Agriculture

കാന്താരിമുളക് കൃഷി ഇനി വളരെ എളുപ്പം

ഇനി കാന്താരിമുളക് വീട്ടിലെ അടുക്കളത്തോട്ടത്തിലും

കാന്താരിമുളകിന്റെ ഉപയോഗം കേവലം അടുക്കളയിൽ മാത്രം ഒതുങ്ങുന്നതല്ല, നിരവധി ഔഷധമൂല്യങ്ങളും കൂടി അടങ്ങിയിരിക്കുന്നു എന്ന് ആളുകൾ മനസ്സിലാക്കികഴിഞ്ഞു. ധാരാളം ആരോഗ്യ പ്രശ്നങ്ങൾക്കുള്ള പ്രതിവിധിയായി കാന്താരിയെ ഉപയോഗിക്കുന്നു, കൊളസ്‌ട്രോൾ, അമിതവണ്ണം, ഗ്യാസ്സ്സംബന്ധമായ രോഗങ്ങൾ, വാത രോഗങ്ങൾ എന്നിവയ്ക്ക് ഒക്കെ പ്രതിവിധി ആയി ഉപയോഗിക്കാറുണ്ട്. അതുകൊണ്ട് ആവശ്യക്കാരുടെ എണ്ണവും വർധിച്ചിട്ടുണ്ട്.

എല്ലാ കാലത്തും ചെയ്യാവുന്ന ഒന്നാണ് കാന്താരി, എന്നാൽ മഴക്കാലം കൂടുതൽ അനുകൂല സമയമാണ്, കാരണം കീടങ്ങളുടെ അക്രമണം മഴക്കാലത്ത് കുറവാണ് എന്നതാണ്. കാന്താരി വിവധ നിറങ്ങളിൽ ലഭിക്കുന്നുണ്ടെങ്കിലും പച്ചക്കാന്താരിക്കാണ് ഗുണവും, ആവശ്യക്കാരേറെയുള്ളതും.

കാന്താരി മുളകിന്റെ നടീലും പരിചരണവും വളരെ ലളിതമായി ലൈവ്കേരള.കോമിനുവേണ്ടി ശ്രീമതി അനിറ്റ് തോമസ് അവതരിപ്പിച്ചരിക്കന്നത് കണ്ടും നോക്കു, നിങ്ങൾക്ക് വളരെ എളുപ്പം ചെയ്യാവുന്ന ഒന്നാണെന്ന് ബോധ്യമാകും.

വളരെ കുറഞ്ഞ ചിലവിൽ ടെറസിലും അടുക്കളത്തോട്ടത്തിലും ചെയ്യാവുന്ന ഒന്നാണ് കാന്താരി. മൂത്തുപഴുത്ത കാന്താരിയിൽ നിന്നും ശേഖരിക്കുന്ന വിത്തുകൾ പാകി മുളപ്പിച്ച് തൈകൾ ഉണ്ടാക്കാം. പഴുത്ത മുളകൾ ശേഖരിച്ച് വിത്ത് വേർതിരിച്ച് കഴുകി മാംസളഭാഗങ്ങൾ ഒഴിവാക്കിയെടുക്കുക. അല്പം ചാരം ചേർത്ത് തണലിൽ മൂന്ന് നാലു ദിവസം ഉണക്കുക. ഇതിനുശേഷം തടത്തിൽ നേരിട്ടോ,സീഡിം ട്രേയിലോ വിത്ത് പാകാം വിത്ത് ചിതറിപ്പോകാത്തവിധം നനയ്ക്കണം. അഞ്ച് ആറ് ദിവസത്തിനുള്ളിൽ വിത്ത മുളച്ച് വരും. കൃഷി സ്ഥലം കളകൾ നീക്കി കട്ടയുടച്ച് നിരപ്പാക്കണം. ജൈവ വളം ചേർത്ത് ഉഴുത് നിലം ഒരുക്കണം. തൈകൾ നാലില പരുവത്തിൽ വളർച്ചയെത്തുമ്പോൾ പറിച്ചു നടാം. കാന്താരിക്ക് മിതമായ വെയിലാണ് നല്ലത്ത് അതായത് എകദേശം 30 ഡിഗ്രി വരെ താപനിലയുള്ള കാലാവസ്ഥയിൽ കാന്താരി നന്നായി വളരും. നല്ല വളക്കൂറും ആഴവും ഇളക്കവുമുള്ള പശിമരാശി മണ്ണാണ് കാന്താരി കൃഷിക്ക് ഏറ്റവും അനുയോജ്യം. ഏകദേശം ഒരടി അകലത്തിൽ എടുക്കുന്ന ചാലുകളിൽ ഒന്ന് ഒന്നര അടി ഇടവിട്ട് തൈകൾ നടാം. ചെടികൾ തമ്മിൽ അകലം നൽകണം. ചൂടികാലത്താണെങ്കിൽ കൃത്യമായ ഇടവേളകളിൽ ജലസേചനം നൽകിയാൽ വിളവ് കൂടും.
വെള്ളീച്ചയാണ് കാന്താരിക്ക് ഏറ്റവും അപടകാരിയായ കീടം. മണ്ഡരി, മുഞ്ഞ തുടങ്ങിയവയുടെ ആക്രമണവും ഉണ്ടാകാം. കീട നിയന്ത്രണത്തിന് കഴിവതും ജൈവകീടനാശിനികൾ പ്രയോഗിക്കുക, വേപ്പെണ്ണ മിശ്രിതം, പുകയില കഷായം, തുടങ്ങിയ ഉപയോഗിക്കാം.

നാലു വർഷം വരെ വിളവ് ലഭിക്കാമെങ്കിലും ഒന്നു രണ്ടു വർഷത്തേക്കേ നല്ല ആദായം പ്രതീക്ഷിക്കേണ്ടതുള്ളു. വീട്ടു വളപ്പുകളിലും മട്ടുപ്പാവിലും അടുക്കളത്തോട്ടത്തിലും കാന്താരി കൃഷി ചെയ്താൽ അധിക വരുമാനം നേടിത്തരുന്നതിനോടൊപ്പം അത് കുടുംബാംഗങ്ങളുടെ ആരോഗ്യത്തെയും സംരക്ഷിക്കും. ഉപ്പിലിട്ടും അച്ചാറായും ഉണക്കിപ്പൊടിച്ചും കാന്താരി വളരെക്കാലംസുക്ഷിക്കാം. ശാസ്ത്രീയമായി സംസ്‌ക്കരിച്ച് ഉണക്കി സൂക്ഷിക്കാം.

കുറ്റിക്കുരുമുളക് ചട്ടിയിലും, മുറ്റത്തും – കുരുമുളക് ഇനി വീട്ടിലും

ബുഷ്പെപ്പർ – കുറ്റിക്കുരുമുളക് നിങ്ങളുടെ വീട്ടിലും

നടീലും പരിചരണവും ചെയ്തു നോക്കൂ

നടീലും പരിചരണവും കുറ്റികുരുമുളക് നടാൻ ഏറ്റവും അനുയോജ്യമായ സമയമാണ് മഴക്കാലം, ഇടവിട്ടുള്ള മഴയും വെയിലും അനുകൂലമായ കാലാവസ്ഥയാണ് കുരുമുളകിന്. നടീലും പരിചരണവും ലൈവ്കേരള യൂട്യൂബ് ചാനലിൽ ശ്രീമതി അനിറ്റ് തോമസ് അവതരിപ്പിച്ചരിക്കുന്ന വീഡിയോ കണ്ടുനോക്കൂ.

കുറ്റിക്കുരുമുളക് അഥവ ബുഷ് പെപ്പർ ചട്ടിയിൽ വളർത്താം, അവക്ക് കയറാൻ താങ്ങുകാലുകളുടെ ആവശ്യമില്ല. അഞ്ച് ചട്ടി കുരുമുളക് ഉണ്ടെങ്കിൽ ഒരു വീട്ടാവശ്യത്തിന് ആവശ്യമായ കുരുമുളക് ലഭിക്കും. ഫ്ലാറ്റുകളിലെ താമസക്കാർക്കും പരിമിതമായ ഭൂമിയുള്ളവർക്കും ഇത് അനുയോജ്യമാണ്. സാധാര കുരുമുളക് വളർത്തുന്നതിന് കൂടുതൽ ജോലിയും കൃഷിച്ചെലവും ആവശ്യമാണ്, കാരണം ഇതിന് താങ്ങുകാലുകളായി മരങ്ങൾ ആവശ്യമാണ്. ശരിയായി പരിപാലിക്കുകയാണെങ്കിൽ, കുറ്റി കുരുമുളക് ഒരു വർഷത്തിനുള്ളിൽ പൂക്കാൻ തുടങ്ങും. ഇത് വർഷം മുഴുവനും കുരുമുളക് ഉത്പാദിപ്പിക്കും. സാധാരണ മരങ്ങളിൽ വളരുന്ന കുരുമുളകിൽ നിന്ന് കുരുമുളക് ശേഖരിക്കുന്നത് ബുദ്ധിമുട്ടുള്ള കാര്യമാണ്. എന്നാൽ കുറ്റികുരുമുളകിൽ വിളവെടുപ്പ് എളുപ്പമാണ് ആവശ്യമുള്ളപ്പോൾ മാത്രം എടുക്കാം, കൂടാതെ ചില കറികൾക്ക് പച്ചകുരുമുളക് ആവശ്യമായി വരും സാധാരണ പച്ചക്കുരുമുളക്. മാർക്കറ്റിൽ എളുപ്പം ലഭ്യവുമല്ല, വീടുകൾ മാറി താമസിക്കുമ്പോഴും മറ്റും അവ കൊണ്ടുപോകുന്നത് വളരെ എളുപ്പമാണ്.

കുറ്റികുരുമുളക് തിപ്പിലിയിൽ

കുറ്റികുരുമുളക് തിപ്പിലിയിലും ഗ്രാഫ്റ്റ് ചെയ്യാം, വെള്ളക്കെട്ടിനെയോ കീടബാധയേയോ ഭയപ്പെടേണ്ട. ശരിയായി പരിപാലിക്കുകയാണെങ്കിൽ, ഒരു ചട്ടയിൽ നിന്ന് അര മുതൽ ഒരു കിലോ വരെ വിളവ് ലഭിക്കും.

മഴക്കാലത്ത് വളരെ എളുപ്പം ചെയ്യാവുന്ന ഏറ്റവും മികച്ച 5 കൃഷി വീഡിയോസ്

മഴക്കാലം ഏതാണ്ട് എല്ലാത്തരം കൃഷികൾക്കും അനുയോജ്യമായ കാലാവസ്ഥയാണ് ജൂൺ മുതൽ സെപ്തംബര് വരെ ഇടവിട്ടുള്ള മഴയും വെയിലും മുളച്ചു വരുന്ന എല്ലാചെടികൾക്കും അനുകൂലമായ കാലാവസ്ഥയാണ് . ലൈവ്കേരള യൂട്യൂബ് ചാനലിൽ ശ്രീമതി ആനിറ്റ് തോമസ് മഴക്കാലത്തു എളുപ്പം ചെയ്യാവുന്ന ഏതാനും വീഡിയോസ് നിങ്ങൾക്ക് സമർപ്പിക്കുകയാണ്. ഇത്രയും ലളിതവും ആധികാരികവുമായ വിവരണം നിങ്ങൾ കണ്ടിട്ടുണ്ടാവില്ല കണ്ടു നോക്കൂ.

1. പയർ കൃഷി ഇനി വളരെ എളുപ്പം

എല്ലാകാലത്തും കൃഷി ചെയ്യാവുന്ന വിളയാണ് പയര്‍. ഓണത്തിന് നാടൻ പയറില്ലാത്ത ഓണസദ്യ മലയാളിക്ക് ഒരു അപൂർണമാണ്. ഓണത്തിന് പയർ വിളവെടുക്കണമെങ്കിൽ ഇടവത്തിൽ പയർ നടണം. പയർ നടലും പരിചരണവും വിശദമാക്കുന്ന ലൈവ് കേരളയിലൂടെ ശ്രീമതി അനിറ്റ് തോമസ് അവതരിപ്പിച്ചിരിക്കുന്നത് കണ്ടുനോക്കു.

