറ്റും പരമ്പരാഗത കലാരൂപമായ കഥകളിയും ഇവിടെ അവതരിപ്പിക്കപ്പെടുന്നു.

അവിടെ എത്തിച്ചേരാൻ:

റോഡ് മാർഗം: കൊച്ചിയിൽ നിന്ന് 126.6 കിലോമീറ്റർ.

ഏറ്റവും അടുത്തുള്ള വിമാനത്താവളം: കൊച്ചി അന്താരാഷ്ട്ര വിമാനത്താവളം

താമസം: മൂന്നാറിൽ വിവിധതരം ഹോട്ടലുകൾ, നല്ല സൗകര്യങ്ങളുള്ള റിസോർട്ടുകൾ, ഹോംസ്റ്റേകൾ എന്നിവ ലഭ്യമാണ്.

ഓണപ്പൂക്കളം

സാംസ്കാരികവും പാരമ്പര്യപരവുമായ ഒരു ആഘോഷമാണ് ഓണം. കേരളത്തിൻ്റെ വിളവെടുപ്പുത്സവമായ ഓണം ഒരു പുതിയ വർഷത്തിൻ്റെ തുടക്കമാണ്. ഓണക്കാലം സമൃദ്ധിയുടെയും ഉത്സാഹത്തിൻ്റെയും കാലമാണ്. ഓണം 10 ദിവസത്തെ ആഘോഷമാണ്.

 

അത്തം നാളിൽ ആരംഭിച്ച് തിരുവോണത്തിന് അവസാനിക്കും. ഓണക്കാലത്ത് മഹാബലി തൻ്റെ പ്രജകളെ സന്ദർശിക്കാൻ വരുന്നു എന്നാണ് വിശ്വാസം.

അത്തപൂക്കളമിട്ടുകൊണ്ടാണ് ഓണാഘോഷം ആരംഭിക്കുന്നത്, പൂക്കളം തറയിലാണ് ഇടുന്നത്. ഓണക്കാലത്ത് എല്ലാ കുടുംബങ്ങളിലും ഇത് ഒരു ആചാരമായി കണക്കാക്കപ്പെടുന്നു. ആളുകൾ അവരുടെ വീടുകളും തെരുവുകളും അത്തപ്പൂക്കളമിട്ട് അലങ്കരിക്കുന്നു. തൃപ്പൂണിത്തുറയിലെ അത്തച്ചമയം ഘോഷയാത്ര അതിമനോഹരമാണ്. മഹാബലിയെ വരവേൽക്കാനാണ് പൂക്കളം ഇടുന്നത് എന്നാണ് സങ്കൽപം. മനോഹരമായ പൂക്കളം മനസ്സിന് വലിയ സന്തോഷം നൽകും.

ദശപുഷ്പം -10 ഇനം പൂക്കളും, പ്രാദേശികമായി ലഭ്യമായ മറ്റു പൂക്കളും അത്തപ്പൂക്കളം അലങ്കരിക്കാൻ ഉപയോഗിച്ചിരുന്നു. തുമ്പ,  ചെത്തി, ചെമ്പരത്തി, ശംഖുപുഷ്പം, ജമന്തി, തുളസി, മന്ദാരം, വാടാമല്ലി, അരളി പൂക്കൾ എന്നിവ പൂക്കളം അലങ്കരിക്കാൻ ഉപയോഗിക്കും. പണ്ട് നാട്ടിൻപുറത്തു കുട്ടികൾ കൂട്ടമായി പോയി അടുത്തുള്ള സ്ഥലങ്ങളിൽ നിന്ന് പൂക്കൾ ശേഖരിക്കുമായിരുന്നു.അവർക്ക് അതൊരു രസമായിരുന്നു. ഇന്ന് പൂക്കളുടെ ലഭ്യത കുറഞ്ഞു ആളുകൾ കടകളിൽ നിന്ന് പൂക്കൾ വാങ്ങാൻ തുടങ്ങി. പൂക്കളത്തിന് ഒന്നിലധികം വളയങ്ങളുണ്ട്, കളിമണ്ണുകൊണ്ട് ഉണ്ടാക്കിയ ഓണത്തപ്പനെ മധ്യഭാഗത്ത് വയ്ക്കുന്നു.

