അടുക്കളത്തോട്ടത്തിൽ ഗ്രോ ബാഗിലോ മണ്ണിൽ തടമുണ്ടാക്കിയോ പയർ നടാം. മാംസ്യം കൂടുതൽ അടങ്ങിയ ഒരു പച്ചക്കറിയാണ് പയർ. ധാരാളം പോഷകഗുണങ്ങൾ ഇതിലടങ്ങിയിട്ടുണ്ട്. എല്ലാ കാലാവസ്ഥയിലും പയർ നടാം.
മികച്ച ഹൈബ്രിഡ് വിത്തുകൾ തിരഞ്ഞെടുക്കുന്നത് സമൃദ്ധമായ വിളവെടുപ്പിന് പ്രധാനമാണ്. വിത്തുകൾ കുതിർത്തു വെച്ചശേഷം നടാം. ഒരു പാത്രത്തിൽ വിത്തുകൾ പാകി മുളപ്പിക്കണം. നടേണ്ട സ്ഥലത്തു തടം ഒരുക്കണം. തടം കുറച്ചു ദിവസം മുൻപ് കുമ്മായമിട്ട് ഇളക്കിയിടണം. വിത്തുകൾ നടാൻ മേൽമണ്ണിൽ ഉണങ്ങിയ ചാണകപ്പൊടി.വേപ്പിൻ പിണ്ണാക്ക് , എല്ലുപൊടി എന്നിവ ചേർത്ത് ഇളക്കണം. അതിലേക്ക് മുളപ്പിച്ച വിത്തുകൾ നടാം.
വിത്തുകൾ 1″ ആഴത്തിൽ, 3-4 ഇഞ്ച് അകലത്തിൽ, ധാരാളം സൂര്യപ്രകാശമുള്ള ഫലഭൂയിഷ്ഠമായ, നല്ല മണ്ണിൽ നടുക. കായ്കൾ നീളവും ഭാരവും വളരുന്നതിനാൽ താങ്ങു കൊടുക്കണം. നടീലിനു ശേഷം ഏകദേശം 60 ദിവസം കഴിഞ്ഞ് വിളവെടുക്കാം.
വള പ്രയോഗം
വളവും ജലസേചനവും തുടക്കം മുതൽ തന്നെ ചെയ്യണം. മണ്ണ് കുമ്മായമിട്ട് ഇളക്കിയിട്ടശേഷം വേണം വിത്തുകൾ നടാൻ. ചാണകപ്പൊടി, എല്ലുപൊടി, വേപ്പിൻ പിണ്ണാക്ക് എന്നിവ മണ്ണുമായി ചേർത്തിളക്കി ഗ്രോ ബാഗിൽ നടാം. ജൈവ വളങ്ങൾ ആഴ്ച്ചയിലൊരിക്കൽ നൽകാം. ഫിഷ് അമിനോ ആസിഡ്, കടല പിണ്ണാക്ക് ചാണകവുമായി ചേർത്തതിന്റെ തെളി ഒഴിച്ച് കൊടുക്കാം. ചുവടിളക്കി കൊടുത്തു വളം ചേർക്കാം. തലപ്പ് ചെറുതായി നുള്ളി കൊടുത്താൽ വള്ളി വീശാനും പൂവിടാതിരിക്കാനുമുള്ള തടസ്സം മാറിക്കിട്ടും. വള്ളി വീശുമ്പോൾ പന്തൽ കെട്ടി കൊടുക്കാം.
പയറിനെ ബാധിക്കുന്ന കീടങ്ങൾ
വെളീച്ച ശല്യം, ഇലചുരുട്ടിപ്പുഴുവിന്റെ ശല്യം, എന്നിവ പയർ കൃഷിയെ ബാധിക്കാറുണ്ട്. ജൈവ കീട നാശിനികൾ മാത്രം ഉപയോഗിക്കാൻ ശ്രദ്ധിക്കണം. വേപ്പെണ്ണ വെളുത്തുള്ളി മിശ്രിതം തളിച്ച് കൊടുക്കാം. കളകൾ പറിച്ചുകളയണം. സ്യുഡോമോണ്സ് ലായനി വെള്ളത്തിൽ ചേർത്ത് തളിച്ച് കൊടുക്കുന്നത് നല്ലതാണ്. കൃഷി ചെയ്യുന്നിടത്ത് ബന്ദിപ്പൂക്കൾ നടുന്നത് കീടങ്ങളെ തടയാൻ ഫലപ്രദമാണ്.
വിത്തുകൾ കൃഷിയുടെ വിജയം നിശ്ചയിക്കുന്നു. നല്ല വിത്തുകൾ വേഗത്തിൽ മുളക്കുന്നു. അവയെ കീടബാധയേൽക്കില്ല.
മഹാഅഗ്രിൻ ഫാമിംഗ് എസ്സെൻഷ്യൽസ് ഓൺലൈൻ സ്റ്റോർ