2. കറിവേപ്പ് ഇനി വീട്ടിലും നട്ടുവളർത്തി പരിപാലിക്കാം

മലയാളിക്ക് ഒഴിവാക്കാനാകാത്ത ഒന്നാണ് കറിവേപ്പ്. ഒരു കറിവേപ്പെങ്കിലും ഇല്ലാത്ത വീട് ചുരുക്കമായിരിക്കും കറിവേപ്പ് മുറ്റത്തും, പറമ്പിലും ചട്ടിയിലും വളർത്താം. കറിവേപ്പിലയ്ക്ക് ഏറ്റവും ഫലപ്രദമായ വളവും കീടനാശിനിയും കഞ്ഞിവെള്ളമാണ് അത്രയും നിസ്സാരമായ കാര്യം എല്ലാവർക്കും അറിയണമെന്നില്ല. അതുപോലെ വളരെ പ്രധാനപ്പെട്ടതും എന്നാൽ ലളിതവുമായ പല കാര്യങ്ങളും നമുക്ക് പരിചയപ്പെടാം.ഈ വീഡിയോ കണ്ടു നോക്കു തീർച്ചയായും നിങ്ങക്ക് ഇഷപ്പെടും

3. നിറയെ കാന്താരി മുളക് ലഭിക്കാന്‍ വളങ്ങൾ അടുക്കളയിൽ തന്നെ

ഇന്ന് കടയിൽ നിന്ന് ലഭ്യമാകുന്ന പച്ചക്കറികളിൽ വിഷാംശത്തിന്റെ കാര്യത്തിൽ ഒട്ടും വിശ്വസിക്കാൻ കഴിയാത്ത ഒന്നാണ് മുളക്. നമുക്ക് വളരെ എളുപ്പം കൃഷി ചെയ്യാവുന്നതും ഗുണവും എരുവും ഏറ്റവും കൂടുതൽ ലഭിക്കുന്ന ഒന്നാണ് കാന്താരിമുളക്. കേരളത്തിലെ എല്ലാ കാലാവസ്ഥയിലും കാന്താരി നന്നായി വളരും. ഈ മഴക്കാലം മുളക് കൃഷിക്ക് വളരെ അനുയോജ്യമായ ഒന്നാണ്, കാരണം വേനലിൽ വെളിച്ചയുടെ ആക്രമണം കൂടുതലായിരിക്കും. കുറച് ശ്രദ്ധ മാത്രം മതിയാകും. നല്ല രീതിയിൽ പരിചരിച്ച് കൊടുത്താൽ വിളവ് എങ്ങനെ നേടാം എന്ന് ഈ വിഡിയോവിലൂടെ നിങ്ങൾക്ക് മനസ്സിലാകും.

4. വെണ്ട കൃഷിയും രോഗ പ്രതിരോധ മാർഗങ്ങളും

അടുക്കളത്തോട്ടത്തിൽ എന്നും ചെയ്യാവുന്നതും നിത്യേന ആവശ്യമുള്ളതുമായ ഒരു കൃഷിയാണ് വെണ്ട. വെണ്ട എല്ലാ കാലത്തും ചെയ്യാം. എന്നാൽ ശക്തിയായ മഴ മാറിയിട്ട് ചെയ്യുകയാണെങ്കിൽ കൂടുതൽ ഫലപ്രദമായിരിക്കും. അധികം പരിചരണങ്ങൾ അവശ്യമില്ലാത്ത ഒന്നാണ് വെണ്ടക്കൃഷി. വെണ്ട കൃഷിയുടെ വിവിധ വശങ്ങൾ ശ്രീമതി അനിറ്റ് വിവരിക്കുന്നത് കണ്ടുനോക്കൂ നിങ്ങൾക്കും വേണ്ട കൃഷി ചെയ്യാൻ തോന്നും.

5. കോവൽ കൃഷി ആദായകരമായ കൃഷി

ഏറ്റവും ലളിതവും കൂടുതൽ കാലവും, വർഷം മുഴുവനും വിളവ് തരുന്നതുമായ ഒരു കൃഷിയാണ് കോവൽ. ഒരു കോവലിൽ നിന്ന് ഒരു വീട്ടിലേക്ക് ആവശ്യമായ കോവൽ ലഭിക്കും. മാത്രമല്ല ആ വിളവ് രണ്ട് മൂന്ന് വർഷം തുടർച്ചയായി ലഭിക്കുകയും ചെയ്യും. ഒരു തരത്തിലുമുള്ള പരിചരണം കോവിലിന് ആവശ്യമില്ല. പന്തൽ ഒരുക്കികൊടുക്കണം അത്യാവശ്യം വെള്ളവും, വെയിലും വേണ്ടിവരും. നട്ട് ആറ് മാസത്തിനുള്ളിൽ വിളവെടുത്തു തുടങ്ങാം. ഒട്ടും കീടനാശിനിയില്ലാതെ ലഭിക്കുന്ന വിളയാണ് കോവൽ. എങ്ങനെ നല്ല വിളവുലഭിക്കും എന്ന് വീഡിയോ കണ്ടാൽ മനസ്സിലാകും.

ലിവകേരള യൂട്യൂബ് ചാനലിൽ നിങ്ങൾക്കിഷ്ടപ്പെട്ട ധാരാളം കൃഷിവിഡിയോസ് ലഭ്യമാണ്. ലളിതവും ആധികാരികവുമായ വിവരണം കണ്ടുനോക്കുക നിങ്ങളുടെ വേണ്ടപ്പെട്ടവർക്ക് ഷെയർ ചെയ്യാനും മറക്കരുത്.

ഡ്രാഗൺ ഫ്രൂട്ട് കൃഷി കേരളത്തിലും വിജയകരം

ഡ്രാഗൺ ഫ്രൂട്ടിന് ഇന്ത്യയിൽ ഡിമാൻഡ് ഏറുകയാണ്, ഇന്ന് ഇത് ഒരു വളരുന്ന വിപണിയാണ്, ഇപ്പോൾ നിരവധി കർഷകർ ഈ പുതിയ വിളയ്ക്കായി മുന്നോട്ടുവരുന്നുണ്ട്. ഡ്രാഗൺ ഫ്രൂട്ട് തായ്‌ലൻഡ്, ശ്രീലങ്ക, ഇസ്രായേൽ, വിയറ്റ്നാം എന്നിവിടങ്ങളിലാണ് വ്യാവസായികമായി കൃഷി ചെയ്യുന്നതെങ്കിലും ഇപ്പോൾ ഇന്ത്യയിൽ പ്രചാരം ഏറി വരികയാണ്.

നട്ടുപിടിപ്പിച്ചുകഴിഞ്ഞാൽഡ്രാഗൺ ഫ്രൂട്ട് പ്ലാന്റിന് വളരെ കുറച്ച് ശ്രദ്ധയെ ആവശ്യമുള്ളു. ചെടിക്ക് കുറഞ്ഞ അളവിൽ വെള്ളവും വളവും ആവശ്യമുള്ളൂ അതിനാൽ ചെലവ് വളരെയധികം കുറയ്ക്കാൻ കഴിയും. ഒന്നര വർഷത്തിനുള്ളിൽ പ്ലാന്റ് ഫലം കായ്ക്കാൻ തുടങ്ങും. കള്ളിച്ചെടി കുടുംബത്തിൽപ്പെട്ടതാണ് ഈ ചെടി. സൂര്യപ്രകാശം ലഭ്യമാകുന്ന ഫലഭൂയിഷ്ഠമായ മണ്ണിൽ ഇത് നന്നായി വളരുന്നു. വിത്ത് വിതച്ചുകൊണ്ടോ ചെടിയായോ ഇത് വളർത്താം. നടീലും പരിചരണ രീതികളും കൂടുതൽ മനസിലാക്കാം ശ്രീമതി അനിറ്റ് തോമസിന്റെ ലൈവ്കേരള യൂട്യൂബ് വീഡിയോവിലൂടെ.

പടര്‍ന്നു കയറാനായി താങ്ങ് കാലുകൾ കൊടുത്ത് വളര്‍ത്താനുള്ള സംവിധാനമുണ്ടാകണം കോണ്‍ക്രീറ്റ് തൂണുകള്‍ സ്ഥാപിക്കുന്നത്‍ കൂടുതൽ ഫലപ്രദമാകും. തുടര്‍ന്ന് ഓരോ തൂണുകള്‍ക്കും മുകളിലായി ഇരുമ്പു കമ്പി ക്രോസ്സായി പിടിപ്പിച്ച് ഓരോ ടയര്‍ സ്ഥാപിക്കണം. തൂണിനു മുകള്‍ഭാഗം വരെ വളര്‍ന്നെത്തിയ വള്ളികള്‍ ടയറിനുള്ളിലൂടെ വളര്‍ന്നു താഴേക്ക് തൂങ്ങുന്ന വിധത്തിൽ ചെടി പടര്‍ത്തണം . ഓരോ തൂണിലും മൂന്നോ നാലോ തൈകള്‍ വീതം നടാം. താങ്ങുകാലുകളായി കോൺക്രീറ്റ് തൂണുകൾ സ്ഥാപിക്കുന്നത് എങ്ങിനെ എന്ന് നോക്കാം

വളപ്രയോഗങ്ങൾ എല്ലാ ഫലവർഗ ചെടികൾക്കും ഉപയോഗിക്കുന്ന ജൈവവളം തന്നെ ഡ്രാഗൺ ഫ്രൂട്ടിനും മതിയാകും. ഈ ചെടിക്ക് വെള്ളം കുറച്ചുമതി എങ്കിലും, കടുത്തവേനലിൽ ആവശ്യത്തിന് വെള്ളം കൊടുക്കണം. കീട ആക്രമണം കുറവായ ചെടിയാണ് ഇത്.

ഒരു വർഷത്തിനുള്ളിൽ ചെടികൾ പൂവിടാൻ ആരംഭിക്കും . ചെടികൾ കൂടുതൽ വളരുന്നത് വേനൽക്കാലത്തെ ചൂടുള്ള മാസങ്ങളാണ്. ജൂലൈ മുതൽ ഒക്ടോബർ വരെ പൂക്കൾ ഉണ്ടാകും, കായകൾ ഒരു മാസത്തിനുള്ളിൽ ഡ്രാഗൺ ഫ്രൂട്ട് വിളവെടുപ്പിന് തയ്യാറാകും. പഴത്തിന്റെ പാകം നമുക്ക് പഴത്തിലെ കളർ മാറ്റം കണ്ട് തിരിച്ചറിയാൻ കഴിയും.

അടുക്കള മാലിന്യത്തിൽ നിന്ന് പാചകവാതകം ദുർഗ്ഗന്ധമില്ലാതെ

മനുഷ്യരാശിയെ സംബന്ധിച്ചിടത്തോളം ഊർജ്ജം ഒരു സുപ്രധാന ഘടകമാണ് . ഭൂമിയിൽ രണ്ട് തരം ഊർജ്ജ സ്രോതസ്സുകളുണ്ട്: റിന്യൂവബിൾ ഊർജ്ജ സ്രോതസ്സുകളും, നോൺ റിന്യൂവബിൾ ഊർജ്ജ സ്രോതസ്സുകളും. ഫോസിൽ, ന്യൂക്ലിയർ പോലുള്ള സ്റ്റാറ്റിക് സംഭരണത്തിൽ നിന്നാണ് നോൺ റിന്യൂവബിൾ ഊർജ്ജം ലഭിക്കുന്നത്. ഇവ പരിമിതവും പുതുക്കാനാവാത്തതുമാണ്.

എന്നാൽ റിന്യൂവബിൾ ഊർജ്ജം പ്രകൃതിദത്ത സ്രോതസ്സുകളിൽ നിന്നാണ് ഉല്പാദിപ്പിക്കുന്നത്, അത് തുടർച്ചയായി ഉണ്ടാക്കികൊണ്ടിരിക്കും . സോളാർ എനർജി, കാറ്റ് , ബയോ എനർജി എന്നിവ ഈ വിഭാഗത്തിൽ പെടുന്നു. ബയോഗ്യാസ്, ഒരു പ്രധാന റിന്യൂവബിൾ ഊർജ്ജ സ്രോതസാണ് . ഊർജ ലഭ്യതക്കും മാലിന്യ നിർമ്മാർജ്ജനത്തിനും വളരെ ഉത്തമമാണ്. ഇന്ന് ചെറിയ കുടുംബങ്ങൾക്കുപോലും അവരുടെ വീട്ടിലെ മാലിന്യങ്ങളുടെ ലഭ്യതക്കനുസരിച് പോർട്ടബിൾ പ്ലാന്റുകളുടെ സൈസും ക്രമീകരിക്കാം. ആദ്യകാല ബയോഗ്യാസ് പ്ലാന്റുകൾ പോർട്ടബിൾൽ അല്ലാതിരുന്നതുകൊണ്ട് ആദ്യത്തെ കുറച്ചുനാളത്തെ ഉപയോഗത്തിനുശേഷം നിന്നു പോവുകയായിരുന്നു പതിവ് എന്നാൽ. പരിഷ്‌ക്കരിച്ച പോർട്ടബിൾ വന്നതോടെ ചെറുതും വലുതുമായ വീടുകൾക്ക് വളരെ സൗകര്യപ്രദമായ രീതിൽ ചെയ്യാം.

