Food & Beverages

വേനൽക്കാലത്തു ചെയ്യാൻ പറ്റിയ കൃഷിയാണ് ചീര. നല്ല മഴക്കാലം ഒഴിച്ചുള്ള ഏതു കാലാവസ്ഥയും ചീരയ്ക്ക് അനുയോജ്യമാണ്. കാലാവസ്ഥ നോക്കി കൃഷി ചെയ്താൽ നല്ല വിളവ് കിട്ടും. കുറഞ്ഞ സമയം, കുറഞ്ഞ പരിചരണം ഇതൊക്കെ മതി ചീരയ്ക്ക്.

വിറ്റാമിനുകൾ ധാരാളം അടങ്ങിയിട്ടുള്ള ചീര എല്ലാ പ്രായക്കാർക്കും കഴിക്കാം. ചീര പല തരമുണ്ട്. എല്ലാ ച്ചീരയും പോഷകമൂല്യത്തിന്റെ കാര്യത്തിൽ മുന്നിലാണ്.

ചീരയിൽ അടങ്ങിയിയിട്ടുള്ള നാരുകൾ ദഹനം സുഗമമാക്കുന്നു, വിറ്റാമിൻ എ,സി ,ഇ, ഇവ ചീരയിൽ അടങ്ങിയിരിക്കുന്നു, പ്രമേഹം, കൊളസ്‌ട്രോൾ ഇവ നിയന്തിക്കാൻ ചറ കഴിക്കുന്നതിലൂടെ സാധിക്കും.

ചുവപ്പ് ചീരയ്ക്ക് പച്ചയെ അപേക്ഷിച്ചു സ്വാദ് കൂടും. ഇലക്കറികൾ നിത്യവും കഴിക്കേണ്ടതു ആരോഗ്യത്തിന് അത്യാവശ്യമാണ്. ചീര കൃഷി ചെയ്യുന്നത്‌ ഇലകൾക്ക് മാത്രമല്ല, കാണ്ഡത്തിനും വിത്തിനും വേണ്ടി കൂടിയാണ്.

ചീര കൃഷി ചെയ്യുന്നത് എങ്ങനെ?

ജൈവാംശം ഉള്ള മണ്ണിൽ ചീര നന്നായി കൃഷി ചെയ്യാം. ആദ്യം മണ്ണ് നന്നായി കിളച്ചു കൃഷിക്കായി പാകപ്പെടുത്തി എടുക്കാം. മണ്ണിൽ കുമ്മായം ചേർത്തിടുക.

വിത്ത് തിരെഞ്ഞെടുക്കുമ്പോൾ ശ്രദ്ധിക്കണം. നല്ല ഗുണമേന്മയുള്ളവ മാത്രമേ ഉപയോഗിക്കാവൂ. വിത്തുകൾ സ്യുഡോമോണ്സ് ലായനിയിൽ മുക്കി വെച്ചിട്ടു വേണം നടാൻ. വിത്തുകൾ പ്രോട്രേയിലോ ഗ്ലാസിലോ വളർത്തി നാലില പ്രായമാകുമ്പോൾ മാറ്റി നടാം. ഗ്രോബാഗിലാണു ചെയ്യുന്നതെങ്കിൽ ധാരാളം വെയിൽ കിട്ടുന്ന സ്ഥലത്ത് ബാഗുകൾ വെക്കുക. വെയിൽ കൂടുതൽ കിട്ടുന്ന സ്ഥലത്ത് വെള്ളം കെട്ടിനിൽക്കാത്ത വിധത്തിൽ വാരങ്ങളെടുത്ത് ആവശ്യത്തിന് അടിവളം ചേർത്ത് തയ്യാറാക്കിയശേഷം തൈകൾ 30 സെ.മീ. അകലത്തിൽ നടാം.

മണ്ണിൽ ട്രൈക്കോഡെര്മ കൊടുക്കുന്നത് നല്ലതാണു. ചാണകപ്പൊടി, എല്ലുപൊടി,ചാരം, കോഴിവളം ഇവയൊക്കെ നന്നായി ഇളക്കി അടിവളമായി കൊടുക്കാം. ആഴ്ചയിൽ ഒരിക്കൽ ഇവ വീണ്ടും ഇട്ടുകൊടുക്കാം. ജൈവ സ്ലറി ഒഴിച്ച് കൊടുക്കാം. പുതയിട്ടു കൊടുത്താൽ കളകൾ വളരാതിരിക്കും.

ഒരുമാസം കഴിയുമ്പോൾ വിളവെടുക്കാം. മുറിച്ചെടുത്തു കഴിഞ്ഞു ചാണക സ്ലറി ഒഴിച്ച് കൊടുക്കാം, ഗോമൂത്രം നേർപ്പിച്ചു ഒഴിക്കാം. വള പ്രയോഗം കുറച്ചു മതി. വേനല്ക്കാലത്ത് ഇട വിട്ടു നനയ്ക്കണം.

സമൃദ്ധമായ വിളവ് ഉറപ്പുനൽകിക്കൊണ്ട് മഹാഗ്രിൻ ഓൺലൈനിൽ വിത്തുകൾ നൽകുന്നു.

മഹാഗ്രിൻ

പച്ചക്കറി കൃഷിയിൽ സ്വയം പര്യാപ്തത നേടേണ്ടത് ഇന്ന് വളരെ അത്യാവശ്യമാണ്. നമ്മുടെ വീട്ടിലെ ഉപയോഗത്തിനും ബാക്കിയുള്ളവ വിപണിയിലേക്കും കൊടുക്കാം. സ്ത്രീകൾ ഇന്ന് കൃഷി ചെയ്യുന്നതിന്റെ പ്രാധാന്യം നന്നായി മനസ്സിലാക്കി, അടുക്കളത്തോട്ടം ലാഭകരമാക്കി മുന്നോട്ടു കൊണ്ട് പോകുന്നു. കുടുംബത്തിന്റെ കാര്യങ്ങൾ നോക്കുന്നതിനോടൊപ്പം ഇത് നല്ല ഒരു വരുമാനമാർഗ്ഗവുമാണ്.

വീട്ടു മുറ്റത്തും ടെറസിലും കൃഷി ചെയ്യാം. ഗ്രോ ബാഗിലും കൃഷി ചെയ്യാം. ജൈവ വളക്കൂട്ടുകൾ ഉപയോഗിക്കാം. പച്ച ചാണകവും കടലപ്പിണ്ണാക്കും പുളിപ്പിച്ചു അത് നേർപ്പിച്ചു ചെടികൾക്ക് ഒഴിച്ച് കൊടുക്കാം. കീട ബാധ ഒഴിവാക്കാൻ സ്യുഡോമോണസ് 20 ഗ്രാം 1 ലിറ്റർ വെള്ളത്തിൽ ചേർത്തു ആഴ്ചയിൽ ഒരു ദിവസം തളിക്കാം. രോഗ കീട ബാധകൾ ആദ്യം തന്നെ കണ്ടുപിടിച്ചു നിയന്ത്രിക്കണം. കാലാവസ്ഥയ്ക്കനുസരിച്ചു കൃഷി ചെയ്താൽ വര്ഷം മുഴുവനും വിളവെടുക്കാം.

കൊടും വേനലിലും നന്നായി വിളവെടുക്കാവുന്ന പച്ചക്കറികളാണ്‌ പയർ, ചീര, തക്കാളി, വെണ്ട, വഴുതന, പീച്ചിങ്ങ എന്നിവ. രണ്ടു നേരവും ഇവയ്ക്ക് നന ആവശ്യമാണ്.

