ബീൻസ് വേനൽക്കാലത്തും കൃഷി ചെയ്യാം

ധാരാളം പോഷകഗുണമുള്ള ബീൻസ് നമ്മുടെ വീട്ടിൽ നല്ലതുപോലെ വളർത്താൻ കഴിയും. പലർക്കും നമ്മുടെ നാട്ടിൽ ബീൻസ് വളരുമോ എന്ന് സംശയമുണ്ടായിരുന്നു. എന്നാൽ ഇന്ന് ആ ധാരണ മാറി. വലിയ പരിചരണം ഒന്നും ഇതിനാവശ്യമില്ല. കൃഷി ചെയ്യാൻ വളരെ എളുപ്പവുമാണ്.

ബീൻസ് കൃഷി ചെയ്യാൻ എന്ത് എളുപ്പം!

വിത്ത് കുതിർക്കേണ്ട ആവശ്യമില്ല, നേരിട്ട് മണ്ണിൽ നടാം. വിത്തിനെക്കാൾ കുറച്ചു താഴ്ചമതി. ഗ്രോ ബാഗിലും കൃഷി ചെയ്യാം. ആദ്യം മണ്ണിൽ നന്നായി ചാരം, ചാണകപ്പൊടി, എല്ലുപൊടി, വേപ്പിൻ പിണ്ണാക്ക്, എന്നിവ ചേർത്ത് ഇളക്കി ഗ്രോ ബാഗിൽ നിറയ്ക്കാം. വശങ്ങളിൽ താങ്ങിനായി ചെറിയ കമ്പുകൾ നടാം. ബീൻസ് ചെടിയെ വീണുപോകാതെ പരിരക്ഷിക്കാനാണിത്.

ഗ്രോ ബാഗ് കുറച്ചു വെയിൽ കൊള്ളുന്ന വിധത്തിൽ വെക്കാം. രാവിലെയും വൈകീട്ടും നനയ്ക്കാം. 4 മുതൽ 5 ദിവസം വരെ ആകുമ്പോൾ വിത്തുകൾ മുളക്കും. രണ്ടാഴ്ച കഴിയുമ്പോൾ പുതയിട്ടുകൊടുക്കാം. ഇടയ്ക്കു എല്ലുപൊടിയും ചാരവും ചേർത്തുകൊടുക്കാം. കുമ്മായം ചേർത്ത മണ്ണിട്ടുകൊടുക്കാം. വേരുപിടിക്കാൻ ഇതു നല്ലതാണ്. കടലപ്പിണ്ണാക്ക് പുളിപ്പിച്ചു ഒഴിച്ച് കൊടുക്കുന്നതും നല്ല കായ ഫലം തരും. മൂപ്പെത്തുമ്പോൾ തന്നെ പറിക്കാം. പ്രോട്ടീനും വിറ്റാമിനുകളും അടങ്ങിയ ബീൻസ് അടുക്കളത്തോട്ടത്തിൽ തിർച്ചയായും നട്ടുപിടിപ്പിക്കണം. വിത്തുകൾ വാങ്ങുമ്പോൾ ഗുണമേന്മയുള്ളവ തന്നെ വാങ്ങാൻ ശ്രദ്ധിക്കണം.

മഹാ അഗ്രിൻ വിത്തുകൾ