ഒരു ബയോഗ്യാസ് പ്ലാൻറ്റ്ൽ, കന്നുകാലിഅവശിഷ്ടം, പറമ്പിലെ ജൈവവസ്തുക്കൾ, അടുക്കളഅവശിഷ്ടം, എന്നിവിടങ്ങളിൽ നിന്നുള്ള വസ്തുക്കളിൽ നിന്ന് ഗ്യാസ് ഉൽ‌പാദിപ്പിക്കുന്നു.

ബയോഗ്യാസ് പ്ലാന്റിന്റെ പ്രധാന സവിഷേതകൾ

(i) ഇത് പാചകത്തിനും ലൈറ്റിംഗിനും ശുദ്ധമായ വാതക ഇന്ധനം നൽകുന്നു.

(ii) ബയോഗ്യാസ് പ്ലാന്റുകളിൽ നിന്ന് ആഗിരണം ചെയ്യപ്പെടുന്ന സ്ലറി സമ്പുഷ്ടമായ ജൈവവളമായി ഉപയോഗിക്കുന്നു.

(iii) വീട്ടിലും പരിസര പ്രദേശങ്ങളിലും ശുചിത്വം മെച്ചപ്പെടുത്തുന്നു.

ഇന്ന് ആളുകൾ നേരിടുന്ന ഏറ്റവും വലിയ പ്രശ്നമാണ് മാലിന്യ സംസ്കരണം അതിനൊരു ശാശ്വത പരിഹാരമാണ് ബയോഗ്യാസ് പ്ലാന്റുകൾ. ബയോഗ്യാസ് പ്ലാന്റുകളുടെ വലിപ്പം നിശ്ചയിക്കുന്നത് വീട്ടിലെ ആളുകളുടെ എണ്ണമോ ലഭ്യമായ മാലിന്യങ്ങളുടെ അളവിനൊ അനുസരിച്ചായിരിക്കും. മാലിന്യത്തിന്റെ കാര്യം പറയുമ്പോൾ വീട്ടിലെ അടുക്കള വെസ്റ്റ് മാത്രം മതിയാകും, ചാണകം ഉണ്ടെങ്കിൽ ഉപയോഗിക്കാം. ഒരു നാല് അംഗങ്ങളുള്ള വീട്ടിൽ ഏകദേശം രണ്ടര കിലോ വെസ്റ്റിൽ നിന്ന് ഒരുമണിക്കൂറിൽകൂടുതൽ ഗ്യാസ് ലഭ്യമാണ്. പ്ലാന്റിൽ നിന്ന് വരുന്ന ഗ്യാസിന് സാധാരണ സിലിണ്ടറിൽ നിന്ന് വരുന്ന ഗ്യാസിനെക്കാൾ പ്രഷർ കൂടുതലായിരിക്കും.

പോർട്ടബിൾ പ്ലാന്റിന്റെ മറ്റൊരു മേന്മ അതിന്റെ ടോപ് നന്നായി മൂടിയിരിക്കുന്നതിനാൽ ചീത്ത മണമോ കൊതുക് ശല്യമോ ഇല്ല എന്നുള്ളതാണ്. മാത്രമല്ല സ്ഥലപരിമിതി ഉള്ളവർക്ക് മുറ്റത്തോ ടെറസിലോ സ്ഥാപിക്കാമെന്നതാണ്. livekerala.com യൂടൂബ് ചാനലിൽ ശ്രീമതി അനിറ്റ് തോമസ് സ്ഥാപിച്ച പോർട്ടബിൾ ബയോഗ്യാസ് പ്ലാന്റിന്റെ വിശേഷങ്ങൾ കണ്ടുനോക്കൂ.

കുറ്റികുരുമുളക് മികച്ച വിളവ് ലഭിക്കാൻ

കുറ്റികുരുമുളക് പരിപാലനം; മികച്ച വിളവ് ലഭിക്കാൻ എന്തെല്ലാം ചെയ്യണം ?

സ്ഥലപരിമിതി ഉള്ളവര്‍ക്ക് മുറ്റത്തും ടെറസിലും ബാല്‍ക്കണികളിലും കുറ്റിക്കുരുമുളക് താങ്ങുകാലുകളുടെ സഹായമില്ലാതെ ചട്ടികളിലും ഗ്രോബാഗുകളിലും വളര്‍ത്താം.

കുരുമുളകു ചെടിയുടെ പ്രധാന തണ്ടിൽ നിന്നും വശങ്ങളിലേക്കു വളരുന്ന പാർശ്വ ശിഖരങ്ങൾ നട്ടാണ് ബുഷ് പെപ്പർ – കുറ്റി കുരുമുളക് – ഉണ്ടാക്കുന്നത്.

കുറ്റികുരുമുളക് കൃഷി ചെയ്യുന്നവർ അറിഞ്ഞിരിക്കേണ്ട കാര്യങ്ങളാണ് ഈ വീഡിയോവിലുള്ളത്

നടാൻ തിരഞ്ഞെടുക്കുന്ന മദർപ്ലാന്റും, തണ്ട് മുറിക്കുമ്പോൾ ശ്രദ്ധിക്കേണ്ട കാര്യങ്ങൾ, പോട്ടിങ് മിക്സ് തയ്യാറാക്കേണ്ടത് എങ്ങിനെ, വളർച്ച സമയത്ത് വേണ്ട പരിചരണങ്ങൾ, ദ്രുതവാട്ടം പോലുള്ള കേടുപാടുകൾ തരണം ചെയ്യേണ്ടത് എങ്ങിനെ, കൂടുതൽ വിളവ് ലഭിക്കാൻ എന്ത് ചെയ്യണം എന്നിങ്ങനെ കുറ്റിക്കുരുമുളക്‌ ചെടി പരിപാലനത്തിന് അറിഞ്ഞിരിക്കേണ്ട എല്ലാ കാര്യങ്ങളും ഈ വീഡിയോവിലൂടെ നിങ്ങൾക്ക് മനസിലാക്കാം

നടാൻ എടുക്കുന്ന തൈകൾ കേടില്ലാത്തതും നല്ല വിളവ് ലഭിക്കുന്ന മദർപ്ലാന്റ് ചെടിയിൽ നിന്നും എടുക്കാൻ ശ്രദ്ധിക്കുക.
നടുന്നതിന് മുമ്പ് ഏതെങ്കിലും റൂട്ടിങ് ഹോർമോണിൽ മുക്കിയിട്ട് നടുക.
മണ്ണ് തയ്യാറാക്കുമ്പോൾ മണ്ണ്, മണൽ, ചകിരിച്ചോറ്, ചാണകപ്പൊടി, ഏതെങ്കിലും കമ്പോസ്റ്റ് എന്നിവ നിശ്ചിത അനുപാതത്തിൽ എടുക്കുക.
നടുന്ന ചട്ടിയിൽ വെള്ളം കെട്ടിനിൽക്കാതെ നല്ല നീർവാഴ്ച കിട്ടുന്ന രീതിയിൽ നടുക.
തിപ്പലിയിൽ ഗ്രാഫ്ട് ചെയ്ത് നട്ടാൽ ദ്രുതവാട്ടത്തിൽ നിന്നും രക്ഷപ്പെടുത്താം.
കുറ്റിക്കുരുമുളകിൻറെ ഇല മഞ്ഞളിപ്പിന് മഴയ്ക്ക് മുമ്പ് ഒരു ശതമാനം വീര്യമുള്ള ബോഡോമിശ്രിതം തളിച്ചുകൊടുക്കുക.
ഇല കരിഞ്ഞു ചെടിനശിച്ചുപോകാതിരിക്കാൻ സ്യുഡോമോണാസ് വെള്ളത്തിൽ കലക്കി സ്പ്രേ ചെയ്യുക.
പൂക്കാതെയും കായ്ക്കാതെയും വന്നാൽ റീപോട്ടിങ് നടത്തുക അതായത് പുതിയ ചട്ടിയിലേക്ക് മാറ്റിനടുക

ഇത്തരം കാര്യങ്ങൾ ഒന്ന് ശ്രദ്ധിച്ചാൽ മികച്ച വിളവ് നമുക്ക് സാധ്യമാക്കാം. അടുക്കളക്ക് മുതൽക്കൂട്ടും തോട്ടത്തിന് ഒരലങ്കാരവും.

വീട്ടിൽ കൃഷി ചെയ്യുവാൻ വിത്തുകൾ ഓൺലൈനായി

വിത്തുകൾ വാങ്ങാൻ ഏറ്റവും മികച്ച ഓൺലൈൻ ഷോപ്പ്. ഒറ്റ ക്ലിക്കിൽ വിത്തുകൾ വീട്ടിലെത്തും.

വീട്ടിൽ കൃഷി ചെയ്യാം വിത്തുകൾ ഓൺലൈനായി . ഈ ലോക്ഡൌൺ കാലത്ത് വിത്തുകൾ തേടി നിങ്ങൾ അലയേണ്ടതില്ല, ഒറ്റ ക്ലിക്കിൽ ഗുണനിലവാരമുള്ള വിത്തുകൾ വിശ്വസനീയമായാ ഇടത്തുനിന്നു നിങ്ങൾക്ക് എത്തിച്ചുതരുന്നു.

എങ്ങിനെ ബുക്ക് ചെയ്യാം, മുൻപരിചയമില്ലാതെ ആർക്കും എളുപ്പം ബുക്കുചെയ്യാം, ഈ വീഡിയോ മുഴുവനായി കാണു.

പ്രശാന്ത് പറവൂർ: മലയാളത്തിലെ ബെസ്റ്റ് ഓൺ ലൈൻ ഇൻഫ്ലുവെൻസർ വ്‌ളോഗർ ഫുഡ്, ടുറിസം, കൃഷി, ലൈഫ് സ്റ്റൈൽ, എന്നിങ്ങനെ സാധാരണ ജനങ്ങൾ അന്വേഷിക്കുന്ന എല്ലാ മേഖലകളെ കുറിച്ചും ആധികാരികമായ വിവരങ്ങൾ നിങ്ങളുമായി പങ്കുവെക്കുന്നു.

കാലാവർഷമിങ്ങെത്തി ഇടവപ്പാതിയും കർക്കിടകവും കേരളത്തിന്റെ സ്വന്തം, ഇതിലും മികച്ച ഒരു സമയം വേറെ ഇല്ല. കേരളത്തിലെ കാർഷിക മേഖലയ്ക്ക് വരദാനമായ തിരുവാതിര ഞാറ്റുവേല ജൂൺ മാസത്തിൽ തുടങ്ങി. കാർഷിക വിളകളും ചെടികളും നടാനും മാറ്റി നടാനും ഏറ്റവും അനുയോജ്യമായ ഞാറ്റുവേലക്കാലത്ത് പെയ്യുന്ന മഴയില്‍ നടുന്നവയെല്ലാം നന്നായി തഴച്ചു വളരും. തിരുവാതിര ഞാറ്റുവേലയുടെ പ്രത്യേകത തുടർച്ചയായി മഴ പെയ്യും എന്നുള്ളതാണ്. വെയിലും മഴയും ഒരേപോലെ കിട്ടുന്ന കാലമാണിത്. അതുകൊണ്ടു ചെടികൾ നടാന്‍ യോജിച്ച സമയമാണിത്. കാലവർഷം തുടങ്ങിയാൽ കനത്തുപെയ്യുന്ന മഴയും കാഠിന്യമില്ലാത്ത വെയിലും കാർഷിക ജോലികൾക്ക് ഉത്തമമാണ്.

ഈ അവസരത്തിലാണ് പലരും വിത്തുകൾക്കായി ഓൺലൈൻ വിപണിയിൽ തിരയുന്നത്. പച്ചക്കറികൾ, പഴങ്ങൾ, പൂക്കൾ എന്നിവയുടെ വിത്തുകളുടെ വിപുലമായ ശേഖരം.

ഓൺലൈനായി ബുക്ക് ചെയ്യുന്നവർക്ക് ഇവയെല്ലാം അവരവരുടെ അഡ്രസ്സിൽ തപാൽ വഴി എത്തിച്ചുകൊടുക്കുന്നു. അഗ്രിഎർത്ത് ഡോട്ട് കോം ഫലപ്രാപ്തിയും ഗുണനിലവാരവുമുള്ള പച്ചക്കറികളുടെയും ഫലവർഗ്ഗങ്ങളുടെയും, പൂച്ചെടികളുടെയും വിത്തുകളുടെ വൻശേഖരം .