പയർ

ഗുണങ്ങൾ:

വൈറ്റമിനുകൾ, ധാതുക്കൾ, ഡയറ്ററി ഫൈബർ എന്നിവയാൽ സമ്പുഷ്ടമാണ് മുറ്റത്തെ ബീൻസ്, ആരോഗ്യകരവും സമീകൃതവുമായ ഭക്ഷണത്തിന് ഇവ ആവശ്യമാണ്.

കൃഷി രീതി:

ഈർപ്പമുള്ള കാലാവസ്ഥയിൽ നീളമുള്ള വള്ളി പയർ നടുക. വിത്തുകൾ 1″ ആഴത്തിൽ, 3-4 ഇഞ്ച് അകലത്തിൽ, ധാരാളം സൂര്യപ്രകാശമുള്ള ഫലഭൂയിഷ്ഠമായ, നല്ല മണ്ണിൽ നടുക. കായ്കൾ നീളവും ഭാരവും വളരുന്നതിനാൽ താങ്ങു കൊടുക്കണം. നടീലിനു ശേഷം ഏകദേശം 60 ദിവസം കഴിഞ്ഞ് ബീൻസ് 15-20 ഇഞ്ച് നീളത്തിൽ വിളവെടുക്കാം. കീട ബാധ വരാതെ നോക്കണം.

പീച്ചിങ്ങ

ഗുണങ്ങൾ:

ഹൃദയാരോഗ്യത്തിനും, പ്രമേഹത്തിനും ഇത് കഴിക്കുന്നത് കൊണ്ട് ഗുണമുണ്ട്. രക്ത ശുദ്ധിക്കും, രോഗപ്രതിരോധ ശക്തിക്കും, കണ്ണിന്റെയും, ചർമ്മത്തിന്റെയും സംരക്ഷണത്തിനും പീച്ചിങ്ങ ഉത്തമമാണ്. ശരീരത്തിന്റെ ചൂടുകുറയ്ക്കാനും, ശരീരഭാരം കുറയ്ക്കാനും പീച്ചിങ്ങയ്ക്കു കഴിയും.

കൃഷി രീതി:

കുറഞ്ഞ പരിപാലനവും നല്ല വിളവും അതാണ് പീച്ചിങ്ങ കൃഷിയുടെ പ്രത്യേകത.  കൃഷിയിൽ തുടക്കക്കാരായവർക്കുപോലും നല്ല വിളവ് നേടാം . വലിയ കീട ബാധ ഇതിനുണ്ടാകാറില്ല.

ചീര

ചീര പലതരമുണ്ട്, എല്ലാത്തരം ചീരയും പോഷകഗുണമുള്ളവയാണ്. ചുവപ്പ് ചീര നടാൻ പറ്റിയ കാലാവസ്ഥയാണിപ്പോൾ. നല്ല മഴക്കാലം ഒഴിച്ചുള്ള ഏതു കാലാവസ്ഥയും ചീരയ്ക്ക് അനുയോജ്യമാണ്.  ഇലക്കറികൾ നിത്യവും കഴിക്കേണ്ടതു ആരോഗ്യത്തിന് അത്യാവശ്യമാണ്.

വിത്തുകൾ സാധാരണയായി മണ്ണിൽ നേരിട്ട് വിതയ്ക്കുകയോ തൈകൾ ആയതിനുശേഷം പറിച്ചുനടുകയോ ചെയ്യാം. നല്ല നീർവാർച്ചയുള്ള മണ്ണിൽ ഏകദേശം 1/4 ഇഞ്ച് ആഴത്തിൽ വിത്ത് പാകുക. ചീര എളുപ്പത്തില്‍ കൃഷി ചെയ്യാം –  കാര്യമായ പരിചരണം ആവശ്യമില്ല, വള പ്രയോഗം കുറച്ചു മതി. വേനല്ക്കാലത്ത് ഇട വിട്ടു നനയ്ക്കണം.

സമൃദ്ധമായ വിളവ് ഉറപ്പുനൽകിക്കൊണ്ട് മഹാഗ്രിൻ ഓൺലൈനിൽ വിത്തുകൾ നൽകുന്നു. കൃഷിയുടെ സുസ്ഥിരതയിൽ പ്രതിജ്ഞാബദ്ധരായ മഹാഗ്രിൻ  വിത്തുകൾ  വാങ്ങി അടുക്കളത്തോട്ടം മെച്ചപ്പെട്ടതാക്കൂ.

അവധിക്കാലമായി, കുട്ടികളെ പങ്കെടുപ്പിച്ചു കൊണ്ട് വീട്ടിലൊരു അടുക്കളതോട്ടമുണ്ടാക്കാം. ഏതെല്ലാം പച്ചക്കറികൾ വീട്ടിൽ നടാൻ എടുക്കാം, എങ്ങനെ അതിന് വേണ്ട വിത്തുകൾ കണ്ടെത്താം, വിത്തുകൾ തെരഞ്ഞെടുക്കുമ്പോൾ എന്തെല്ലാം ശ്രദ്ധിക്കണം, സ്ഥലം എവിടെ കണ്ടെത്തണം എന്നിങ്ങനെ ഒരു ചെറിയ കൃഷി തോട്ടം വീട്ടിൽ ഉണ്ടാക്കാൻ കുറെ കാര്യങ്ങളിൽ കുട്ടികളുടെ ശ്രദ്ധ കൊണ്ട് വരാം.

പച്ചക്കറികൾ കൃഷി ചെയ്യുന്നത് ഭക്ഷണത്തിന്റെ കാര്യത്തിൽ സ്വയം പര്യാപ്തത നേടാൻ കുട്ടികളെ സഹായിക്കും. അവധിക്കാലം പ്രയോജനകരമായ കാര്യങ്ങളിൽ സമയം വിനിയോഗിക്കാൻ അവരെ പ്രാപ്തരാക്കും. എല്ലാവരും ഒന്നിച്ചു പങ്കെടുക്കുന്നതുകൊണ്ട് സന്തോഷവും ഐക്യവും ഉണ്ടാവുകയും ചെയ്യും. പച്ചക്കറികളുടെ പോഷക പ്രാധാന്യവും അത് ശരീരത്തിന് നൽകുന്ന ആരോഗ്യപരമായ ഗുണങ്ങളും മനസ്സിലാക്കും. അവർ തന്നെ നടുന്ന പച്ചക്കറികൾ കഴിക്കാനും, അതുകൊട്നുടാക്കുന്ന വിഭവങ്ങൾ കഴിക്കാനും താത്പര്യമുണ്ടാകും. ജൈവകൃഷിയുടെ പ്രാധാന്യവും ജൈവ വളങ്ങൾ എങ്ങനെ ഉപയോഗിക്കണം എന്നും മനസ്സിലാക്കും. മാത്രമല്ല പ്രകൃതിയുമായി ഒരടുപ്പം ഇതിലൂടെ സാധ്യമാകും.

