ആരോഗ്യത്തിനായി ഏതെല്ലാം പച്ചക്കറികൾ കഴിക്കണം

നാം ഭക്ഷണം കഴിക്കുന്നത് ആരോഗ്യത്തിനുവേണ്ടിയാണ്. നമ്മുടെ ആരോഗ്യം നിലനിർത്താനും പ്രതിരോധ ശക്തി വർദ്ധിപ്പിക്കാനും ആവശ്യമായ പച്ചക്കറികൾ എന്നും കഴിക്കേണ്ടത് അത്യാവശ്യമാണ്.

പച്ചക്കറികൾക്ക് പൊള്ളുന്ന വിലയുള്ള ഇക്കാലത്തു ഇത് എല്ലാവർക്കും പറ്റുമോ? പോഷകമൂല്യമുള്ള പച്ചക്കറികൾ വിലകൊടുത്തു വാങ്ങാതെ നമ്മുടെ വീട്ടിൽ തന്നെ നട്ടുപിടിപ്പിച്ചാൽ പോരെ? ഒരേ സമയം നല്ല പോഷകമുള്ള ഭക്ഷണവും, കുറച്ചു വ്യായാമവും ആകും. കൂടുതൽ പച്ചക്കറിയുണ്ടെങ്കിൽ വിൽക്കുകയും ചെയ്യാം.

നമ്മുടെ അടുക്കളത്തോട്ടത്തിൽ അത്യാവശ്യം നട്ടു പിടിപ്പിക്കേണ്ട ചില പച്ചക്കറികളാണ് തക്കാളി, ചീര,വെണ്ട, വെള്ളരി, പാവൽ, ചുരയ്ക്ക,പയർ മുതലായവ. അതുപോലെ പ്രധാനപ്പെട്ടവയാണ് മുരിങ്ങ, പച്ചമുളക്, വഴുതന തുടങ്ങിയവയും.

വെണ്ട കൃഷി ചെയ്യാം

ഗുണങ്ങൾ :

രക്ത സമ്മർദ്ദം കുറയ്ക്കുന്നു, ചീത്ത കൊളസ്ട്രോളിന്റെ അളവ് കുറയ്ക്കുന്നു. ഇതിലെ ഇരുമ്പിന്റെ അംശം വിളർച്ച തടയുന്നു. ചുവന്ന വെണ്ടക്കയിൽ പ്രോട്ടീൻ അടങ്ങിയിട്ടുണ്ട്. വെണ്ടയിൽ വൈറ്റമിൻ സി ധാരാളമായി അടങ്ങിയിട്ടുണ്ട്, ഇത് നമ്മുടെ പ്രതിരോധ സംവിധാനത്തെ ശക്തമായി നിലനിർത്തുകയും കൊളാജൻ ഉണ്ടാക്കാൻ സഹായിക്കുകയും ചെയ്യുന്നു.ശരീരഭാരം നിയന്ത്രിക്കുന്നു.രക്തം കട്ടപിടിക്കുന്നതിനും എല്ലുകളുടെ ബലത്തിനും ആവശ്യമായ വിറ്റാമിൻ കെയും ഇതിലുണ്ട്.