Buy Seeds online –https://agriearth.com/

കേരളത്തിലെ മികച്ച 3 ഓൺലൈൻ സ്‌പൈസ് വില്പന വെബ്‌സൈറ്റുകൾ

ജൈവ, പ്രകൃതിദത്ത സുഗന്ധവ്യഞ്ജനങ്ങളുടെ
കേരളത്തിലെ 3 മികച്ച ഓൺലൈൻ വില്പന വെബ്സൈറ്റുകൾ

1. തോട്ടം ഫാംഫ്രെഷ്

സുഗന്ധ വ്യഞ്ജനങ്ങളുടെ സമ്പന്നമായ പൈതൃകം പേറുന്ന മലബാർ തീരത്തുനിന്നും ആധികാരികവും ഉയർന്ന നിലവാരമുള്ളതുമായ ഉൽ‌പ്പന്നങ്ങളുടെ വ്യാപാരമാണ് തോട്ടം ഫാം ഫ്രെഷ് ഉൾക്കൊള്ളുന്നത്. നിങ്ങൾക്ക് ഓൺലൈനിൽ സുഗന്ധവ്യഞ്ജനങ്ങൾ വാങ്ങാനും തേനും ചായയും മറ്റ് മികച്ച ഉൽ‌പ്പന്നങ്ങളും കർഷകരിൽ നിന്ന് നേരിട്ട് ലഭിക്കുന്ന ഒരു ഓൺലൈൻ വ്യാപാരമാണ് തോട്ടം ഫാംഫ്രഷ് ചെയ്യുന്നത്

“പ്ലാന്റേഷൻ” എന്ന മലയാള വാക്കിൽ നിന്നാണ് നമ്മുടെ പേരിന്റെ അർത്ഥം ലഭിച്ചത്, കാരണം ആരോഗ്യകരവും , സന്തോഷകരവുമായ ഒരു ലോകം ആരംഭിക്കുന്നത് ആരോഗ്യകരമായാ ഭക്ഷണത്തിൽ നിന്നാണ്മി. മലബാർ കോസ്റ്റിന്റെ പാരമ്പര്യത്തിൽ നിന്ന് പ്രചോദനം ഉൾക്കൊണ്ടുകൊണ്ട് ഉയർന്ന നിലവാരമുള്ള ഉൽ‌പ്പന്നങ്ങളുടെയും പ്രീമിയം ഗുണനിലവാരമുള്ള സുഗന്ധവ്യഞ്ജനങ്ങളുടെയും വിപണനം നടത്തുന്നു.കച്ച കൃഷിസ്ഥലത്തെ മണ്ണിൽ നിന്നുള്ള ആരോഗ്യകരമായ ഉൽ‌പ്പന്നങ്ങളാൽ പരി പോഷിപ്പിക്കപ്പെടുന്നു. ഞങ്ങളുടെ ഫാമിൽ, തോട്ടംഫാംഫ്രഷ് സുസ്ഥിര ജൈവ കൃഷി രീതികൾ പിന്തുടരുകയും സുഗന്ധവ്യഞ്ജനങ്ങൾ, പഴങ്ങൾ എന്നിവ വളർത്തുകയും തേനീച്ചകളെ സംരക്ഷിക്കുകയും ചെയ്യുന്നു. സുഗന്ധവ്യഞ്ജനങ്ങൾ, ചായ, മറ്റ് മികച്ച ഉൽ‌പ്പന്നങ്ങൾ എന്നിവയ്‌ക്കായി ഞങ്ങളുടെ സ്വന്തം ഓൺലൈൻ സ്റ്റോർ വഴി 2018 ൽ ഞങ്ങളുടെ ഉൽപ്പന്നങ്ങൾ ഉപയോക്താക്കൾക്ക് നേരിട്ട് വിൽക്കുന്നു . ഈ ഇ-കൊമേഴ്‌സ് ഓൺലൈൻ സ്റ്റോറിന്റെ ഉത്ഭവം അതായിരുന്നു. സുതാര്യതയ്ക്കായി, ഞങ്ങളുടെ ബ്രാൻഡിന് കീഴിൽ ഞങ്ങൾ വിൽക്കുന്നതെല്ലാം ഞങ്ങൾ നിർമ്മിക്കുന്നില്ലെന്ന് പറയാൻ ഞങ്ങൾ ആഗ്രഹിക്കുന്നു. ഞങ്ങളുടെ സ്വന്തം ഉൽ‌പ്പന്നങ്ങൾ‌ തീർന്നുപോകുമ്പോൾ‌ അല്ലെങ്കിൽ‌ ഒരു പ്രത്യേക ഇനം വളർത്തുന്നില്ലെങ്കിൽ‌, ഞങ്ങൾ‌ക്കറിയാവുന്ന കർഷകരിൽ‌ നിന്നും ഉൽ‌പ്പന്നങ്ങൾ‌ നൽ‌കുന്നു. ഉൽ‌പ്പന്നങ്ങൾ‌ നൽ‌കുമ്പോൾ‌, ഞങ്ങളുടെ പങ്കാളി കർഷകർ‌ തയ്യാറാക്കുന്ന രീതികൾ‌ മനസ്സിലാക്കുകയും ഉൽ‌പ്പന്നങ്ങൾക്ക് ന്യായമായ വില ലഭിക്കുമെന്ന് ഉറപ്പാക്കുകയും ചെയ്യുന്നു. ആരോഗ്യകരമായതും ആരോഗ്യകരവുമായ ഭക്ഷണം കഴിക്കുന്നതിന്റെ ഗുണങ്ങൾ ഞങ്ങളുടെ ഉപയോക്താക്കൾ അനുഭവിക്കണമെന്ന് ആഗ്രഹിക്കുന്നതിനാലാണ് ഞങ്ങൾ ഇത് ചെയ്യുന്നത്.

തോട്ടം ഫാം ഫ്രഷിന്റെ ആസ്ഥാനം കേരളത്തിലാണ്, ഞങ്ങൾ ഒരു ബ്രാൻഡ് മാത്രമല്ല; ന്യായമായ-വ്യാപാര സമ്പ്രദായങ്ങളിലൂടെ പോഷകാഹാര ഉൽ‌പന്നങ്ങൾ ലഭ്യമാക്കുന്നതിലൂടെയും പാക്കേജിംഗിലൂടെയും ഇന്ത്യയിലെ കർഷകരെ (ഇപ്പോൾ കൂടുതലും കേരളത്തിൽ) ശാക്തീകരിക്കുന്ന ഒരു ആവാസവ്യവസ്ഥയാകാൻ ഞങ്ങൾ ശ്രമിക്കുന്നു, ഇത് ഉപഭോക്താക്കളെ ആരോഗ്യപരമായി പ്രയോജനപ്പെടുത്തുകയും ചെയ്യും.

തോട്ടം ഫാം ഫ്രെഷിൽ നിന്ന് നിങ്ങൾക്ക് ഒരു ഉൽപ്പന്നം നൽകുമ്പോൾ, മൂന്നു കാര്യങ്ങൾ ഉറപ്പാക്കാൻ ഞങൾ ശ്രമിക്കുന്നു ആരോഗ്യകരവും പോഷകകരവും ശുദ്ധവും ആണ് എന്ന്. ഇനിപ്പറയുന്ന മൂല്യങ്ങൾ ഞങ്ങളുടെ ഹൃദയത്തോട് ചേർത്തുവയ്ക്കുന്നു:

നിങ്ങളെ (ഞങ്ങളുടെ ഉപഭോക്താവിനെ) ആരോഗ്യകരമായി നിലനിർത്താൻ ഞങ്ങൾ ശ്രമിക്കുന്നു., ഇന്ത്യയിലെയും ലോകമെമ്പാടുമുള്ള മികച്ച ഫാമുകളിൽ നിന്ന് ഉയർന്ന നിലവാരമുള്ള ആധികാരിക ഉൽ‌പ്പന്നങ്ങൾ ഞങ്ങൾ ഉറവിടമാക്കുന്നു. മികച്ചത് സ്ഥിരമായി നൽകാൻ ഞങ്ങൾ ദൃഢനിശ്ചയത്തിലാണ്. ആധികാരികത, മികവ്, നിലവിലുള്ള മെച്ചപ്പെടുത്തൽ എന്നിവയ്‌ക്ക് ഞങ്ങൾ ഉയർന്ന പ്രാധാന്യം നൽകുന്നു, ഇത് സംഭരണത്തിൽ നിന്ന് പ്രോസസ്സിംഗ് മുതൽ പാക്കേജിംഗ് വരെ പ്രക്രിയയുടെ ഓരോ ഘട്ടത്തിലും പ്രതിഫലിക്കുന്നു.

2. സ്‌പൈസ് മൂന്നാർ

മൂന്നാറിന്റെ മണ്ണിൽ നിന്നും

സുഗന്ധവ്യഞ്ജനങ്ങൾ ഇല്ലാത്ത ഇന്ത്യൻ പാചകം പൂർണമാകില്ല . സുഗന്ധവ്യഞ്ജനങ്ങളുടെ മിശ്രിതവും സംയോജനവും ഓരോ കറിയെയും പ്രത്യേകവും വ്യത്യസ്തവുമാക്കുന്നു. Spicemunnar.com വളരെ സൂക്ഷമതയോടെയാണ് ഓരോ സ്പൈസും സംഭരിച്ചിരിക്കുന്നതും അടുക്കളയ്ക്ക് ആവശ്യമായ എല്ലാ സുഗന്ധവ്യഞ്ജനങ്ങളും കണ്ടെത്തുന്നതും. സ്വാഭാവികവും ജൈവവുമായ സുഗന്ധവ്യഞ്ജനങ്ങൾ, സുഗന്ധവ്യഞ്ജന മിശ്രിതങ്ങൾ, സുഗന്ധമുള്ള ഔഷധസസ്യങ്ങൾ എന്നിവ സാധാരണ ഗാർഹിക പാചകത്തിനും പ്രൊഫഷണൽ പാചകക്കാർക്കും അനുയോജ്യമാണ്. സ്‌പൈസ്‌മൂന്നാറിന്റെ സുഗന്ധവ്യഞ്ജനങ്ങൾ നിങ്ങളുടെ പാചകത്തെ രുചികരവും പുതുമയും വർദ്ധിപ്പിക്കുകയും പൂർണ്ണമായും പുനരുജ്ജീവിപ്പിക്കുകയും ചെയ്യും. കുരുമുളക്, ഇഞ്ചി, ഏലം, ജാതിക്ക, ഗരം മസാല… ഇങ്ങനെ എല്ലാം ഞങ്ങൾ വിതരണം ചെയ്യുന്നു. ഞങ്ങളുടെ സുഗന്ധവ്യഞ്ജനങ്ങളുടെയും ഔഷധസസ്യങ്ങളുടെയും ഉയർന്ന ഗുണനിലവാരം മുന്നാറിലെ സുഗന്ധവ്യഞ്ജന തോട്ടങ്ങളിൽ നിന്നും കേരളത്തിലെയും ഇന്ത്യയിലുടനീളമുള്ള സുഗന്ധവ്യഞ്ജനങ്ങൾ വളരുന്ന പ്രദേശങ്ങളിൽ നിന്നും നേരിട്ട് നിങ്ങളിലേക്ക് എത്തിക്കുന്നു.

കേരളത്തിലെ സുഗന്ധവ്യഞ്ജനങ്ങൾ, ഒരു കാലത്ത്, കുരുമുളകിന്റെ തൂക്കത്തേക്കാൾ കൂടുതൽ സ്വർണ്ണമായിരുന്നു പന്ത്രണ്ടാം നൂറ്റാണ്ട് മുതൽ പതിനേഴാം നൂറ്റാണ്ട് വരെ സുഗന്ധവ്യഞ്ജനങ്ങൾ ലോകമെമ്പാടുമുള്ള വ്യാപാരത്തിൽ ഏറ്റവും ലാഭകരമായ ഘടകമായിരുന്നു. അറബികളെയും ഫൊണീഷ്യന്മാരെയും ചൈനക്കാരെയും ആത്യന്തികമായി യൂറോപ്യന്മാരെയും കേരളത്തിന്റെ തീരങ്ങളിലേക്ക് കടൽമാർഗ്ഗങ്ങൾ കണ്ടെത്താൻ പ്രേരിപ്പിച്ചത് ഇതാണ്, അവിടെ ഏറ്റവും പുതിയതും സമ്പന്നവുമായ കുരുമുളക്, ഏലം, ഗ്രാമ്പൂ, ജാതിക്ക, ഇഞ്ചി, മഞ്ഞൾ… എന്നിവയും അതിലേറെയും വളർന്നു. ഇപ്പോൾ നിങ്ങൾക്ക് നിങ്ങളുടെ പാചകത്തെ ഏറ്റവും പുതിയതും ആധികാരികവുമായ കീടനാശിനി രഹിത സുഗന്ധവ്യഞ്ജനങ്ങൾ ഉപയോഗിച്ച് spicemunnar.com ൽ നിന്ന് സമ്പുഷ്ടമാക്കാൻ കഴിയും

കുരുമുളകിനെ “സുഗന്ധവ്യഞ്ജനങ്ങളുടെ രാജാവ്” എന്ന് വിളിക്കുന്നു, ലോകത്തിലെ ഏറ്റവും പ്രധാനപ്പെട്ടതും വ്യാപകമായി ഉപയോഗിക്കുന്നതുമായ സുഗന്ധവ്യഞ്ജനമായി കണക്കാക്കപ്പെടുന്നു. കുരുമുളക് വളരെക്കാലമായി പാചകം ചെയ്യാൻ മാത്രമല്ല, വീട്ടുവൈദ്യ പാചകത്തിലും ഉപയോഗിക്കുന്നു. ഭക്ഷണത്തിൽ കുരുമുളക് ഉപയോഗിക്കുന്നത് പരിധിയില്ലാത്തതാണ്.