എങ്ങനെ ഒരു അടുക്കളതോട്ടം ഒരുക്കാം

എവിടെയാണ് നടേണ്ടതെന്ന് നിശ്ചയിച്ചു കഴിഞ്ഞാൽ മണ്ണ് ട്രീറ്റ് ചെയ്തെടുക്കാം. സൂര്യപ്രകാശം കിട്ടുന്നയിടമാകണം. ടെറസിലും കൃഷി ചെയ്യാം, ഇതിനായി ഗ്രോ ബാഗുകളോ, ചട്ടികളോ എടുക്കാം. കൃഷിക്ക് മുൻപ് മണ്ണിൽ കുമ്മായം ഇട്ട് , ഇളക്കി, കുറച്ചു ദിവസം വെയിൽ കൊള്ളിക്കാം.  നനച്ചു കൊടുക്കണം . ഇത് അമ്ലത കുറയ്ക്കും. ഇതിനു ശേഷം അടിവളമായി കംമ്പോസ്റ്റ് കൊടുക്കാം. അത് നന്നായി പൊടിഞ്ഞതായിരിക്കണം. പച്ചിലവളം ,ചാണകപ്പൊടി, കോഴിക്കാഷ്ടം, ആട്ടിന്കാഷ്ഠം , വേപ്പിൻ പിണ്ണാക്ക് ഇവ  ജീർണ്ണിപ്പിച്ചതിനുശേഷമേ മണ്ണിൽ ചേർക്കാവൂ. ഇതാണ് കമ്പോസ്റ്. എന്നാലെ പോഷക മൂല്യങ്ങൾ ചെടികൾക്കു വലിച്ചെടുക്കാനാകൂ. മണ്ണിര കമ്പോസ്റ്റു , ട്രൈക്കോഡെർമ എന്നിവ മണ്ണിൽ ചേർത്തു കൊടുക്കാം.

വിത്തുകൾ കുതിർത്തതിനുശേഷം മാത്രമേ നടാവൂ. കട്ടികൂടിയവ 8 -10 മണിക്കൂർ വരെയും മറ്റുള്ളവ 3-4 മണിക്കൂറും കുതിർക്കണം , കുതിർക്കാൻ ഉപയോഗിക്കുന്ന വെള്ളത്തിൽ  സ്യൂഡോമോണസ്സ് ലായനി ഒഴിക്കാം .  ചകിരിച്ചോറും, ചാണ കപൊടിയും ചേർത്ത മണ്ണിൽ വേണം നടാൻ. മുളച്ച മുളച്ച തൈകൾ ഇടക്കിടെ വെയിൽ ക്കൊള്ളിച്ചു വെയിൽ കൊണ്ടാൽ വാടാത്ത പരുവത്തിൽ നടാം.

വേനലിൽ നടാൻ പറ്റിയവ

അടുക്കളത്തോട്ടത്തിലെ വിളകൾക്ക് വേനലിൽ നല്ല പരിചരണം ആവശ്യമാണ്. വേനൽക്കാലത്തു നടാൻ പറ്റിയ വിളകൾ ഏതൊക്കെയാണ് എന്ന് മുൻകൂട്ടി നിശ്ചയിക്കണം. വേനലിൽ നടാൻ പറ്റിയവയാണ് ചീര, വഴുതന, പീച്ചിങ്ങ, വെള്ളരി, വെണ്ട, തക്കാളി, പാവയ്ക്ക, പയർ എന്നിവ.

വിത്താണ് കൃഷി ചെയ്യുമ്പോൾ ഏറ്റവും ശ്രദ്ധിക്കേണ്ട കാര്യം, നല്ല വിത്തുകൾ നല്ല വിളവ് തരും. ഗുണമേന്മയുള്ള മഹാ അഗ്രിൻ വിത്തുകൾ ഗുണത്തിലും വിളവിന്റെ കാര്യത്തിലും മുൻപന്തിയിലാണ്. ഓൺലൈനായി ഇവ ലഭ്യമാണ്.

മഹാ അഗ്രിൻ വിത്തുകൾ

അവധിക്കാലത്തു കുട്ടികളെ വീട്ടിൽ ഒരു അടുക്കളത്തോട്ടമുണ്ടാക്കാനും അത് പരിപാലിക്കാനും ശീലിപ്പിക്കാം. ഭക്ഷണത്തിന്റെ ആവശ്യകത, അതിൽ പോഷക മൂല്യങ്ങളുടെ പ്രാധാന്യം, നമ്മുടെ ആരോഗ്യവും പോഷകങ്ങളും തമ്മിലുള്ള ബന്ധം, ഇതൊക്കെ കുട്ടികളുമായി സംസാരിക്കാം.

നമ്മുടെ വീടിനോടു ചേർന്ന് മുറ്റത്തോ, പറമ്പിലോ ടെറസിലോ ഒരു ശകലം സ്ഥലം ഇതിനായി കണ്ടെത്താം. കുട്ടികൾക്കിഷ്ടപ്പെട്ട പച്ചക്കറികൾ, അവയിൽ പോഷകമൂല്യമുള്ളവ , എളുപ്പത്തിൽ വിളവെടുക്കാവുന്നവ എന്നിങ്ങനെ തരം തിരിച്ചു നടാനായി തിരഞ്ഞെടുക്കാം.

വിത്തു മുതൽക്കു തന്നെ കൃഷിപാഠം തുടങ്ങണം. നല്ല ഗുണമേന്മയുള്ള വിത്തിന്റെ പ്രാധാന്യം, നല്ല വിത്തിൽ നിന്നു മാത്രമേ നല്ലആരോഗ്യമുള്ള ചെടിയും നല്ല വിളവും കിട്ടൂ എന്ന് അവരെ മനസ്സിലാക്കണം.

ഇനി കൃഷി ചെയ്യാൻ പറ്റിയ പാത്രങ്ങൾ, ഗ്രോ ബാഗുകൾ ഇവ കണ്ടത്തെണം. അടുത്തത് കൃഷി ചെയ്യാനുള്ള മണ്ണിന്റെ കാര്യമാണ്. മണ്ണ് കൃഷിക്കായി ഒരുക്കുന്നത്, അതിൽ ചേർക്കുന്ന വളങ്ങൾ, ജൈവ വളങ്ങളുടെ പ്രാധാന്യം ഇതെല്ലാം കുട്ടികളെ മനസ്സിലാക്കിക്കുകയും അതിൽ അവരെ പങ്കെടുപ്പിക്കുകയും വേണം. വരുന്ന തലമുറ പ്രകൃതിയെ അറിയാൻ, ഇതിലും നല്ല ഒരു മാർഗ്ഗമില്ല.

പച്ചക്കറികൾ കഴിക്കേണ്ടതിന്റെ ആവശ്യവും, നമ്മുടെ വളർച്ചയ്ക്ക് പോഷകമൂല്യങ്ങളുടെ പ്രാധാന്യവും മനസ്സിലാക്കുമ്പോൾ അതവർക്ക് ആരോഗ്യകരമായ ഭക്ഷണം കഴിക്കാൻ പ്രചോദനം നൽകും. അങ്ങനെ നല്ല ഭക്ഷണ ശീലങ്ങളും ഉണർവായ ജീവിത രീതിയും അവരിൽ ഉണ്ടാകും. സമയം ഗുണനിലവാരമുള്ള കാര്യങ്ങളിൽ ചെലവഴിക്കുകയും ചെയ്യാം.

സുന്ദരി ചീര

സമീകൃത ആഹാരമെന്ന നിലയിൽ ഇലക്കറികൾ ധാരാളം പ്രധാന്യം അർഹിക്കുന്നു. കാരണം ഇലക്കറികൾ പോഷക കലവറയാണ്. അവയിൽ ജീവകങ്ങൾ, ധാതുക്കൾ, നാരുകൾ എന്നിവയെല്ലാം അടങ്ങിയിട്ടുണ്ട് . ഇവ എളുപ്പത്തിൽ കൃഷിചെയ്യാവുന്നതാണ്, നമ്മുടെ നാട്ടിലെ കാലാവസ്ഥയിൽ വലിയ പരിചരണം ഒന്നും കൂടാതെ ഇവ കൃഷി ചെയ്യാം.