ഓണാഘോഷത്തോടനുബന്ധിച്ച് വിവിധ പൂക്കളം മത്സരങ്ങൾ നടത്തിവരുന്നു. വീടുകളിൽ കുട്ടികൾ പ്രത്യേകിച്ച് പെൺകുട്ടികൾ അവിടെ ലഭ്യമായ പൂക്കൾ കൊണ്ട് ലളിതമായ പൂക്കളം ഇടുന്നു. സ്‌കൂളുകളിലും കോളേജുകളിലും മറ്റ് പൊതു സ്ഥലങ്ങളിലുമുള്ള ആളുകൾ വർണ്ണാഭമായ പൂക്കൾ കൊണ്ട് അത്തപ്പൂക്കളം ഇടുന്നു.

ഫോർട്ട് കൊച്ചിയിലെ കാഴ്ചകൾ

 

എല്ലാ വർഷവും ആയിരക്കണക്കിന് വിനോദസഞ്ചാരികളെ ആകർഷിക്കുന്ന, കേരളത്തിലെ വിനോദസഞ്ചാര കേന്ദ്രങ്ങളിൽ ഒന്നാണ് കൊച്ചി. “അറബിക്കടലിന്റെ റാണി” എന്ന് അഭിമാനത്തോടെ അവകാശപ്പെടുന്ന ഈ നഗരം ഇന്ത്യയിലെ ആറാമത്തെ പ്രധാന വിനോദസഞ്ചാര കേന്ദ്രമാണ്. കൊച്ചി ഒരു പ്രധാന തുറമുഖ നഗരമാണ്.

സമ്പന്നമായ ചരിത്രവും പാരമ്പര്യമുള്ള കൊച്ചി ഒരു പൈതൃകമാണ് നഗരമാണ്. ഒരു കാലത്തു ഡച്ചുകാരും ഇംഗ്ലീഷുകാരും ഉൾപ്പെടെയുള്ള യൂറോപ്യന്മാരുമായി വ്യാപാരത്തിൽ ഏർപ്പെട്ടിരുന്നു, അതിന്റെ ശാശ്വതമായ സാംസ്കാരിക പൈതൃകത്തിന്റെ ശേഷിപ്പുകൾ ഇപ്പോൾ ഇവിടെയുണ്ട്. കേരളത്തിലെ എറണാകുളം ജില്ലയിലാണ് കൊച്ചി സ്ഥിതി ചെയ്യുന്നത്.

കൊച്ചിയിലെ പ്രധാന ടൂറിസ്റ്റ് കേന്ദ്രങ്ങൾ

 

ഫോർട്ട് കൊച്ചി: ഡച്ച്, പോർച്ചുഗീസ്, ബ്രിട്ടീഷ് കൊളോണിയൽ വാസ്തുവിദ്യ ഇവിടെ കാണാം. ധാരാളം ചരിത്രപരമായി പ്രാധാന്യമുള്ള സ്ഥലമാണ് ഫോർട്ട് കൊച്ചി. അതിമനോഹരമായ ഒരു കടൽത്തീരവും ഇവിടെ കാണാം.

മട്ടാഞ്ചേരി കൊട്ടാരം: ക്ഷേത്രകല, കേരളത്തിലെ രാജാക്കന്മാരുടെ ഛായാചിത്രങ്ങൾ, ചരിത്രവുമായി ബന്ധപ്പെട്ടവയുടെ പ്രദർശനങ്ങൾ എന്നിവയും കേരളത്തിലെ ചുവർചിത്രങ്ങളും ഉൾക്കൊള്ളുന്ന ഒരു പ്രശസ്തമായ വിനോദസഞ്ചാര കേന്ദ്രമാണിത്. ഈ കൊട്ടാരം കേരളത്തിലെ പുരാവസ്തു വകുപ്പ് ഒരു മ്യൂസിയമായി സംരക്ഷിച്ചിരിക്കുന്നു.