കേരളസ്‌പൈസസ് ഓൺലൈൻ ഡോട്ട് കോം

ആരോഗ്യകരവും ഗുണപരവുമായ സുഗന്ധവ്യഞ്ജനങ്ങൾ പ്രോത്സാഹിപ്പിക്കുകയെന്ന ലക്ഷ്യത്തോടെയുള്ള കേരള സുഗന്ധവ്യഞ്ജനങ്ങൾ – പ്രകൃതിദത്തവും പരമ്പരാഗതവുമായ മാർഗ്ഗമാണ് ഈ സംരംഭത്തിന്റെ പ്രേരകശക്തി. പതിറ്റാണ്ടുകളുടെ സുഗന്ധവ്യഞ്ജനങ്ങളുടെ ഉത്പ്പാദനവും വിപണനവും പരിജ്ഞാനമുള്ള പ്രൊഫഷണലുകളുടെ ഒരു സംഘം ആവിഷ്കരിച്ച ഇത്തരത്തിലുള്ള ആദ്യത്തെ സുഗന്ധവ്യഞ്ജന ഇ-സ്റ്റോറാണ് keralaspicesOnline.com. ഇന്ത്യയിലെ ആദ്യത്തെ ഓൺലൈൻ സുഗന്ധവ്യഞ്ജന സൂപ്പർമാർക്കറ്റ് സ്റ്റോറാണ് keralaspicesOnline.com സുഗന്ധവ്യഞ്ജനങ്ങളിൽ വൈവിധ്യമാർന്ന ഓപ്ഷനുകൾ ഉപയോഗിച്ച്, ഏറ്റവും കുറഞ്ഞ വിലയ്ക്ക് ലഭ്യമായ മികച്ച നിലവാര ഉത്പന്നങ്ങൾ കണ്ടെത്താൻ നിങ്ങളെ സഹായിക്കുന്നു . കേരളത്തിലെ ഇടുക്കി ജില്ലയിലെ സുഗന്ധവ്യഞ്ജനങ്ങളുടെ നാട്ടിൽ നിന്നാണ് ഇത് സംഭരിക്കുന്നത്
സുഗന്ധവ്യഞ്ജനങ്ങളിലെ വൈവിധ്യമാർന്ന ഓപ്ഷനുകളിൽ നിന്ന് തിരഞ്ഞെടുക്കുക, ഏറ്റവും കുറഞ്ഞ വിലയ്ക്ക് ലഭ്യമായ മികച്ച നിലവാരം കണ്ടെത്താൻ നിങ്ങളെ സഹായിക്കുന്നു. കേരളത്തിലെ ഇടുക്കി ജില്ലയിലെ ഉടുമ്പുംചോല താലൂക്ക്, പീർമട് താലൂക്ക് തുടങ്ങിയ സുഗന്ധവ്യഞ്ജനങ്ങളുടെ നാട്ടിൽ നിന്നാണ് ഇത്. കുമിലി, വണ്ടൻമേട്, തെക്കടി, മൂന്നാർ, കട്ടപ്പന എന്നിവയാണ് കേരളത്തിലെ സുഗന്ധവ്യഞ്ജന ഉൽപാദനത്തിന്റെ പ്രധാന സ്ഥലങ്ങൾ.

ഏലം, കുരുമുളക്, ജാതിക്ക, ഗ്രാമ്പൂ, ചായ, കോഫി തുടങ്ങിയ ഉയർന്ന നിലവാരമുള്ള സുഗന്ധവ്യഞ്ജനങ്ങൾ ഇടുക്കി ജില്ലയിൽ നിന്നുള്ള കർഷകരിൽ നിന്ന് നേരിട്ട് ശേഖരിക്കുന്നതുപോലെ കുറഞ്ഞ വിലയ്ക്ക് കയറ്റുമതി ഗുണനിലവാരമുള്ള സുഗന്ധവ്യഞ്ജനങ്ങൾ വാങ്ങാൻ കഴിയും. നിങ്ങളുടെ പ്രിയപ്പെട്ട വിഭവങ്ങൾക്കും ഭക്ഷണത്തിനും രുചി കൂട്ടാൻ കഴിയുന്ന എല്ലാത്തരം മസാലകളും ഞങ്ങൾ ഇവിടെ വാഗ്ദാനം ചെയ്യുന്നു. സമയ നിഷ്ഠതയോടെയുള്ള വിതരണത്തിനും മികച്ച ഗുണനിലവാരത്തിനും ഞങ്ങൾ ഉറപ്പുനൽകുന്നു, കാരണം ഞങ്ങൾ കേരളത്തിലെ സുഗന്ധവ്യഞ്ജനങ്ങളുടെ ദേശത്തുനിന്നുള്ളവരാണ്!

ഞങ്ങളുടെ പ്രത്യേകതകൾ.
ഇന്റർനെറ്റ് ബാങ്കിംഗ്, ഡെബിറ്റ് കാർഡ്, ക്രെഡിറ്റ് കാർഡ്, പേടിഎം, അന്താരാഷ്ട്ര ഉപഭോക്താക്കൾക്കായി പേപാൽ എന്നിവ വഴി പേയ്‌മെന്റ് തിരഞ്ഞെടുക്കാനുള്ള ഓപ്ഷൻ
കുറഞ്ഞ വിലയും ഉയർന്ന നിലവാരവും, അന്താരാഷ്ട്ര ഡെലിവറി, സമയബന്ധിതമായ ഡെലിവറി.

5 മികച്ച അടുക്കള തോട്ടം കൃഷി വീഡിയോസ്

കൃഷി നമ്മുടെ അഭിനിവേശവും സംസ്കാരവുമാണ്. ഞങ്ങളുടെ അറിവിൽ നിന്നും അനുഭവത്തിൽ നിന്നും പരീക്ഷണങ്ങളിലൂടെയും നിരീക്ഷണങ്ങളിലൂടെയും പുതിയ കാർഷിക രീതികൾ സൃഷ്ടിക്കുന്നു. ജൈവകൃഷിപരിപാലനത്തിലൂടെ വീട്, പൂന്തോട്ടം, കൃഷിയിടങ്ങൾ എന്നിവിടങ്ങളിൽ താൽപ്പര്യമുള്ള ആളുകളെ വിളകളിലും പൂർണ്ണ പോഷകാഹാരത്തോടെ സഹായിക്കുന്ന പുനരുൽപ്പാദന കാർഷിക വിളകൾ സൃഷ്ടിക്കുന്നു. ഈ ലക്ഷ്യത്തോടെ പ്രമുഖ യൂട്യൂബ് വ്ലോഗർ ശ്രീമതി അനിത് തോമസ് ലൈവ് കേരള.കോം വഴി വ്ലോഗിംഗ് ആരംഭിച്ചു. കാർഷിക പ്രവർത്തനങ്ങൾ, പൂന്തോട്ടപരിപാലന ടിപ്പുകൾ, സ്വതന്ത്ര ജൈവകൃഷി, ജൈവ വളങ്ങൾ തുടങ്ങിയവയെപ്പറ്റി അവർ ആശയങ്ങൾ പങ്കിടുന്നു.

1. 45 ദിവസത്തിനുള്ളിൽ വെള്ളരിക്ക കൃഷിയും വിളവെടുപ്പും

നമുക്ക് ഏറ്റവും പരിചിതമായ പച്ചക്കറികളിലൊന്നാണ് കുക്കുമ്പർ, വ്യത്യസ്ത കാലാവസ്ഥയിലും വ്യത്യസ്ത മണ്ണിലും വെള്ളരി കൃഷി ചെയ്യാം, മണ്ണും മണലും കലർന്ന മണ്ണും ഉഷ്ണ കാലാവസ്ഥയും വെള്ളരികൃഷിക്ക് നല്ലതാണ്, ഇതിന്റെ വിളവെടുപ്പിന് ആയുസ്സ് കുറവാണ്, ഹൈബ്രിഡ് ഇനം വിത്തുകൾ ഉപയോഗിച്ചാൽ 45 ദിവസത്തിനുള്ളിൽ വിളവെടുക്കാം. കേരളത്തിൽ കൃഷി ചെയ്യുന്ന വിവിധതരം വെള്ളരി. അവയിൽ ചിലത് മുഡികോഡ്, അരുണിമ, സൗഭാഗ്യ എന്നിവ ഉയർന്ന വിളവ് നൽകുന്നു. വെള്ളരി കൃഷി ചെയ്യാൻ ഏറ്റവും അനുയോജ്യമായ സമയം ജനുവരി – മാർച്ച്, ഏപ്രിൽ – ജൂൺ, ഓഗസ്റ്റ് – സെപ്റ്റംബർ – ഡിസംബർ എന്നിവയാണ്. ഇവയിൽ ഫെബ്രുവരി-മാർച്ച് വെള്ളരിക്ക കൃഷിക്ക് ഏറ്റവും അനുയോജ്യമായ സീസണാണ്.

വിത്തുകൾ തിരഞ്ഞെടുക്കൽ
വിശവാസയോഗ്യമായ ഇടങ്ങളിൽ നിന്നും വിത്തുകൾ വാങ്ങുക, മോശം വിത്തുകൾ നമ്മുടെ ശ്രമം വൃഥാവിലാക്കും. ഹൈബ്രിഡ് വിത്തുകളാണ് ഏറ്റവും അഭികാമ്യം. വിത്തുകൾ സ്യുഡോമോണാസ് ലായനിയിൽ നാലഞ്ചു മണിക്കൂർ വയ്ക്കുന്നത് വിത്തുകൾ കൂടുതൽ ആരോഗ്യത്തോടെ വളരാൻ സഹായിക്കും. വിത്തുകൾ നേരിട്ടോ പറിച്ചുനട്ടോ ചെയ്യാം, നാലോ അഞ്ചോ വിത്തുകൾ ഒരു കുഴിയിൽ വിതയ്ക്കുന്നു.

കുക്കുമ്പർ വിത്ത് നടുന്നതും പരിപോഷിപ്പിക്കുന്നതും

കുക്കുമ്പർ കൃഷിയിടത്തിലും ഗ്രോബാഗിലും ചെയ്യാം. കൃഷിയിടം തയ്യാറാക്കാൻ – 60 സെന്റിമീറ്റർ വ്യാസവും 30-45 സെന്റിമീറ്റർ ആഴവുമുള്ള കുഴികൾ എടുക്കണം. ജൈവ വളങ്ങൾ വീട്ടു കൃഷിക്ക് ഉത്തമമാണ്. മണ്ണിന്റെ അമ്ലത കുറക്കാൻ മണ്ണിൽ ഒരുപിടി കുമ്മായം ചേർത്ത് കുറച്ചു വെള്ളമൊഴിച് ഒരാഴ്ച വയ്ക്കുക അതിന് ശേഷം കമ്പോസ്റ്റും ഉണങ്ങിയ ചാണകപ്പൊടിയും തുല്യ അനുപാതത്തിൽ മണ്ണുമായി യോജിപ്പിക്കുക അതിനോടൊപ്പം പറ്റുമെങ്കിൽ ഒരുപിടി വേപ്പിന്പിണ്ണാക്കും എല്ലുപൊടിയും അടിവളമായി ചേർത്ത് നന്നായി ഇളക്കി മണ്ണ് തയ്യചാക്കുക . വിത്ത് നട്ട് രണ്ട് മൂന്ന് ദിവസത്തിനകം മുളച്ചുവരും, രണ്ടാഴ്ചയ്ക്ക് ശേഷം ആരോഗ്യമുള്ള മൂന്നെണ്ണം നിർത്തി ബാക്കി നീക്കം ചെയ്യുക. വളർച്ചയുടെ പ്രാരംഭ ഘട്ടം മുതൽ ദിവസേന ജലസേചനം നടത്തുക. വളം പ്രയോഗിക്കുന്ന സമയത്ത് മണ്ണിന്റെ കളനിയന്ത്രണവും നടത്തുക. ആരോഗ്യകരമായ വളർച്ചയ്ക്കായി വെള്ളത്തിനൊപ്പം ജൈവ സ്ലറി പോലുള്ള ജൈവ വളങ്ങൾ ആഴ്ചതോറും ചേർക്കുക. ചാണകം അടി വളമായി നൽകുന്നത് കൂടാതെ വള്ളിവീശുമ്പോളും,പൂവിടുമ്പോളും ചാണകപ്പൊടിയിട്ടു കൊടുക്കുന്നത് നല്ലതാണ്, പൂവിട്ടുകഴിഞ്ഞു ആഴ്ചയിൽ പച്ചചാണകം കലക്കി ഒഴിക്കാം.