തക്കാളി

നല്ല ആകർഷകവും പോഷഗുണങ്ങളുള്ളതുമായ തക്കാളി വേഗത്തിൽ കൃഷി ചെയ്തെടുക്കാം. പുറത്തു നിന്ന് പച്ചക്കറികൾ വാങ്ങാതെ സ്വന്തം നിലയിൽ കൃഷി ചെയ്യുന്നത് പണം ലാഭിക്കാനും മനസ്സിന് സന്തോഷം ലഭിക്കാനും ഇടയാക്കും. വീടിന് ചുറ്റും നല്ല പച്ചപ്പുകിട്ടാനും ഉപകരിക്കും.

ആനക്കൊമ്പൻ വെണ്ട

ഒരു വേനൽക്കാല വിളയാണ് ആനക്കൊമ്പൻ വെണ്ട. ധാരാളം പോഷകങ്ങൾ അടങ്ങിയിട്ടുള്ള രുചിയുള്ള പച്ചക്കറിയാണിത്. കാർബോഹൈഡ്രേറ്റ്, പ്രോട്ടീൻ, വിറ്റാമിനുകൾ, എൻസൈമുകൾ, കാൽസ്യം, പൊട്ടാസ്യം, എന്നിങ്ങനെ പല പോഷകങ്ങളുടെയും നല്ല ഉറവിടമാണിത്.

മഹാ അഗ്രിൻ വിത്തുകൾ ഓൺലൈനായി വാങ്ങാം.

മഹാ അഗ്രിൻ വിത്തുകൾ

തിരക്കേറിയ ജീവിതം നയിക്കുന്ന നഗരങ്ങളിൽ, പൂന്തോട്ടപരിപാലനത്തിനായി കുറച്ച് സമയം നീക്കിവയ്ക്കുന്നത് മനസ്സിന് ആശ്വാസവും സന്തോഷവും നൽകുന്നു. പരിമിതമായ സ്ഥലമാണെങ്കിലും നിങ്ങളുടെ ആവശ്യത്തിനുവേണ്ട പച്ചക്കറികൾ കൃഷിചെയ്യുന്നത് ആരോഗ്യത്തിന് ഗുണകരമാണ്.

ഇങ്ങനെ ചെയ്യുന്നതുകൊണ്ട് രുചികരമായ പച്ചക്കറികളും നല്ല ആരോഗ്യവും നേടിയെടുക്കാം. തിരക്കേറിയ നഗര ജീവിതശൈലിയിൽ നിന്ന് ഉന്മേഷദായകമായ രക്ഷപ്പെടലുകൂടിയാണ് അടുക്കളത്തോട്ടം. ഇത് വീട്ടിൽ പച്ചപ്പിന്റെ കുളിർമ പകരുന്നു.എല്ലാ വീട്ടിലും ഒരു അടുക്കളത്തോട്ടം ഉണ്ടാവേണ്ടത് അത്യാവശ്യമാണ്.

കുറച്ചു സമയവും ശ്രദ്ധയും ഉണ്ടങ്കിൽ ആർക്കും അവനവന്റെ ആവശ്യത്തിനുള്ള പച്ചക്കറികൾ നട്ടു പിടിപ്പിക്കാം. പണവും ലാഭിക്കാം, രാസവളങ്ങളും കീടനാശിനികളും ഉപയോഗിക്കാത്ത പച്ചക്കറികൾ കഴിക്കുകയും ചെയ്യാം. വീട്ടിലെ കുട്ടികളെ ക്കൂടി ഈ വേനൽ അവധിക്കാലത്തു കൃഷിയിലേക്ക് കൊണ്ടുവരണം.

ഒരു “അടുക്കളത്തോട്ടം” ആരംഭിക്കുന്നതിന് മുമ്പ്, വിജയകരമായ കൃഷി ഉറപ്പാക്കാൻ നാം 5 ഘട്ടങ്ങൾ പരിഗണിക്കണം.

ഗുണനിലവാരമുള്ള വിത്തുകൾ നേടുക

ഗുണനിലവാരമുള്ള വിത്തുകൾ വിജയകരമായ കൃഷിയുടെ അടിത്തറയാണ്, ശക്തമായ സസ്യവളർച്ചയും സമൃദ്ധമായ വിളവെടുപ്പും ഇത് ഉറപ്പാക്കുന്നു. അറിയപ്പെടുന്ന സ്രോതസ്സുകളിൽ നിന്ന് വിത്തുകൾ നേടുന്നത് നിർണായകമാണ്, കാരണം ഇത് സസ്യങ്ങളുടെ ജനിതക സമഗ്രതയും വിശ്വാസ്യതയും ഉറപ്പുനൽകുന്നു. ഉയർന്ന മുളയ്ക്കൽ നിരക്ക്, കീടങ്ങൾക്കും രോഗങ്ങൾക്കും പ്രതിരോധം, ഒപ്റ്റിമൽ ഫലങ്ങൾക്കായി നിങ്ങളുടെ പ്രത്യേക വളരുന്ന സാഹചര്യങ്ങളുമായി പൊരുത്തപ്പെടുന്ന സ്വഭാവസവിശേഷതകൾ എന്നിവയുള്ള വിത്തുകൾക്കായി നോക്കുക.

മഹാഗ്രിൻ വിത്തുകൾ ഹൈബ്രിഡ് ഇനങ്ങളാണ്, സൂക്ഷ്മമായി പായ്ക്ക് ചെയ്തിരിക്കുന്നു, അവ വളരാൻ എളുപ്പവും കീടങ്ങളെ പ്രതിരോധിക്കുകയും ചെയ്യുന്നു. മഹാഗ്രിനിൽ എല്ലാവിധ പച്ചക്കറി വിത്തുകളും ലഭ്യമാണ്.കൂടാതെ 5, 10 എന്നിങ്ങനെ ബൻഡിൽ പാക്കുകളും ലഭ്യമാണ്. പച്ചക്കറി വിത്തുകൾ ഓൺലൈനിൽ ലഭ്യമാക്കുന്നു.

ശരിയായ മണ്ണ്

അനുയോജ്യമായ മണ്ണ് തിരഞ്ഞെടുക്കുന്നത് വിജയകരമായ അടുക്കളതൊട്ടപരിപാലനത്തിലെ ഒരു നിർണായക കാര്യമാണ്.ചെടികളുടെ വളർച്ചയ്ക്ക് അനുയോജ്യമായ അന്തരീക്ഷം സൃഷ്ടിക്കുന്നതിന് പോഷക സമൃദ്ധമായ നല്ല നീർവാർച്ചയുള്ള മണ്ണ് തിരഞ്ഞെടുക്കുക.

ആവശ്യത്തിന് സൂര്യപ്രകാശം

നിങ്ങൾ തിരഞ്ഞെടുത്ത നടീൽ സ്ഥലത്ത് സൂര്യപ്രകാശത്തിന്റെ ലഭ്യത വിലയിരുത്തുക. നിങ്ങൾ വളർത്താൻ ഉദ്ദേശിക്കുന്ന പ്രത്യേക ചെടികളുടെ സൂര്യപ്രകാശത്തിന്റെ ആവശ്യകതയെ അടിസ്ഥാനമാക്കി തിരഞ്ഞെടുത്ത സ്ഥലത്തിന് ഉചിതമായ അളവിൽ സൂര്യപ്രകാശം ലഭിക്കുന്നുണ്ടെന്ന് ഉറപ്പാക്കുക. ആരോഗ്യകരമായ വളർച്ചയ്ക്കും വിജയകരമായ കൃഷിക്കും വേണ്ടത്ര സൂര്യപ്രകാശം അത്യാവശ്യമാണ്.

