നമ്മുടെ അടുക്കളത്തോട്ടത്തിൽ ഔഷധ ഗുണമുള്ള അമര നട്ടുപിടിപ്പിക്കാൻ ഓരോ വീട്ടുകാരും ശ്രദ്ധിക്കണം. രക്തസമ്മർദ്ദം, കൊളസ്‌ട്രോൾ എന്നിവയുടെ അളവ് നിയന്ത്രിക്കുക, രക്തത്തിലെ പഞ്ചസാരയുടെ വർദ്ധനവ് തടയുക, മലബന്ധം ഇല്ലാതാക്കുക, തുടങ്ങി ആരോഗ്യത്തിനു വേണ്ട എല്ലാ ഗുണങ്ങളും അമരയിൽ അടങ്ങിയിട്ടുണ്ട്. നാരുകൾക്ക് പുറമെ അന്നജം, പ്രോട്ടീൻ എന്നിവയും ഇതിലടങ്ങിയിട്ടുണ്ട്.
സീസൺ:
ഫെബ്രുവരി, ജൂൺ, ജൂലൈ മാസങ്ങൾ.
നടീൽ :
എളുപ്പത്തിൽ കൃഷി ചെയ്യാവുന്ന ഒന്നാണ് അമർ. ഇവ വിജയകരമായി നട്ടുവളർത്താൻ, ഓൺലൈനായി ആരോഗ്യകരമായ വിത്തുകൾ തിരഞ്ഞെടുക്കുക. ഗ്രോബാഗിൽ പോഷക സമ്പുഷ്ടമായ കമ്പോസ്റ്റ് നിറയ്ക്കുക, വിത്തുകൾ പാകുക. മൂന്നോ നാലോ ദിവസം കൊണ്ട് തന്നെ വിത്തുകൾ മുളച്ചു തുടങ്ങും. തൈകൾ മാറ്റി നടണം. ഒന്നര മാസം കഴിയുമ്പോഴേക്കും പൂവിട്ട് തുടങ്ങും. കായ്കൾ ഉണ്ടാകുമ്പോൾ ചെടിക്ക് താങ്ങുകൊടുക്കുക. ചെടികൾക്കിടയിൽ ശരിയായ അകലം പാലിക്കുക, ഈർപ്പം നിലനിർത്താൻ മണ്ണ് പുതയിടുക, ആവശ്യത്തിന് നനവ് ഉറപ്പാക്കുക. കീട ബാധ പൊതുവെ ഉണ്ടാകാറില്ല. കീടങ്ങളെയും രോഗങ്ങളെയും ഒഴിവാക്കാൻ നോക്കണം. ജൈവ കീട നാശിനികൾ ഉപയോഗിക്കുക.
Leave a Reply