കുക്കുമ്പർ കീട നിയന്ത്രണം

കീട നിയന്ത്രണം ഇലയിലെ പുഴുക്കളും,കായീച്ചയും, വണ്ട്കളും ആണ് പ്രധാന ഉപദ്രവം വേപ്പണ്ണയും വേപ്പധിഷ്ഠിതമായുള്ള കീടനാശിനികൾ വെള്ളരിക്ക് വളരെ ഫലപ്രദമാണ്, വേപ്പെണ്ണ വെളുത്തുള്ളിമിശ്രിതം, ഗോമൂത്രം കാന്താരി, പപ്പായഇല സത്ത് എന്നിവ ഉപയോഗിക്കാം ,ചിലപ്പോൾ മീലിബഗ് ന്റെ ഉപദ്രവം കാണാറുണ്ട് അപ്പോൾ ടാഗ് ഫോൾഡർ തളിയ്ക്കും. സ്ഥിരമായ വളർച്ച ഉറപ്പാക്കാൻ സ്യൂഡോമോണസ് ലായനി (ഒരു ലിറ്റർ വെള്ളത്തിൽ 10 ഗ്രാം) പോലുള്ള ബയോ കീടനാശിനികൾ ഓരോ 15 ദിവസത്തിലൊരിക്കൽ തളിക്കാം. വിതച്ചു 45 ദിവസമാകുമ്പോഴേക്കും വിളവെടുക്കാൻ പാകമാകും കീടനാശിനി / കുമിൾനാശിനി പ്രയോഗത്തിന് 10 ദിവസത്തിനുശേഷം (കുറഞ്ഞത്) മാത്രമേ വിളവെടുക്കാവു. ഫലങ്ങൾ ഉപയോഗിക്കുന്നതിന് വെള്ളത്തിൽ നന്നായി കഴുകണം. ഏകദേശം 8-10 വിളവെടുപ്പ് നടത്താം

മല്ലി എളുപ്പം വീട്ടിൽ കൃഷി ചെയ്യാം, ഈ കാര്യങ്ങൾ ശ്രദ്ധിച്ചാൽ

മല്ലിയില പാചകത്തിനായി നമുക്ക് നിത്യേന ആവശ്യമുള്ള വസ്തുവായി മാറിയിരിക്കുന്നു . ഇവയെ നാം പൂർണമായും വാങ്ങുന്നതിനു മാർക്കറ്റുകളെയാണ് ആശ്രയിക്കുന്നത്. എന്നാൽ ഇവയെല്ലാം നാം തന്നെ ഉണ്ടാക്കി എടുക്കേണ്ട ഘട്ടത്തിലൂടെയാണ് നാം പോയിക്കൊണ്ടിരിക്കുന്നത്. സ്വന്തമായി ഒരു അടുക്കള തോട്ടം നിർമിക്കുവാൻ ഇതിലും നല്ലൊരു സമയം ഇനി ഇല്ലെന്നു തന്നെ പറയാം. കുറച്ചു കാര്യങ്ങൾ ശ്രദ്ധിച്ചാൽ മല്ലി ഇല എളുപ്പം വീട്ടിൽ തയ്യാറാക്കാം, എല്ലാ അടുക്കളത്തോട്ടത്തിനും മല്ലി വളർത്താം. ഇരുപത്തിയച്ചു ദിവസം ആകുമ്പോഴേക്കും മല്ലിയില കറിക്ക് ഉപയോഗിക്കാവുന്ന പരുത്തിൽ എത്തും.

ഗ്രോബാഗുകളിലോ ചട്ടികളിലോ മല്ലി വളർത്തുന്നതിനുള്ള രീതികൾ ഇവിടെ ചർച്ചചെയ്യുന്നു. മുളപ്പിച്ച മല്ലി പറിച്ചു നടാൻ പ്രയാസമാണ്. വേരോട്ടം ലഭിക്കുന്ന ഗ്രോബാഗുകളിലോ ചട്ടികളിലോ നട്ടുപിടിപ്പിക്കുന്നതാണ് നല്ലത്.

മല്ലി വിത്തുകൾ

മല്ലി വളർത്തുമ്പോൾ വിശ്വസനീയമായ ഉറവിടങ്ങളിൽ നിന്ന് എല്ലായ്പ്പോഴും വിത്ത് വാങ്ങുക, വിതയ്ക്കൽ ആവശ്യങ്ങൾക്കായി മല്ലി വിത്ത് വാങ്ങുക. മുളയ്ക്കുന്നതിന് വിശ്വാസയോഗ്യമാണെന്ന് ഉറപ്പാക്കിയ വിത്തുകൾ വാങ്ങുക. കടയിൽ നിന്നും കറിക്ക് വാങ്ങുന്ന എല്ലാ മല്ലിയും മുളക്കണമെന്നില്ല, അതിനാൽ മല്ലി വിത്തായി തന്നെ വാങ്ങുന്നതാണ് നല്ലത്. ഒരു മല്ലി വിത്തിൽ, സാങ്കേതികമായി രണ്ട് വിത്തുകൾ അടങ്ങിയിരിക്കുന്നു. അത് പൊളിച്ചാൽ രണ്ടുവിത്തുകിട്ടും, അവ ഓരോന്നും മല്ലി ചെടിയായി വളരും. മല്ലിവിത് ഒരുതുണിയിലിട്ട് ഒരു കുപ്പിയോ വടിയോ എടുത്ത് അധികം ബലം പ്രയോഗിക്കാതെ ഉരുട്ടുക അത് രണ്ടയായി പിളർന്നുകിട്ടും
മല്ലി മുളപ്പിക്കാം

വേരോട്ടം കിട്ടുന്ന പാത്രത്തിലോ ഗ്രോബാഗിലോ മല്ലി വിതക്കാം, അതിനായി നടീൽ മിശ്രിതം തയ്യാറാക്കണം. മണ്ണും മണലും ഉള്ള മണ്ണിൽ കൃഷി ചെയ്യാൻ ഉത്തമമാണ്. മണ്ണിന്റെ അമ്ലത കുറക്കാൻ കുമ്മായംചേർത്തു മണ്ണ് ഇളക്കുക ഒരാഴ്ചക്ക് ശേഷം കമ്പോസ്റ്റും ഉണങ്ങിയ ചാണകപ്പൊടിയും തുല്യ അനുപാതത്തിൽ മണ്ണുമായി യോജിപ്പിക്കുക അതിനോടൊപ്പം അടിവളമായി വേപ്പിന്പിണ്ണാക്കും എല്ലുപൊടിയും ചേർത്ത് നന്നായി ഇളക്കി മണ്ണ് തയ്യാറാക്കുക. മല്ലി വിത്ത് ഒരുദിവസം സ്യൂഡോമോണസ് ലായനിയിലോ കട്ടന്ചായയിലോ ഒരു ദിവസം വയ്ക്കുക, അത് വിത് കൂടുതൽ കരുത്തോടെ മുളക്കാൻ സഹായിക്കും. തയ്യാറാക്കിയ മണ്ണിൽ വിത്തുകൾ വരിവരിയായി വിതറുക, കുറച്ചുമണ്ണ് മുകളിൽ വിതറുക ശേഷം വെള്ളം സ്പ്രൈ ചെയ്തുകൊടുക്കുക ദിവസവും നന ചെറിയരീതിയിൽ മാത്രം നടത്തുക വിത്ത് മുളയ്ക്കാൻ ഏഴ് മുതൽ പതിനഞ്ച് ദിവസം വരെ എടുക്കും. വിത്ത് മുളയ്ക്കുന്നതിൽ പ്രശ്നമുള്ളവരുമുണ്ട്. ഇനിപ്പറയുന്ന കാരണങ്ങളാൽ മല്ലി വിത്ത് മുളയ്ക്കാത്തതിന്റെ കാരണങ്ങൾ, ഗുണനിലവാരമില്ലാത്ത വിത്തുകൾ, വിത്ത് വിതച്ചതിനു ശേഷം വെള്ളം അധികമായി ഉപയോഗിച്ചത് വഴി, പഴകിയ വിത്തുകൾ.

മല്ലി ചെടി പരിചരണം

മുള ആരംഭിക്കുമ്പോൾ, അവർക്ക് നല്ല അളവിൽ സൂര്യപ്രകാശം ലഭിക്കുന്നുണ്ടെന്ന് ഉറപ്പാക്കുക. എന്നാൽ തീക്ഷ്ണമായ വെയിൽ അനുവദിക്കരുത്. വളരെ ചെറിയ അളവിലേ വെള്ളം ആവശ്യമുള്ളു ആദ്യഘട്ടം സ്പ്രൈ ചെയ്തുകൊടുക്കുന്നതാണ് നല്ലത്. കൂടുതൽ തിങ്ങിനിറഞ്ഞതാണ് വളരുന്നതെങ്കിൽ കുറച്ചു കത്രിക ഉപയോഗിച്ച് വളർച്ചക്കനുസരിച്ചു മുറിച്ചുമാറ്റുക. മല്ലിക്ക് കീടബാധ വളരെക്കുറവാണ് എന്നാലും മല്ലി ചെടികൾ വളരാൻ തുടങ്ങുമ്പോൾ സസ്യങ്ങളെ ശ്രദ്ധിക്കുകയും കീടങ്ങൾ, രോഗങ്ങൾ, കുറവുകൾ എന്നിവ നോക്കുകയും ചെയ്യുക. മല്ലി ചെടികൾ ഒരിക്കലും വരണ്ടുപോകാൻ അനുവദിക്കരുത്, അവ വളരെ സെൻസിറ്റീവ് ആണ്, മാത്രമല്ല വളരുന്ന കാലയളവിൽ ഉണ്ടാകുന്ന സമ്മർദ്ദവും അവ നശിക്കാൻ ഇടയാക്കും.

മല്ലിയില്ല വിളവെടുക്കാം

നടീലിനു ഏകദേശം നാലാഴ്ചയോളം അവയ്ക്ക് ധാരാളം ഇലകൾ ഉണ്ടാകും, അവ വിളവെടുക്കാം. ഇത് വീട്ടു ആവശ്യങ്ങൾക്കായി കൃഷി ചെയ്യുകയാണെങ്കിൽ, നമുക്ക് നേരത്തെ വിളവെടുപ്പ് ആരംഭിക്കാം.

3. വീട്ടിൽ പച്ചമുളക് വളർത്താനുള്ള എളുപ്പവഴി

ഇപ്പോൾ ധാരാളം ആളുകൾ വീട്ടിൽ പച്ചക്കറികൾ വളർത്താൻ തുടങ്ങി, നിങ്ങൾക്കും കഴിയും. പച്ചമുളക്? മിക്കവാറും എല്ലാ കേരള പാചകത്തിലും അവശ്യ ഘടകമാണ്. എളുപ്പമുള്ള രീതിയിൽ മുളക് കൃഷിക്ക് അനുയോജ്യമായ തുടക്കമാണിത്. പച്ചമുളക് വളർത്തലും പരിപാലനവും നാൽപത്തിയഞ്ച് ദിവസത്തിനുള്ളിൽ പൂവിടുമ്പോൾ.