ഉചിതമായ നടീൽ കണ്ടെയ്നറുകൾ

പച്ചക്കറികൾ വളർത്തുന്നത് പഴയ കുപ്പികൾ മുതൽ ആകർഷകമായ ലോഹം, സെറാമിക് അല്ലെങ്കിൽ തടി പാത്രങ്ങൾ വരെ ഉപയോഗിക്കാം. മതിലിൽ ഘടിപ്പിച്ചതോ തൂക്കിയിടുന്നതോ ആയ പാത്രങ്ങൾ പോലുള്ള ഓപ്ഷനുകൾ സ്വീകരിക്കാം. ടെറസിലോ ബാൽക്കണിയിലോ ആകട്ടെ, നടുന്നതിന് ചതുരാകൃതിയിലുള്ള തടി പെട്ടികൾ പരീക്ഷിച്ചുനോക്കൂ, പൂന്തോട്ടപരിപാലനം ആസ്വാദ്യകരമാക്കാൻ നിങ്ങളുടെ ഭാവന അനുസരിച്ചു ചെയ്യാം. തുടക്കത്തിൽ ധാരാളം വിത്തുകൾ ചട്ടികളിൽ തിങ്ങിനിറയാതിരിക്കാൻ ശ്രദ്ധിക്കുക; ചിലയിനം പച്ചക്കറികൾ നട്ട് അതിൽ നിന്ന് ആരംഭിച്ച് അവയുടെ വളർച്ച നിരീക്ഷിക്കുക.

വിത്ത് പാകുക, വളർച്ച ശ്രദ്ധാപൂർവ്വം പരിപോഷിപ്പിക്കുക

മഹാഗ്രിൻ ഫാമിംഗ് എസൻഷ്യൽസ് ഓൺലൈൻ സ്റ്റോർ

നല്ല പോഷകമൂല്യമുള്ള പച്ചക്കറികൾ നമ്മുടെ വീട്ടു മുറ്റത്തു കൃഷി ചെയ്യാൻ ഒരു അടുക്കളതോട്ടമുണ്ടാക്കേണ്ടത് വളരെ അത്യാവശ്യമാണ്. വിലകൊടുത്തു പച്ചക്കറി വാങ്ങാതെയും കീടനാശിനികൾ ധാരാളം തളിച്ചുണ്ടാക്കുന്ന പച്ചകറികൾ ഉപയോഗിക്കാതെയും നമ്മുടെ ആരോഗ്യം സംരക്ഷിക്കാം.

ഇനി അടുത്തഘട്ടം അടുക്കളത്തോട്ടത്തിനു ഒരു സ്ഥലം കണ്ടെത്തുകയാണ്. സൂര്യപ്രകാശം കിട്ടുന്ന സ്ഥലമായിരിക്കണം. മട്ടുപ്പാവിൽ കൃഷിചെയ്യാം, അവിടെ കീടബാധ കുറയും.അടുക്കളത്തോട്ടം വലുതാകണമെന്നില്ല , നമ്മുടെ ദൈനം ദിന ആവശ്യങ്ങൾക്ക്‌ വേണ്ടത് വിളവെടുക്കാൻ കഴിയണം.

അടുത്തതായി ഒരു കുടുംബത്തിനാവശ്യമായ പച്ചക്കറികൾ ഏതെന്നു തീരുമാനിക്കണം. അംഗങ്ങളുടെ ഇഷ്ടാനിഷ്ടങ്ങളും പോഷകത്തിന്റെ ആവശ്യകതയും കണക്കിലെടുക്കണം. എന്നിട്ടു വേണം പച്ചക്കറി വിത്തിനെപ്പറ്റി ചിന്തിക്കാൻ.

വിത്തുകൾ വളരെ ശ്രദ്ധാപൂർവ്വം തിരഞ്ഞെടുക്കണം. എളുപ്പം കൃഷി ചെയ്യാവുന്നവ, നല്ല വിളവ് തരുന്നവ, ഗുണമേന്മയുള്ള വിത്തുകൾ എന്നിങ്ങനെ ഇലക്കറികൾ, നിത്യവും ഉപയോഗിക്കേണ്ടവ എന്നിങ്ങനെ മുൻഗണനാക്രമത്തിൽ വിത്തുകൾ തിരഞ്ഞെടുക്കാം. വിത്തിന്റെ കാര്യത്തിൽ ജാഗ്രത അവശ്യമാണ്.

വിത്താണ് കൃഷി ചെയ്യുമ്പോൾ ഏറ്റവും ശ്രദ്ധിക്കേണ്ട കാര്യം, നല്ല വിത്തുകൾ നല്ല വിളവ് തരും. ഗുണമേന്മയുള്ള മഹാ അഗ്രിൻ വിത്തുകൾ ഗുണത്തിലും വിളവിന്റെ കാര്യത്തിലും മുൻപന്തിയിലാണ്. ഓൺലൈനായി ഇവ ലഭ്യമാണ്.വേനൽക്കാലത്തു കൃഷിചെയ്യാൻ പറ്റുന്നവയാണ് തക്കാളി , വഴുതന, ചീര, കുമ്പളം, വെള്ളരി, പീച്ചിങ്ങ, മത്തങ്ങാ, ചതുര പയർ എന്നിവ.

ഗ്രോ ബാഗിലോ ചട്ടികളിലോ കൃഷിചെയ്യാം, അതിനായി മണ്ണ് ട്രീറ്റ് ചെയ്തെടുക്കണം.

കൃഷിക്ക് മുൻപ് മണ്ണിൽ കുമ്മായം ഇട്ട് , ഇളക്കി, കുറച്ചു ദിവസം വെയിൽ കൊള്ളിക്കാം.  നനച്ചു കൊടുക്കണം . ഇത് അമ്ലത കുറയ്ക്കും. ഇതിനു ശേഷം അടിവളമായി കംമ്പോസ്റ്റ് കൊടുക്കാം. അത് നന്നായി പൊടിഞ്ഞതായിരിക്കണം. പച്ചിലവളം ,ചാണകപ്പൊടി, കോഴിക്കാഷ്ടം, ആട്ടിന്കാഷ്ഠം , വേപ്പിൻ പിണ്ണാക്ക് ഇവ  ജീർണ്ണിപ്പിച്ചതിനുശേഷമേ മണ്ണിൽ ചേർക്കാവൂ. ഇതാണ് കമ്പോസ്റ്.  മണ്ണിര കമ്പോസ്റ്റു , ട്രൈക്കോഡെർമ എന്നിവ മണ്ണിൽ ചേർത്തു കൊടുക്കാം.

വിത്തുകൾ കുതിർത്തതിനുശേഷം മാത്രമേ നടാവൂ. കട്ടികൂടിയവ 8 -10 മണിക്കൂർ വരെയും മറ്റുള്ളവ 3-4 മണിക്കൂറും കുതിർക്കണം , കുതിർക്കാൻ ഉപയോഗിക്കുന്ന വെള്ളത്തിൽ  സ്യൂഡോമോണസ്സ് ലായനി ഒഴിക്കാം .  ചകിരിച്ചോറും, ചാണ കപൊടിയും ചേർത്ത മണ്ണിൽ വേണം നടാൻ. മുളച്ച മുളച്ച തൈകൾ ഇടക്കിടെ വെയിൽ ക്കൊള്ളിച്ചു വെയിൽ കൊണ്ടാൽ വാടാത്ത പരുവത്തിൽ നടാം.