ജ്യൂ ടൗൺ: മട്ടാഞ്ചേരി കൊട്ടാരത്തിനും പരദേശി സിനഗോഗിനും ഇടയിൽ സ്ഥിതിചെയ്യുന്ന ഇടുങ്ങിയ തെരുവാണിത്. ഇവിടെ പണ്ടുണ്ടായിരുന്ന യഹൂദരുടെ ഓർമ്മകൾ അവശേഷിക്കുന്നു കെട്ടിടങ്ങൾ കാണാം . അവ സഞ്ചാരികൾക്കായി സംരക്ഷിച്ചു സൂക്ഷിച്ചു വയ്ക്കുന്നു. പുരാതന വസ്തുക്കൾ, കൊത്തുപണികൾ ചെയ്ത കേരളത്തിന്റേതായ കരകൗശല വസ്തുക്കൾ, സുഗന്ധദ്രവ്യങ്ങൾ എന്നിവയുടെ വിപണി ഇവിടെ സജീവമാണ്.

ചീനവല: ഫോർട്ട്കൊച്ചി ബീച്ചിൽ നിന്ന് വിനോദസഞ്ചാരികൾക്ക് ചീനവലകൾ കാണാം. കേരള ടൂറിസത്തിൽ എപ്പോഴും മുൻഗണന നൽകുന്ന ഒരു ചിത്രമാണ് ചീനവലയുടേത് . വാസ്കോ ഡ ഗാമ സ്ക്വയർ സമുച്ചയത്തിൽനിന്നു ഈ വലകളുടെ ആകർഷകമായ കാഴ്ച കാണാം.

ഫോർട്ട് കൊച്ചി ബീച്ച്: ദൈവത്തിന്റെ സ്വന്തം നാട്ടിലെ അതിമനോഹരമായ ബീച്ചുകളിലേക്ക് ഒരു യാത്ര ആവാം. വിശ്രമിക്കുകയും , കടലിന്റെ ഭംഗി ആസ്വദിക്കുകയുംചെയ്യാം. തുറമുഖത്തേക്കുള്ള ശാന്തമായ സൂര്യാസ്തമയ യാത്ര ചെയ്യാം. വാസ്കോഡ ഗാമ സ്ക്വയറിന് സമീപമാണ് ഇത്. ഫോർട്ട് കൊച്ചി ബീച്ചിലെ ഗ്രാനൈറ്റ് നടപ്പാതയും ലൈറ്റ് ഹൗസും പ്രധാന ആകർഷണങ്ങളാണ്.

വില്ലിങ്ടൺ ദ്വീപ്: ഇന്ത്യയിലെ മനുഷ്യ നിർമ്മിതമായ ഏറ്റവും വലിയ ദ്വീപാണ് വില്ലിങ്ടൺ ദ്വീപ്. ഇന്ത്യൻ നേവിയുടെ കൊച്ചി നേവൽ ബേസ്, സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് ടെക്നോളജി, കൊച്ചി തുറമുഖം എന്നിവയുടെ കേന്ദ്രമാണ് ഈ ദ്വീപ്.

സാന്താക്രൂസ് കത്തീഡ്രൽ ബസിലിക്ക, വാസ്‌കോ ഡ ഗാമ സ്‌ക്വയർ, ബാസ്റ്റൺ ബംഗ്ലാവ് എന്നിവയാണ് ഫോർട്ട് കൊച്ചിയിലെ സന്ദർശിക്കേണ്ട മറ്റ് സ്ഥലങ്ങൾ.

അവിടെയെത്താൻ : കൊച്ചി അന്താരാഷ്ട്ര വിമാനത്താവളത്തിൽ നിന്ന് 36.5 കിലോമീറ്റർ അകലെയാണ് ഫോർട്ട് കൊച്ചി.

താമസം: ഫോർട്ട് കൊച്ചിയിൽ, ആഡംബര സൗകര്യങ്ങളുള്ള ഹോട്ടലുകളും ഹോംസ്റ്റേകളും ലഭ്യമാണ്. വിവിധ റെസ്റ്റോറന്റുകളിൽ നിന്നും ഹോട്ടലുകളിൽ നിന്നും സീഫുഡ്, സ്ട്രീറ്റ് ഫുഡ് എന്നിവ ആസ്വദിക്കാം.