മുളക് വിത്ത് നടലും പരിചരണവും

നടുന്നതിന് നല്ല ഗുണമേന്മയുള്ള വിത്ത് ഉപയോഗിക്കുക. മുളക് നേരിട്ടോ മുളച്ച തയ്യായോ കൃഷിചെയ്യാം വിത്ത് മുളപ്പിക്കുന്നതിന് ഒരുപാത്രത്തിൽ പോട്ടിങ് മിശ്രിതം നിറച് വിത്ത് വിതക്കാം , അതിനുമുമ്പ് വിത്ത് കൂടുതൽ കരുത്തോടെ വളരാൻ സ്യൂഡോമോണസിൽ ലായനിയിൽ ആറു മണിക്കൂർ ഇട്ടു വയ്ക്കുക എന്നിട്ടുവേണം വിത്ത് നടാൻ . രണ്ടുമൂന്നു ദിവസ കൊണ്ട് വിത്തുകൾ മുളച്ചുവരും. നാലില പ്രായമാകുമ്പോൾ പറിച്ചുനടാം. മണ്ണിലോ ഗ്രോ ബാഗിലോ ചെറിയ ചിട്ടികളിലോ നടാം. നടുന്നതിനുമുമ്പ് മണ്ണ് തയ്യാറാക്കണം. ഒരാഴ്ചമുന്നേ കുമ്മായം ഉപയോഗിച്ചു ട്രീറ്റ് ചെയത മണ്ണിൽ വേണം നടാൻ, ചെടിച്ചട്ടികളിലോ പ്ളാസ്റ്റിക് ഗ്രോബാഗുകളിലോ 1:1:1 അനുപാതത്തില്‍ ജൈവാംശമുള്ള മേല്‍മണ്ണ്, മണല്‍, ഉണക്ക് ചാണകപൊടി എന്നിവ ചേര്‍ത്ത് തയ്യാറാക്കണം. കമ്പോസ്റ്റും അടിവളങ്ങളും നിറചതിനുശഷം ചെടികൾ പറിച്ചുനടാം. മിതമായ രീതിയിൽ സൂര്യപ്രകാശം കിട്ടുന്നിടത്തു കുറച്ചു ദിവസം വയ്ക്കുക, ദിവസവും ചെറിയരീതിയിൽ വെള്ളമൊഴിച്ചുകൊടുക്കുക. ചെടികൾക്കിടയിൽ അവയ്‌ക്ക് മതിയായ ഇടം ആവശ്യമുണ്ട് എന്ന് ഉറപ്പാക്കിവേണം ചെടികൾ നടാൻ, ചെടികൾ വളരാൻ തുടങ്ങിയാൽ ഏകദേശം 6-8 മണിക്കൂർ സൂര്യപ്രകാശം നേരിട്ട് കിട്ടണം.

മുളക് ചെടിയിലെ കീടനിയന്ത്രണം
ജൈവകൃഷിക്ക് വേപ്പിനെ അടിസ്ഥാനമാക്കിയുള്ള കീടനാശിനികൾ മുളക് ഈച്ചകൾക്ക് വളരെ ഫലപ്രദമാണ്, സ്യൂഡോമോണസ് ലായനി പോലുള്ള ബയോ കീടനാശിനികൾ വിത്ത് നടക്കുന്ന സമയത്തും ചില ഇടവേളകളിൽ വളരുന്ന സമയത്തും ഉപയോഗിക്കാം.ചിലതരം വണ്ടുകള്‍ ഇലയില്‍നിന്നും തണ്ടില്‍നിന്നും നീരൂറ്റിക്കുടിക്കാറുണ്ട്. മുഞ്ഞ, വെള്ളീച്ച, മിലിമൂട്ട, പച്ചത്തുള്ളന്‍, ഇലപ്പേന്‍, ഇലചുരുട്ടി തുടങ്ങിയ കീടങ്ങളും പച്ചക്കറിയില്‍നിന്ന് നീരൂറ്റിക്കുടിച്ച് നശിപ്പിക്കും. ഇലകള്‍ വാടി ആരോഗ്യം ക്ഷയിച്ച് ചെടി നശിക്കും. കീടനിയന്ത്രണത്തിന് ഒരുശതമാനം വീര്യമുള്ള വേപ്പിന്‍കുരു സത്ത്, 25% വീര്യമുള്ള വെപ്പെണ്ണ ലായനി, പുകയില കഷായം എന്നിവ ഉണ്ടാക്കി തളിക്കുക. ബ്യൂവേറിയ ബാസിയാന എന്ന ജൈവ കീടനാശിനി 10 ഗ്രാം ഒരുലിറ്റര്‍ വെള്ളത്തില്‍ കലര്‍ത്തി തളിക്കുക.

വിളവെടുപ്പ്: മുളക് വിളവെടുക്കാൻ തയ്യാറാകാം , രണ്ടുമാസം മുതൽ വർഷം മുഴുവൻ മുളകിൽ നിന്നും വിളവെടുക്കാം. മുളക് പച്ചയായി പഴുത്തും വിളവെടുക്കാം, പച്ചമുളക് നേരിട്ടും പഴുത്ത് ഓണക്കിപൊടിച്ചും ഉപയോഗിക്കാം.

4. കറിവേപ്പില സുലഭമായി ലഭിക്കാൻ

കേരള വിഭവങ്ങൾ തയ്യാറാക്കുന്നതിൽ കറിവേപ്പില ഒരു പ്രധാന പങ്ക് വഹിക്കുന്നു.

കാലാവസ്ഥയും മണ്ണും: ഇതിന് ഒരു പ്രത്യേക കാലാവസ്ഥ ആവശ്യമില്ല, വരണ്ട കാലാവസ്ഥയിലും വളരാം, ഇളം ചുവന്ന മണ്ണിൽ ഇത് നന്നായി വരുന്നു. കറിവേപ്പില ചെടിക്ക് പൂർണ്ണമായൊ ഭാഗികമയോ സൂര്യപ്രകാശത്തിൽ വരെ വളരുന്നു, ഇത് വേണമെങ്കിൽ ഗ്രോ ബാഗാസിലും ചട്ടിയിലും വളർത്താം, ഇതിന് അല്പം കുമ്മായം ചേർത്ത് അമ്ലതം കുറച്ച മണ്ണിൽവേണം നടാൻ . ഉണക്ക ചാണകം / കമ്പോസ്റ്റ് എന്നിവ ചേർത്ത് നല്ല പോട്ടിംഗ് മിശ്രിതവും മണൽ ചേർത്ത മണ്ണും ആവശ്യമാണ്. ഫെബ്രുവരി മുതൽ മാർച്ച് വരെയാണ് ചെടി വളർത്താനുള്ള ഏറ്റവും നല്ല സമയം.

നടലും പരിചരണവും

കറിവേപ്പില ചെടി വിത്തുകളിൽ നിന്നോ വേരിൽ നിന്നോ വളർത്താം. നിങ്ങൾ ഒരു വിത്തിൽ നിന്ന് ചെടി വളർത്തുകയാണെങ്കിൽ, സ്ഥിരമായ വളർച്ചയ്ക്ക് 1-2 വർഷമെടുക്കും. ഗ്രോ ബാഗിലോ ചട്ടിയിലോ ഒരു നഴ്സറി പ്ലാന്റ് നടുന്നത് കൂടുതൽ ഉചിതമായിരിക്കും. തണ്ടുകളിൽ നിന്നും വിത്തുകളിൽ നിന്നും കറിവേപ്പില വളർത്താം, വിത്ത് മുളപ്പിച്ചു നേടുന്നതാണ് സാധാരണ രീതി.
ഒരു നഴ്സറിയിൽ നിന്ന് ഒരു കറിവേപ്പില ചെടി വാങ്ങുന്നത് നേട്ടങ്ങൾ വേഗത്തിൽ കൊയ്യുന്നതിനുള്ള മികച്ച മാർഗമാണ്. പൊതുവേ, കറിവേപ്പില സസ്യങ്ങൾ സാവധാനത്തിൽ വളരുന്നു, ഇത് വർഷത്തിൽ 6 ഇഞ്ച് ഉയരത്തിൽ എത്തും. ജൈവ രീതിയിലുള്ള വളപ്രയോഗങ്ങൾ നിശ്ചിത ഇടവേളകളിൽചെയ്യുക, അതിനു ഉണങ്ങിയ ചാണകപ്പൊടിയും, ജൈവസ്ലറിയും മാറിമാറി പ്രയോഗിക്കുക.

കീടനിയന്ത്രണം

കറി ഇല ചെടിയെ സാധാരണയായി കീടങ്ങളോ രോഗങ്ങളോ ബാധിക്കില്ല. എന്നാൽ ചില സമയങ്ങളിൽ വെളിച്ചയുടെ ആക്രമണം ഇലകൾക്ക് കേടുപാടുകളുണ്ടാക്കും, കഞ്ഞിവെള്ളവും, വേപ്പെണ്ണയും ഇടവിട്ടുപ്രായോഗിച്ചാൽ അതിനൊരു പരിഹാരമാകും.

കഞ്ഞിവെള്ളം ഇലകളിൽ തളിച്ച് കൊടുക്കുന്നതും, ചുവട്ടിൽ ഒഴുച്ചുകൊടുക്കുന്നതും സമൃദ്ധമായി വളരാൻ സഹായിക്കും, അതുപോലെ തന്നെയാണ് തൈരും അരികഴുകിയ വെള്ളവും ചെടികൾക്കുപയോഗിക്കുന്നത് വളരെ ഫലവത്താണ്.

ഇലകൾ സമൃദ്ധമായി വളരാൻ തുടങ്ങിയാൽ നമ്മുടെ ആവശ്യത്തിന് പറിച്ചെടുത്തു തുടങ്ങാം. ഇലകൾ കൊമ്പോടുകൂടി ഒടിച്ചെടുക്കുന്നതാണ് ചെടിക്കു നല്ലത് അപ്പോൾ അത് കൂടുതൽ ശാഖകളോട് കൂടി വളരും .

5. പയർ കൃഷിയും പരിചരണവും

വർഷം മുഴുവനും വളരുന്ന പച്ചക്കറിയാണ് പയർ , കനത്ത ചൂടും കനത്ത മഴയും ഒരു വെല്ലുവിളിയാണ്. പയറിനെ മലയാളികൾക്ക് വളരെ ഇഷ്ടമാണ്. എത്രമാത്രം വിളവെടുക്കുന്നുണ്ടെങ്കിലും അത് മതിയാകില്ല. എല്ലാ സീസണിലും പയർ കൃഷിചെയ്യാം, പക്ഷേ വ്യത്യസ്ത സീസണുകളിൽ ഉപയോഗിക്കുന്ന വ്യത്യസ്ത തരം വിത്തുകളെ സീസണിനെ ആശ്രയിച്ചിരിക്കുന്നു.

പയർ വിത്തുകൾ:

കേരളത്തിൽ പലതരം പയറുകൾ കൃഷി ചെയ്യുന്നുണ്ട് , അവയിൽ ചിലത് കുറ്റിപയർ, വള്ളിപയർ, സാധാരണ തരത്തിലുള്ള പന്തലിൽ കയറ്റിവിടുന്ന’പയർ എന്നിവയാണ്. കനത്ത മഴയ്ക്കും വേനൽക്കാലത്തിനും ശേഷമാണ് കേരളത്തിലെ കൃഷിക്ക് ഏറ്റവും അനുയോജ്യം, ഓരോ സീസണിലും വ്യത്യസ്ത തരം വിത്തുകൾ ഉപയോഗിക്കുന്നു.

മണ്ണ്: പയർ വ്യത്യസ്തമായാ മണ്ണിൽ കൃഷി ചെയ്യാമെങ്കിലും കേരളത്തിലുടനീളം പയർ കൃഷി ചെയ്യുന്നു. ഇത് വീട്, കൃഷിയിടങ്ങൾ, അടുക്കളത്തോട്ടം മുതലായവയിലും ഗ്രോ ബാഗുകളിലും ചട്ടികളിലും ചെയ്യാം. ആദ്യപടി മണ്ണ് തയ്യാറാക്കുന്നു, അതിനായി മണ്ണിൽ കുമ്മായം ചേർത്ത് മണ്ണിന്റെ അസിഡിറ്റി കുറയ്ക്കുകയും മണ്ണിൽ കുമ്മായം ചേർത്ത് ഒരാഴച വയ്ക്കുക . മണ്ണിനെ ജൈവ സമ്പുഷ്ടമാക്കിയാൽ നല്ല വിളവ് ലഭിക്കും , മണ്ണ്, ചാണകം, കമ്പോസ്റ്റ് എന്നിവ 2: 1: 1 എന്ന അനുപാതത്തിൽ സംയോജിപ്പിക്കുക, കൂടാതെ മണ്ണിന് അടിസ്ഥാന വളമായി ഒരു പിടി എല്ലുപൊടിയും വേപ്പിന്പിണ്ണാക്കും ചേർക്കുക.

നടൽ : നല്ല വിളവ് ലഭിക്കുന്ന വിശ്വസനീയമായ സ്രോതസ്സുകളിൽ നിന്ന് വിത്ത് വാങ്ങുക, കൂടാതെ വിത്തിന്റെ തരം, കൃഷി ചെയ്യേണ്ട സീസൺ എന്നിവയും ശ്രദ്ധിക്കുക. നിങ്ങൾ കൃഷിസ്ഥലത്താണ് ചെയ്യുന്നതെങ്കിൽ വിത്തുകൾ ഒരു ക്രമത്തിൽ വിതറി വിത്ത് വിതയ്ക്കാം, അത് ഗ്രോ ബാഗുകളിലാണെങ്കിൽ നിങ്ങൾക്ക് അത് നേരിട്ട് ചെയ്യാം അല്ലെങ്കിൽ വിത്തുകൾ ട്രേയിൽ വിതയ്ക്കാം. മുളച്ച ശേഷം രണ്ടോ മൂന്നോ ഇലകൾ വന്നതിനു ശേഷം ഗ്രോബാഗിലേക്കു പറിച്ചുനടാം.