മഹാ അഗ്രിൻ വിത്തുകൾ

പോഷകമൂല്യമുള്ളതും വൈവിധ്യമാർന്നതുമായ പച്ചക്കറികൾ നമ്മുടെ ഭക്ഷണത്തിൽ അത്യാവശ്യമാണ്. അടുക്കളത്തോട്ടത്തിൽ ഇവയെ ഗുണമേന്മയോടുകൂടി കൃഷി ചെയ്യാം. അവ നന്നായി വിളവുതരും.നമ്മുടെ നിത്യ ഉപയോഗത്തിൽ കൂടുതലാണെങ്കിൽ എങ്കിൽ, അവ സൂക്ഷിച്ചു വച്ച് മൂല്യ വർദ്ധിത ഉത്പന്നങ്ങളാക്കി പിന്നീടുപയോഗിക്കാം. കുട്ടികൾക്ക് ഇഷ്ടമായ രീതിയിൽ പച്ചക്കറികൾ ഭക്ഷണത്തിൽ ഉൾപ്പെടുത്താനും പറ്റും. ഇതിലൂടെ നിരവധി രോഗങ്ങളെ അകറ്റി നിർത്താനും സാധിക്കും.

ആരോഗ്യകരവും സ്വാദുള്ളതും ആയ പച്ചക്കറികൾ കുട്ടികളുടെ ഭക്ഷണത്തിൽ കൂടുതലായി ഉൾപ്പെടുത്താം. അതിനായി ഒരു ഭക്ഷണ ക്രമവും തയ്യാറാക്കാം. വീട്ടിലെ സുരക്ഷിതമായ അടുക്കളത്തോട്ടം ഇതിനായി പ്രയോജനപ്പെടുത്താം.

നമ്മുടെ ശരീരത്തിനാവശ്യമായ വിറ്റാമിനുകളും, നാരുകളും എല്ലാം പച്ചക്കറികളിൽ അടങ്ങിയിരിക്കുന്നു. തക്കാളി, പയർ, വെണ്ട , പാവയ്ക്ക, മുളക് ഇവയെല്ലാം പലതരത്തിൽ പിന്നീടുള്ള ഉപയോഗത്തിനായി എടുക്കാം. പച്ചക്കറികൾ നന്നായി കഴുകി, ഉപ്പും മഞ്ഞൾപൊടിയുമിട്ടു കുറച്ചു നേരം വെയ്ക്കണം. അവ ഉണക്കി കവറുകളിൽ സൂക്ഷിക്കാം. ചെറുതായി ആവികയറ്റിയാലും ഗുണമേന്മയോടെ ഇരിക്കും.

പച്ചക്കറികൾ അച്ചാറിട്ടു സൂക്ഷിക്കാം, ചീര, കോവയ്ക്ക,വഴുതന, പാവയ്ക്ക ഇവയൊക്കെ ഇങ്ങനെ അച്ചാറിട്ടു വയ്ക്കാം. അവ കൊണ്ട് കൊണ്ടാട്ടങ്ങളുണ്ടാക്കാം.

തക്കാളി പോഷക സമൃദ്ധമാണ്, അവശ്യ വിറ്റാമിനുകൾ സി, പൊട്ടാസ്യം, ഫോളേറ്റ് എന്നിവ അടങ്ങിയിട്ടുണ്ട്, അതേസമയം ലൈക്കോപീൻ ഉൾപ്പെടെയുള്ള ആന്റിഓക്‌സിഡന്റ് എന്നിവയടക്കം വിവിധ ആരോഗ്യ ഗുണങ്ങൾ വാഗ്ദാനം ചെയ്യുന്നു.

ഉദാഹരണമായി തക്കാളികൊണ്ട് സോസുകൾ, കെച്ചപ്പ്, ജാം, തക്കാളി പ്യുരി, തക്കാളി പേസ്റ്റ് എന്നിങ്ങനെ പല രൂപത്തിൽ തക്കാളിയെ സ്വാദിഷ്ടമാക്കാം, അവ കുറച്ചു ദിവസം സൂക്ഷിക്കുകയും ചെയ്യാം.

തക്കാളി പ്യൂരി

കുരുവും തൊലിയും കളഞ്ഞു താക്കളിയുടെ പൽപ്പു നന്നയി ചൂടാക്കി കുറുകി എടുത്താൽ പല വെജിറ്റബിൾ കറികളിലും ഇതു ചേർക്കാം.

തക്കാളി സൂപ്പ്

തക്കാളിഉപ്പുചേർത്തു വേവിച്ചു, അരിച്ചു കുരുമുളക് പൊടിയോ വെണ്ണയോ ചേർത്ത് കുട്ടികൾക്ക് കൊടുക്കാം

വിഷരഹിതമായ പച്ചക്കറികൾ നട്ടു പിടിപ്പിക്കേണ്ടത് ഇന്ന് ഒരു ആവശ്യമായി വന്നിട്ടുണ്ട്. ഒരു അടുക്കളത്തോട്ടം നമ്മൾ മനസ്സുവെച്ചാൽ എളുപ്പത്തിൽ ചെയ്യാവുന്നതേയുള്ളൂ. എത്ര കുറഞ്ഞ സ്ഥലത്തും, അപ്പാർട്ടുമെന്റുകളിലും ഗ്രോ ബാഗിലോ പാത്രങ്ങളിലോ ചെടികൾ നടാം. വിത്താണ് കൃഷി ചെയ്യുമ്പോൾ ഏറ്റവും ശ്രദ്ധിക്കേണ്ട കാര്യം, നല്ല വിത്തുകൾ നല്ല വിളവ് തരും. ഗുണമേന്മയുള്ള മഹാ അഗ്രിൻ വിത്തുകൾ ഗുണത്തിലും വിളവിന്റെ കാര്യത്തിലും മുൻപന്തിയിലാണ്. ഓൺലൈനായി ഇവ ലഭ്യമാണ്.

മഹാ അഗ്രിൻ വിത്തുകൾ

പച്ചക്കറികളെ ഈ വേനൽക്കാലത്തു സംരക്ഷിക്കേണ്ടത്‌ അത്യാവശ്യമാണ്. ഏതെല്ലാം രോഗബാധകൾ ഇവക്കുണ്ടാകുന്നു, അവ എങ്ങനെ നിയന്ത്രിക്കാം എന്നറിഞ്ഞിരിക്കണം. ജൈവ കൃഷിയിൽ നമ്മൾ ശ്ര ദ്ധിക്കേണ്ടത് രാസ വളങ്ങളോ വിഷ് ലിപ്തമായ കീടനാശിനികളോ ഉപയോഗിക്കാതിരിക്കാനാണ്.

ഫംഗസ്‌, വൈറസ്, ബാക്റ്റീരിയ, നിമാറ്റോയ്ഡ് എന്നിങ്ങനെ പല രോഗങ്ങളും നമ്മുടെ വിളവുകളെ ബാധിക്കാം. മണ്ണിന്റെ പി എച് മൂല്യത്തിലുള്ള വ്യതാസവും, വള ക്കുറവും രോഗബാധയ്ക്ക് ചിലപ്പോൾ കാരണമാകും.

ചെടിയുടെ ഇലകളിൽ മഞ്ഞ, തവിട്ട് നിറവും കൊഴിഞ്ഞു പോകുന്നതും മത്തങ്ങ, കുമ്പളം എന്നിവയുടെ ഇലകളിൽ കാണാറുണ്ട്.  പയർ, മത്തങ്ങ, വെള്ളരി, വെണ്ട എന്നിവയിൽ പൂപ്പൽ ഇത് ചെടികളുടെ വളർച്ച മുരടിപ്പിക്കും, ചെടി കേടു വന്നുപോകാനും സാധ്യതയുണ്ട്. വെണ്ട, കുക്കുമ്പർ, ബീൻസ്, തക്കാളി എന്നീ പച്ചക്കറികളിൽ വളർച്ച മുരടിപ്പ്, ചെടി വാടിപ്പോകൽ, വിളവ് കുറയൽ എന്നിവയും കാണാറുണ്ട്.

പരിഹാര മാർഗ്ഗങ്ങൾ

• രോഗബാധയില്ലാത്തതും രോഗ പ്രതിരോധശേഷിയുള്ളതുമായ വിത്തുകൾ തിരഞ്ഞെടുക്കുന്നത് ആരോഗ്യമുള്ള ചെടികൾ ഉണ്ടാകാൻ സഹായിക്കും.
• രോഗം ബാധിച്ച ചെടികളുടെ ഭാഗങ്ങളും ചെടികളുടെ അവശിഷ്ടങ്ങളും തിരിച്ചറിഞ്ഞയുടൻ നീക്കം ചെയ്യുന്നത് രോഗബാധ കുറയ്ക്കാനും മറ്റ് ചെടികളിലേക്ക് രോഗം പടരുന്നത് തടയാനും സഹായിക്കും.
• മണ്ണ് കുമ്മായമിട്ടു വെയിൽ കൊള്ളിക്കുന്നു നല്ലതാണ്. ചെടികളുടെ ഇടയിൽ അകലം സൂക്ഷിക്കുക. വിത്തുകൾ സ്യുഡോമോണസ്സ് ലായനിയിൽ മുക്കി വെച്ചശേഷം നടുക. ശീമക്കൊന്ന പുതയും കീട നിയന്ത്രണത്തിൽ ഫലപ്രദമാണ്
• വേപ്പെണ്ണ വെളുത്തുള്ളി മിശ്രിതം തളിക്കാം. പുളിപ്പിച്ച കഞ്ഞി വെള്ളം ചെടികളിൽ തളിച്ച് കൊടുക്കാം. നേർപ്പിച്ച സോപ്പുലായനി തളിച്ച് കൊടുക്കാം. ഗോമൂത്രം കാന്താരി മിശ്രിതം ഇലകളിൽ തളിക്കുന്നതും കീടങ്ങളെ ഇല്ലാതാക്കും.
• കാർഡ് ബോഡുകൊണ്ട് മഞ്ഞ കെണി ഉണ്ടാക്കാം. വെള്ളീച്ചകളെയും മറ്റും ഇങ്ങനെ നേരിടാം.

മഹാഗ്രിൻ  വിത്തുകൾ

സമീകൃത ആഹാരമെന്ന നിലയിൽ ഇലക്കറികൾ ധാരാളം പ്രധാന്യം അർഹിക്കുന്നു. കാരണം ഇലക്കറികൾ പോഷക കലവറയാണ്. അവയിൽ ജീവകങ്ങൾ, ധാതുക്കൾ, നാരുകൾ എന്നിവയെല്ലാം അടങ്ങിയിട്ടുണ്ട് . ഇവ എളുപ്പത്തിൽ കൃഷിചെയ്യാവുന്നതാണ്, നമ്മുടെ നാട്ടിലെ കാലാവസ്ഥയിൽ വലിയ പരിചരണം ഒന്നും കൂടാതെ ഇവ കൃഷി ചെയ്യാം. ഇനി ഏതെല്ലാം ഇലക്കറികൾ കൃഷി ചെയ്യാം എന്ന് തീരുമാനിക്കാം.

സുന്ദരി ചീര

പേരുപോലെ സുന്ദരമാണ് ഈ ചീര. കറി വെച്ചാൽ നല്ല സ്വാദാണ്. ഇത്തരം ചീരയിൽ വലിയ കീട ബാധയൊന്നും ഉണ്ടാകാറില്ല. വിറ്റാമിനുകളും ധാതുക്കളും കൊണ്ട് സമ്പന്നമായ ഈ ചീര കണ്ണിനും ശരീരത്തിനും ഒരു വിരുന്നാണ്. കാൽസ്യം, നിയാസിൻ എന്നിവയാൽ സമ്പുഷ്ടമാണ്.

എങ്ങനെ കൃഷി ചെയ്യാം:

ടെറസിൽ നടാം. ഗ്രോബാഗിലോ ചട്ടിയിലോ കൃഷി ചെയ്യാവുന്ന ഒന്നാണ് സുന്ദരി ചീര. കുമ്മായമിട്ട് ട്രീറ്റ് ചെയ്ത് മണ്ണിലേക്ക് ചകിരി ചോറ്, ഉണക്ക ചാണക പൊടി, വേപ്പിൻ പിണ്ണാക്ക് എന്നിവ ചേർത്ത് പോട്ടിങ് മിശ്രിതം തയ്യാറാക്കി അതിലേക്ക് മുളപ്പിച്ച ചെടികൾ പറിച്ചുനടാം. ഒരു ഗ്രോ ബാഗിൽ അഞ്ച് ചീര തൈകൾ വരെ നടാനാകും. ചൂട് കൂടിയ കാലാവസ്ഥയിൽ രണ്ടു നേരം നനച്ച് കൊടുക്കണം. 25 ദിവസങ്ങൾക്ക് ശേഷം സുന്ദരി ചീരയുടെ വിളവെടുപ്പ് നടത്താനാകും.

അമരാന്തസ് ഗ്രീൻ

പോഷകങ്ങളാൽ സമ്പുഷ്ടമാണ് ഈ ചീര. കാത്സ്യം, ഒമേഗ 3 ഫാറ്റി ആസിഡുകൾ, ഇരുമ്പ്, ഫോസ്ഫറസ്, മഗ്നീഷ്യം തുടങ്ങിയ സുപ്രധാന ധാതുക്കളും വിറ്റാമിൻ എ, വിറ്റാമിൻ സി, വിറ്റാമിൻ ബി6, ബി9, റൈബോഫ്ലേവിൻ, നിയാസിൻ എന്നിവയുൾപ്പെടെ അവശ്യ വിറ്റാമിനുകളും ഇതിലടങ്ങിയിട്ടുണ്ട്. ഗ്രീൻ ചീര ഒരു പോഷക ശക്തിയാണ്. സിങ്ക്, സോഡിയം, പൊട്ടാസ്യം, ചെമ്പ്, മാംഗനീസ് എന്നിവയും ഇതിലടങ്ങിയിരിക്കുന്നു.

എങ്ങനെ കൃഷി ചെയ്യാം:

ചീര എളുപ്പത്തില്‍ കൃഷി ചെയ്യാം – ഏത് കാലാവസ്ഥയിലും കൃഷി ചെയ്യാവുന്ന ഒന്നാണ് ചീര. കാര്യമായ പരിചരണം ആവശ്യമില്ല, വള പ്രയോഗം കുറച്ചു മതി. വേനല്ക്കാലത്ത് ഇട വിട്ടു നനയ്ക്കണം. വിത്തുകളിൽ നിന്ന് അമരാന്തസ് വളർത്താം. വിത്തുകൾ സാധാരണയായി മണ്ണിൽ നേരിട്ട് വിതയ്ക്കുകയോ തൈകൾ ആയതിനുശേഷം പറിച്ചുനടുകയോ ചെയ്യാം. നല്ല നീർവാർച്ചയുള്ള മണ്ണിൽ ഏകദേശം 1/4 ഇഞ്ച് ആഴത്തിൽ വിത്ത് പാകുക.