വളർച്ചാ ഘട്ട പരിപാലനം

ആവശ്യത്തിന് സൂര്യപ്രകാശം ലഭിക്കുന്നുണ്ടെന്ന് ഉറപ്പാക്കുക. വെള്ളം ആവശ്യത്തിന് ഉറപ്പാക്കുക, സാധാരണയായി പയറിന് വലിയ അളവിൽ വെള്ളം ആവശ്യമില്ല. ജൈവസ്ലറി , കടലപ്പിണ്ണാക്ക് വെള്ളത്തിൽ കുതിർത്തി തെളി, ഉണങ്ങിയ പശു ചാണകം, നേർപ്പിച്ച പശു മൂത്രം തുടങ്ങിയ ജൈവ വളങ്ങൾ കൃത്യമായ ഇടവേളകളിൽ നൽകുക.

കീട നിയന്ത്രണം

പ്രാണികളെ വളരെയധികം ശ്രദ്ധിക്കണം, സാധാരണ പയറിന് മറ്റ് സസ്യങ്ങളെ അപേക്ഷിച്ച് പ്രാണികളുടെ ആക്രമണം കൂടുതലാണ്. ഇവ പ്രധാനമായും മുഞ്ഞ , ചാഴി, പുഴുക്കൾ തുടങ്ങിയവയാണ്. വേപ്പ് എണ്ണ, വെളുത്തുള്ളി എന്നിവ ഇവയെ പ്രതിരോധിക്കാൻ പര്യാപതമാണ്. കീടങ്ങളെ നിയന്ത്രിച്ചില്ലെങ്കിൽ, വിളവിൽ ഗണ്യമായ കുറവുണ്ടാകും.

രോഗങ്ങൾ

ബാക്ടീരിയ, ഫംഗസ് രോഗങ്ങൾ നിരീക്ഷിക്കുകയും വേണം. നേർപ്പിച്ച സ്യൂഡോമോണസ് ലായനി ഇടവേളകളിൽ മണ്ണിൽ ഒഴിച്ച് അവയെ സംരക്ഷിക്കുക.

സാധാരണയായി മറ്റെല്ലാ സസ്യങ്ങളെയും പോലെയാണ് പയറിനും വെള്ളവും വളവും. മിതമായ ജലവിതരണത്തിൽ 45 മുതൽ 50 ദിവസത്തോടെ വിളവെടുക്കാം .ഇത് 60 ദിവസം വരെ ആകാം. ലാഭമുണ്ടാകാൻ ഒരു സെന്റിൽ നിന്ന് 60 കിലോഗ്രാം വിളവെടുക്കണം.

കൂടുതൽ അടുക്കളത്തോട്ടം വീഡിയോകൾക്കായി https://www.youtube.com/channel/UCcnKSVRaPkP5eCDBNFLTZEw

പയർ – കൃഷിയും പരിചരണവും കേരളത്തിലെ വീട്ടുമുറ്റത്തും

പയർ – കേരളത്തിലെ വീട്ടുമുറ്റത്തും ടെറസിൽ പോലും എളുപ്പത്തിൽ കൃഷിചെയ്യാം, അവശ്യ പ്രോട്ടീൻ അടങ്ങിയ പച്ചക്കറി.

ഒരു നല്ല പ്രോട്ടീൻ സമ്പുഷ്ടമായ പച്ചകറി :

നല്ല മാംസ്യസമ്പുഷ്ടമായതിനാൽ പയർ നമ്മുടെ നിത്യഭക്ഷണത്തിൽ ഒഴിച്ചുകൂടാനാവാത്ത ഒരു വിഭവമാണ്. പയർ നമ്മുടെ കാലാവസ്ഥയ്ക്കും പ്രദേശത്തിനും ഏറ്റവും അനുയോജ്യമായ വിളയാണ്. വള്ളിപ്പയർ, കുറ്റിപ്പയർ, വൻപയർ, മമ്പയർ, അച്ചിങ്ങാ പയർ തുടങ്ങിയ പല പേരിലും, ഇനത്തിലും പയർ അറിയപ്പെടുന്നു. പയർ കൃഷി ചെയ്യുന്നത് മണ്ണിന്റെ ഫലപുഷ്ടി വർധിക്കുന്നതിന് സഹായിക്കും. അടുക്കളത്തോട്ടത്തിലും, തെങ്ങിൻതോപ്പുകളിലും, വിളവെടുപ്പ് കഴിഞ്ഞ പാടങ്ങളിലും പയർ വിതയ്ക്കാറുണ്ട്. വീട്ടുവളപ്പിൽ എല്ലാ കാലത്തും പയർ കൃഷി ചെയ്യാം. വേനൽ കൃഷിയാണ് ഏറ്റവും മെച്ചം.

പയർ നടുന്ന വിധം:

വിളവ് എടുത്ത് 30 ദിവസമായ പയർമണി വിത്തിനായി ഉപയോഗിക്കാം. പയർ വിത്ത് നടുന്നതിന് ആറ് മണിക്കൂർ മുമ്പ് വെള്ളത്തിൽ ഇടണം. പയർ വിത്ത് കൂടുകളിലോ,, കപ്പുകളിലോ, മുളപ്പിച്ചെടുക്കുക. മുളപ്പിച്ച് രണ്ടാഴ്ച പ്രായമായ തൈകൾ പറിച്ച് മാറ്റി നടാവുന്നതാണ്. പയർ വിത്ത് വെള്ളത്തിൽ ഇടുമ്പോൾ തന്നെ നടേണ്ട സ്ഥലം ഒരുക്കേണ്ടതാണ്. പറിച്ചു നടുന്നതിന് രണ്ടാഴ്ച മുമ്പ് നടേണ്ട തടത്തിൽ കുമ്മായം ചേർത്ത് മണ്ണിലെ പുളിരസം മാറ്റുക. നടുന്നതിന് മൂന്ന്, നാല് ദിവസം മുമ്പ് ചാണകപ്പൊടി, എല്ലുപൊടി, വേപ്പിൻപിണ്ണാക്ക് എന്നിവ മണ്ണുമായി നന്നായി യോജിപ്പിച്ച് ദിവസം രണ്ടു നേരം നനച്ചു കൊടുക്കുക. നടുവിലായി തൈ നട്ടു വയ്ക്കുക. ദിവസവും പയർചെടി നനച്ചു കൊടുക്കുക. പയർ പടരാനുള്ള സൗകര്യമൊരുക്കണം.

വളപ്രയോഗവും ജലസേചനവും :

വളപ്രയോഗം, ജലസേചനം ഇതു രണ്ടും തുടക്കം മുതലേ ശ്രദ്ധിക്കണം. ചെടിയുടെ വളർച്ചയിൽ ജൈവവളങ്ങൾ വളരെ പ്രധാനപ്പെട്ടതാണ്. മണ്ണിലെ സൂക്ഷ്മാണുക്കളുടെ വളർച്ചയ്ക്കും ജലാംശം പിടിച്ചു നിർത്തുന്നതിനും, രാസവളങ്ങൾ ആഗിരണം ചെയ്യുന്നതിനും മണ്ണിൽ ജൈവവളങ്ങൾ സമ്പുഷ്ട മായിരിക്കണം.

പയർ കൃഷിയിൽ ജലസേചനത്തിന്റെ കൂടുതൽ, കുറവുകൾ ചെടിയുടെ വളർച്ചയെ പ്രതികൂലമായി ബാധിക്കും. നല്ല വിളവിന് കൃത്യമായ ജലസേചനം ഉറപ്പുവരുത്തണം. തടത്തിൽ വെള്ളം കെട്ടിനിൽക്കുന്നത് ഒഴിവാക്കണം. ജൈവസ്ലറി ആഴ്ചയിലൊരിക്കൽ ഒഴിച്ചുകൊടുക്കുകയും, ജീവാമൃതം 2 ആഴ്ച കൂടുമ്പോൾ ചേർത്തുകൊടുക്കുകയും ചെയ്താൽ പയർ വേഗം വളരുന്നതായി കാണാം. ഫിഷ്അമിനോ പയർ ചെടി നന്നായി പൂവിടുന്നതിനും, ചാഴി ശല്യം മാറുന്നതിനും വളരെ നല്ലതാണ്.

കീടബാധയകറ്റൽ :

മഴയുള്ളപ്പോഴും, നല്ല തണുപ്പുള്ള സമയത്തും പയറിനെ ബാധിക്കുന്ന രോഗമാണ് വെള്ളീച്ച . ഇലകളിൽ ചെറിയ കുത്തുകൾ പോലെ കാണുകയും, അതിനെത്തുടർന്ന് പൗഡർ ഇട്ടതു പോലെ ഫംഗസ് ഇലകളിലും തണ്ടിലും കാണപ്പെടുന്നു. അവസാനം ഇലകൾ മഞ്ഞ നിറത്തിലാവുകയും നശിച്ചു പോവുകയും ചെയ്യുന്നു. ഈ രോഗം ബാധിച്ചാൽ വിളവ് വളരെ കുറയുന്നതായും കാണുന്നു. ജൈവകീടനാശിനികളാണ് രോഗം നിയന്ത്രിക്കുന്നതിന് ഏറ്റവും നല്ലത്
വേപ്പധിഷ്ഠിത കീടനാശിനികൾ വളരെ ഫലപ്രദമാണ്. ഇവ കൃത്യമായ ഇടവേളകളിൽ ഉപയോഗിക്കണം. കോപ്പർ ഓക്സിക്ലോറൈഡ് രണ്ട് ഗ്രാം ഒരു ലിറ്റർ വെള്ളത്തിൽ ചേർത്ത് സ്പ്രേ ചെയ്യുകയാണെങ്കിൽ ഈ രോഗത്തെ നിയന്ത്രിക്കാം.

വിളവെടുപ്പ് സമയം ആകുമ്പോഴാണ് പ്രധാനമായും ചാഴി ശല്യം കണ്ടു തുടങ്ങുന്നത്. മത്തി തോട്ടത്തിന്റെ വിവിധഭാഗങ്ങളിൽ തൂക്കിയിടുന്നത് ഒരു പരിധിവരെ ചാഴിയെ അകറ്റുന്നു. ചാഴിയെയും, ഇലചുരുട്ടിപ്പുഴുവിനെയുംവേപ്പെണ്ണ എമൽഷൻ തളിച്ചുകൊടുത്ത് നിയന്ത്രിക്കാം. പയർ കൃഷി ചെയ്യുന്നിടത്ത് ബന്ദി ചെടി നട്ടുവളർത്തുന്നത് ചാഴിയെ അകറ്റുന്നതായി കാണുന്നു.

ചിത്ര കീടത്തെ അകറ്റാൻ വേപ്പെണ്ണ വെളുത്തുള്ളി മിശ്രിതം തളിക്കുക. കായ് തുരപ്പനെ അകറ്റാൻ 100 മില്ലി ഗോമൂത്രം 9 ഇരട്ടി വെള്ളത്തിൽ ചേർത്ത് അതിൽ അഞ്ച് ഗ്രാം കായവും, പത്തുഗ്രാം കാന്താരി സത്തും ചേർത്ത് തളിക്കുക. പയർ ചെടി സാധാരണയായി 45 – 50 ദിവസത്തിനുള്ളിൽ പൂവിടും. പെട്ടെന്ന് പൂവിടുന്നത് പയറിലെ ഇലകൾ 10% മുറിച്ചുനീക്കി അതിനുശേഷം അഞ്ച് ഗ്രാം സ്യൂഡോമോണസ് ഒരു ലിറ്റർ വെള്ളത്തിൽ കലർത്തി സ്പ്രേ ചെയ്യുക.

രോഗപ്രതിരോധ ശേഷിയുള്ള വിത്തുകൾ ഉപയോഗിക്കുക, കൃഷിക്ക് സൂര്യപ്രകാശം കിട്ടുന്ന സ്ഥലം തിരഞ്ഞെടുക്കുക, കൃഷിയിടത്തിൽ വായു പ്രവാഹം കടന്നു പോകുന്നത് സാഹചര്യം ഉണ്ടാക്കുക, രോഗബാധ ശ്രദ്ധയിൽ പെടുമ്പോൾ തന്നെ ഇലകൾ നശിപ്പിക്കുക, കൃഷിസ്ഥലം വൃത്തിയായി സൂക്ഷിക്കുക എന്നീ മുൻ കരുതലുകൾ സ്വീകരിച്ചാൽ പയർകൃഷി വിജയകരമായി തീരും.

കൂടുതൽ കൃഷി വിഡിയോകൾക്കായി: https://youtu.be/R7tdcnJj1f4
https://www.youtube.com/channel/UCcnKSVRaPkP5eCDBNFLTZEw