പാലക് ചീര

ഔഷധ ഗുണമുള്ള പാലക് ചീര ഉത്തരേന്ത്യൻ ഭക്ഷണത്തിൽ കൂടുതലായി ഉപയോഗിക്കുന്നു. ദഹനത്തിനും ശരീരത്തിന്റെ മൊത്തത്തിലുള്ള ആരോഗ്യത്തിനും പാലക് ചീര കഴിക്കുന്നത് നല്ലതാണ്.

പോഷകസമൃദ്ധമായ പാലക് ചീര വിറ്റാമിനുകൾ (എ, സി, കെ), അവശ്യ ധാതുക്കൾ (ഇരുമ്പ്, കാൽസ്യം), ആന്റിഓക്‌സിഡന്റുകൾ എന്നിവയാൽ സമ്പന്നമാണ്. പതിവായി കഴിക്കുന്നത് കണ്ണിന്റെ ആരോഗ്യത്തിനും ശരീരത്തിന്റെ രോഗപ്രതിരോധ ശേഷി വർദ്ധിപ്പിക്കുന്നതിനും ഗുണകരമാണ്.

എങ്ങനെ കൃഷി ചെയ്യാം:

വിത്തുകൾ സ്യുഡോമോണസ് ലായനി വെള്ളവുമായി ചേർത്ത് നേർപ്പിച്ചതിൽ മുക്കി വച്ചിട്ട് വേണം നടാൻ. വിത്തുകൾ വാങ്ങുമ്പോൾ ഗുണമേന്മയുള്ളവ വാങ്ങണം. ട്രീറ്റ് ചെയ്ത മണ്ണിൽ ചട്ടിയിൽ പാലക് ചീര നടാം. ജൈവ സ്ലറി ഒഴിച്ച് കൊടുക്കാം. വേനൽക്കാലത്തു പുതയിട്ടു കൊടുക്കണം. ഇടയ്ക്കു കമ്പോസ്റ്റ്, ചാണകപ്പൊടി എന്നിവ ഇട്ട് കൊടുക്കാം. സ്യുഡോമോണസ്സ് ലായനി ഇലകളിൽ തളിച്ച് കൊടുക്കാം. ഇലകള്‍ക്ക് 15 -30 സെ.മി. നീളംആകുമ്പോള്‍ വിളവെടുക്കാം. തണുത്ത കാലാവസ്ഥയാണ് കൂടുതൽ അനുയോജ്യം.

അഗത്തിച്ചീര

അഗത്തി ചീര പയർ വർഗ്ഗത്തിൽ പെട്ടതാണ്. അതുകൊണ്ടു മണ്ണിന്റെ ഫലഭൂയിഷ്ഠതയ്ക്കും അഗത്തി ചീര നടുന്നത് നല്ലതാണ്. നാട്ടിൻ പുറങ്ങളിൽ സാധാരണയായി കണ്ടു വരുന്ന അഗത്തി ചീരയുടെ പൂവും ഇലയും ഭക്ഷ്യ യോഗ്യമാണ്. ജീവകം എ, ബി, സ്, കാൽസ്യം, ഇരുമ്പ് എന്നിവ ഇതിലടങ്ങിയിരിക്കുന്നു. ഇതൊരു ആയുർവേദ ഔഷധമാണ്.

മഹാഗ്രിൻ  വിത്തുകൾ

മണ്ണും വെള്ളവും മലിനമാകാതെയും രാസ കീടനാശിനികൾ ഒന്നുംഉപയോഗിക്കാതെയും കൃഷി ചെയ്യുന്ന ഭക്ഷ്യ വിളകൾ നമ്മുടെ ആരോഗ്യം കാത്തു സൂക്ഷിക്കുന്നു. ഗുണമേന്മയുള്ള വിത്തുകൾ മാത്രം ഉപയോഗിച്ചും പലതരം പച്ചക്കറികൾ നട്ടും, ജൈവ രീതിയിൽ കൃഷിചെയ്യാം.

വിൽപ്പനയ്ക്കായി കൃഷി ചെയ്യുമ്പോൾ രാസവളങ്ങളും കീടനാശിനികളും മറ്റും ഉപയോഗിക്കാറുണ്ട്. ഇവ കലർന്ന പച്ചക്കറികളും മറ്റും കഴിക്കുമ്പോൾ ഗുണത്തേക്കാൾ ദോഷമാണുണ്ടാവുന്നത്. വലിയ രോഗങ്ങൾ തന്നെ പിടിപെടാം. ഇവിടെയാണ് നമ്മുടെ വീട്ടിലൊരു ജൈവത്തോട്ടം പച്ചക്കറികൾക്കായി ഉണ്ടാകേണ്ടതിന്റെ ആവശ്യകത.

നമ്മുടെ പരിസ്ഥിതിക്ക് ഒരു കേടും കൂടാതെ പലതരം വിളകൾ കൃഷി ചെയ്യാനും, ജൈവ വളങ്ങളും ജൈവ കീട നാശിനികളും ഉപയോഗിക്കാനും നമ്മുടെ വീട്ടു മുറ്റത്തെ കൃഷിയിടത്തിൽ സാധിക്കും. ഒരു ചെറിയ സ്ഥലമാണെങ്കിൽ പോലും ഒരു കുടുംബത്തിന്  ആവശ്യമായ പച്ചക്കറികൾ നട്ട് വളർത്താം.

ഗുണമേന്മയുള്ള വിത്തുകൾ മാത്രം ഉപയോഗിച്ചും പലതരം പച്ചക്കറികൾ നട്ടും, ജൈവ രീതിയിൽ കീടങ്ങളെ നശിപ്പിച്ചും വീട്ടിലെ അടുക്കള മാലിന്യത്തിൽ നിന്നും വളങ്ങളുണ്ടാക്കിയും കൃഷി ചെയ്യാം. അത് നമ്മുടെ ആരോഗ്യത്തിനും പരിസ്ഥിതിക്കും ഗുണകരമാകും. കഞ്ഞി വെള്ളവും, പച്ച ചാണകവും , കടലപ്പിണ്ണാക്കും ചേർത്ത് പുളിപ്പിച്ചു , അത് വെള്ളവുമായി നേർപ്പിച്ചു ചെടികളിൽ തളിക്കാം. ചാണകവും ശർക്കരയും, പയറുപൊടിച്ചതും ചേർത്തിളക്കി നേർപ്പിച്ചു തളിക്കാം. കരിയിലകൾ ഉണക്കി പൊടിച്ചു വളമാക്കാം.

വെളുത്തുള്ളി വേപ്പില കഷായം കീടങ്ങൾക്കെതിരെ പ്രയോഗിക്കാം. ഗോമൂത്രം കാന്താരി മുളക് മിശ്രിതം തളിക്കാം, ഇങ്ങനെ കീടങ്ങളെ നശിപ്പിച്ചു                      കൃഷി ചെയ്യാം.

മഹാഗ്രിൻ വിത്തുകൾ, വിത്ത് ഉൽപ്പാദനത്തിലും വിതരണത്തിലും വൈദഗ്ധ്യം നേടിയതാണ്. ഗുണനിലവാരത്തിൻ്റെ കാര്യത്തിൽ തികച്ചും മികച്ച വിത്തുകൾ നിങ്ങൾക്ക് ഓൺലൈനായി വാങ്ങാം.

മഹാഗ്രിൻ വിത്തുകൾ